Vi fann 95 artiklar i dette arkivet.
Vi i redaksjonen nyttar høvet til å ønskje alle våre lesarar ei god og fredeleg julehelg. Men fordi om vi tek ein vefortent juleferie, så er vi nok likevel «litt på post» for å fange inn nyheiter. Elles er vi glade for at lesarane framleis er med oss – vi kan skilte med like bra […]
Årets julegudsteneste var attende til normalen etter 2 år og vel så det med arrangement påvirka av pandemi og redsel for smittefare. Kirsti Hjørnevik var liturg under dagens gudsteneste, og klarte å skape den gode julestemninga for oss som deltok på julegudstenesta. Gudstenesta var sjølvsagt prega av både juleevangeliet, julas bodskap og ikkje minst opplevde vi flott og kraftfull salmesong med kjente julesalmar.
I dag er det finale og siste trekning i Adventlotteriet som Todalen ILs trimgruppe har arrangert. Det har vore ein suksess både økonomisk og samtidig mange flotte og kortreiste gevinstar som har gjeve mange og glade vinnarar. På finaledagen står vi att med 4 gevinstar. Den første gevinsten er eit måleri som er signert Sissel Halset Storslett – det vart vunne av Pestua. Det andre malerietsom går i dag, er signert Elisabet Aas og vart vunne av Vesleanna Talgø.
3. juledag, tysdag 27. desember er TIL trimgruppa på banen som arrangør av Romjulsmarsjen 2022. I år er vi attende til tradisjonell romjulsmarsj som rett og slett er ein rundtur rundt bygda. Sjølv om det er både influensavirus og Covid i lufta så køyrer vi tradisjonelt arrangement – einaste forandring er at det er ein registreringsstasjon, og den er på Bruset. Det blir høve til å registrere seg på Bruset i tidsrommet mellom kl 12:00 og 15:00.
Lille julaften er nest siste trekning i Adventlotteriet – denne dagen er det også 3 gevinstar attafor luke nr 23. Den første gevinsten er eit gavekort på kr 500 frå Todalshytta. Den heldige vinnar her vart Sigurd Talgø i Andersstua. Sigurd får ta ein tur til kammerpike Ediths spiseri når det lir utpå våren. Den andre gevinsten er 10 sekker med tørr og fin bjørkaved – den hamnar på Kvennset
Den tradisjonelle gudstenesta i Todalen kyrkje på julaften startar i år kl 13.30, melder Todalen sokneråd. Det er Kirsti Hjørnevik som er liturg, og Bernt Bøe som er organist.
Også hos Surnadal Taxi er det snart jul. Skal du ha drosje 24. desember (julaftan) etter klokka 16:00 og fram til 25. desember (1. dag jul) før klokka 10:00, må du førehandsbestille før klokka 16:00 den 24. desember.
Like sikkert som det går mot jul, så dukkar Søyaposten opp i postkassane til dei av medlemmene i I.L. Søya, som bor på Nordvik, og på strekninga Pollen – Stangvik. I år er det altså 52. årgang av Søyaposten. Redaksjonen har bestått av Theodor Glærum, Marit Haugen, Bergsvein Brøske, Geir Forbregd og Kristin Grønnes.
Ingebrigt Steen Jensen tilbake til Halsa i Heim kommune, måndag 9. januar 2023. Han kjem for å snakke om den nyaste bok si «Før jeg forsvinner» og det nye livet, han har fått, med diagnosen Alzheimer.
Da har vi starta innspurten mot jul for alvor – 2 dagar att til julaften og enda har vi mange gevinstar att. Bak luke nr 22 var det også 3 gevinstar og den første er 3 glass med prima honning – den heldige vinnaren er Nina og Michal (Heimlund) i bustadfeltet på Kvennset.
Ivar Bolme kan fortelje at det no er mogleg å gå heile Toåa tursti, både med og utan ski. Det er brukt snøscooter for å tråkke sjølve turstien, slik at det er mogleg å gå på føtene, medan det på sida av turstitraseen er laga skispor, for dei som heller ønsker å bruke ski.
Jula nærmar seg som kjent med stormskritt, noko som inneber endra opningstider for butikkane. Butikken til Kårvatn Fjellutstyr på Kårvatn vil ha langope 22. desember, mellom klokka 10:00 – 19:00 og 23. desember (lille julaften) mellom klokka 10:00 – 16:00.