Vi fann 91 artiklar i dette arkivet.
Endeleg kan vi feire 10-års jubileet som randoneekonkurranse, etter to års ufrivillig coronaavbrudd. Det betyr at rennet på Kårvatn i Todalen er den eldste randoneekonkurransen i Norge, som er «i drift». – Takket være ein veldig rutinert og dyktig arrangørstab. Kårvatn Skimo blir arrangert på Kårvatn i Todalen 26. – 27. februar (laurdag og søndag)
Med godt belegg vant gjensidig beundring månadens bilete for januar, og er dermed det første vinnarbilete i 2022. Ingri Bruset var fotografen som trakk det lengste strået i månandens bilete kåringa, vi gratulerer.
Surnadal Jeger og Fiskerforening (SJFF) minner om årsmøtet sitt torsdag 24. februar klokka 19:30 i kinosalen på Surnadal kulturhus. Vanlege årsmøtesaker. I tillegg blir det oppfølging av sak om vedtektsendringar og kontingentsatsar vedtekne av landsmøtet i Norges Jeger og Fiskerforbund (NJFF) i 2021.
Nei da, det var ingen av badegjestane som klaga – verken på vêret eller på temperaturen i sjøen. Er det badedag, så er det badedag, så underteikna takka høfleg nei tilbode om å være med uti og ta ein dukkert. I dag var det tette snøbyger i Hyllnesbukta, men det såg ikkje ut til å påvirke badelysten.
Surnadal kunstforening ønsker velkommen til utstillinga «Vintersyn -22» på Surnadal kulturhus laurdag 26. februar klokka 13:00. Denne gongen er det kunstnaren Joanna Årdal som er utstillar, og utstillinga vil vere open fram til 13. mars.
Det løner seg å vere senior heilt til påske! Surnadal kino tilbyr sine honorære kinogjengarar «eit tilbod dei ikkje kan seie nei til» i dei komande vekene. Det blir vist dagkino to gonger i veka fram til påske med eigen honnørrabatt – for dei som fortener slikt. Andre er sjølvsagt også velkomne til å sjå film på dagtid.
Nordvik Grendalag kallar inn til årsmøte i Nordvik forsamlingshus torsdag 24. februar klokka 20:00. I tillegg til dei vanlege årsmøtesakene vil det bli sak om eventuell renovering av forsamlingshuset og orientering om arbeidet med småbåthamn. Andre saker ein ønsker behandla på årsmøtet, må sendast på SMS til 918 64 878 (Tonje Kristin) innan fredag 18. februar.
Barne- og ungdomsgruppa i Todalen Idrettslag har kvar torsdagsveld «balleik» i gymsalen ved Todalen skule. Dei to siste torsdagane har oppmøtet vore litt påverka av koronasituasjonen og det faktum at somme har fått påvist smitte, men aktivitetsnivået og innsatsen til dei som har vore på «balleik», har likevel vore upåklageleg.
Rute 46 Kvanne – Rykkjem: Sambandet er innstilt inntil vidare, grunna teknisk feil, melder Fjord1 kl 13.47. Frå kl 14.00 er det igjen normal drift!
Heilt sia 1946 – i kjølvatnet av 2. verdskrig – har sal av fastelavnris vore ei god inntekskjelde for sanitetskvinnene. No selges det på landsbasis 135.000 fastelavsris, dog det gjev ein god inntekt til NKS – anslagsvis rundt 10,0 mill. kvart år. Todalen Sanitetsforening skal i år selje rundt 100 enheter, og salet brukar å gå glatt, fortel damene som onsdag kveld var travelt opptekne med å lage fastelavnsris som er pynta med fjær og ein oblat med NKS.
Todalen sanitetsforening har vore i kontinuerleg drift sidan 1916, det står det respekt av! Foreininga heldt årsmøte tysdag 15. februar med godt oppmøte og presenterte ei årsmelding som viser stor og god aktivitet for året 2021.
Torsdag 17. februar klokka 11:00 inviterer Surnadal Pensjonistlag igjen til «Bøy og tøy». VIKTIG! På grunn av ombygging i Meierisalen blir torsdagens «Bøy og tøy», denne gongen i Trudvang! Surnadal Pensjonistlag har fått med seg Oda fysioterapeut som instruktør for trimmen.