Vi fann 61 artiklar i dette arkivet.
Annakvart år er det rolegare tider for Stangvikfestivalen og deira gode hjelparar. I desse dagar derimot, er dei i full gang med planlegging av dugnadskomitear, overnattingslokasjonar, fiskeburgarar, fotballturnnering og ikkje minst finpuss av programmet for den sjette festivalen i rekkja. Frå 26. – 29. juli. Hovedsakleg med lokasjon i Stangvika, men også med eit arrangement i Todalen som åra før.
For tredje året på rad har Felleskjøpet Agri og Trioplast produsert opp farga rundballeplast som støttar eit godt formål. I år er plasten gul, og 30 kroner av kvar solgte rull går til Barnekreftforeninga. Det er totalt produsert opp 10 000 rullar, der kvar av Felleskjøpet Agri, Trioplast og bonden gir 10 kroner kvar pr rull til […]
Dei to siste kveldane har det vore dugnad i Ungdomshuset. Her har ein gjeng nevenyttige karar laga til ein fin platting ved inngangspartiet på øversida. Første kvelden laga Lars Kvendset fundamentet saman med Nils Ove Bruset og John Moe. Andre kvelden var det berre å ladde batteria og skruve toppdekket i MøreRoyal.
Jo Ranheim og Karstein Mauset var godt nøgd med frammøtet på hagekonserten dei to hadde i hagen på Svinviks arboret. Litt spenning var det nok knytt til om vêret – det var nemleg litt truande, men i løpet av konserten vart det nokre få dråpar. Karsten Mauset var også litt spent i forkant av konserten, både på om det kom folk og om korleis eit par nye melodiar kom til å bli mottekne.
Terje Nordgarden er en todalsvenn, og kombinerer familieferie og konsert på Todalshytta, som i 2016. Nordgarden har deltatt på låtskriverseminaret RAUS to ganger, og materialet han skrev på hytta er nylig utgitt på det kritikerroste albumet Changes. Nordgardens turne slutter aldri, og han kommer denne gangen direkte fra Italia. Lørdag kveld kan du høre Terje på Todalshytta kl 19.00
I media kan vi lese om dei ekstreme tørkeproblema i Sør-Noreg som vi og har føling med her på Nordmøre. I dag tromma bondelaga, banken, Landbruk Nordvest, Tine og Surnadal kommune saman til møte for å diskutere problema som har oppstått og eventuelle tiltak som kan gjerast. I Surnadal vil ein avvente 2. slåtten som startar om eit par veker før nevneverdige tiltak settes inn, så dagens møte var meir av førebuande karakter.
Det er egentlig bra med laks i elva, sjølv om det er lite laks som kjem på land, seier leiar i Todalen elveeigarlag Asbjørn Karlsen. – Vi har i det siste lagt ned ein innsats for å sjekke korleis tilstandene er i elva, og det er overraskande kor mange laksar som står i hølane nedover elva. Det var sjølvsagt variasjon frå høl til høl men jamt over bra, seier Karlsen til Todalen.no.
Kladdekake kalla dei kaka si dei to ungjentene som satt utanfor Matkroken og freista kundane på tur inn og ut i ettermiddag. Maria Kvendset Bergli og Ylva Synnøve Gjeldnes hadde teke seg tilrette på Sandstadkjøkkenet og trylla fram ei velsmakande sjokoladekake. Dei to er glade i å kokkelere, og kjem nok til å bli habile dugnadsbakarar om nokre år.
Jarl Goli kjem til Surnadal i midta av august og planlegg eit kinderegg av eit opphald. Og hans tredje ønske er spesielt med tanke på å få med seg ungdommane på noko spennande.
Jarl Goli er eit kinderegg i seg sjølv, da han er både bildande kunstnar, diktar og foredragshaldar. Det er mest den første utgåva vi vil møte i Surnadal i august.
«Frihet» har Elisabeth Aas kalla kunstutstillinga ho opna på Todalshytta i dag. Ho har vore inspirert av den friheita ho har følt når ho har kome til Todalen. Den friheita har vore med og ført til 6 maleri på lerret som er med på utstillinga, medan resten er foto som er overført på akryl eller på aluminiumsplater.
Norsk forening for cystisk fibrose, NFCF, var ein av dei to organisasjonene som fekk midlar frå årets Ræta Opp 30. juni. Totalt kom det inn 12.851 kr på Ræta Opp, og midlane vart fordelt på Aktiv for Epilepsi (8.851 kr) og NFCF (4.000 kr). Vi har motteke ei pressemelding frå redaktør Sharon Gibsztein i Norsk forening for cystisk fibrose, med takk og litt info om foreninga.
Fredag kveld inviterte Surnadal jeger og fiskeforening til sjøfiskekveld på Nordvik. Og med rundt 35 unge deltakarar må det seiast at det vart rekordoppslutning. Alle mann fekk være med ut for å prøve fiskelykka på fjorden, og nesten alle båtane kom inn att med fangst i bøttene.