Vi fann 103 artiklar i dette arkivet.
Gruppespelet i EM er ferdig, og vi startar på sluttspelet. Det er morosamt at så mange har blitt med på tippekonkurransen, og vi håpar engasjementet fortsetter utover i sluttspelet. Første åttandedelsfinale startar laurdag klokka 15, så hugs å tippe ditt resultat før den tid.
For tredje året på rad arrangerte Rehabiliteringsavdelinga og Dagsenteret onnadag på tunet mellom Rehab og pensjonærbustadene. Veret vart riktig bra, og det vart eit yrande folkeliv med små og store i felles aktivitet og riktig triveleg samver. Det var berre blide og glade folk i alle aldrar å sjå!
Dei siste kveldane har det vore iherdig snakkarar på ferde på Bordholmen. Dei ungdommelege snakkarane har bygd ein platt/terrasse på 75 m3 framfor klubbhuset. Det var «paddmark» og ujamt framfor der og plassen skal no kome til nytte for plassersing av bord og benkar både under trening og ikkje minst under Todalsdagen.
Det er nok mange som har lurt på når den nye bygdeboka kjem, og no kan vi røpe det. Den kjem no, og blir å få kjøpt frå fredag 24. juni og premieren skjer på eigen stand på Norsk Laksefestival på Skei, fortel Norunn Holten frå Bygdebokkontoret i Surnadal. Dei har også planlagt å ha stand på Bordholmen under Todalsdagen den 2. juli, der du kan få kjøpe den nye bygdeboka for Nordvik og Todalen som er første bind.
Komande torsdag er det premiere for årets laksefestival. Den startar alt på føremiddagen med fagkonferanse, der det blir sett fokus på laksefisket og villaksen. Men laksefestivalen er så mykje meir det, og det bys både på konsertar, tivoli, marknadsgate, fiskekonkurranse og mange andre ting frå scena framfor Surnadal kulturhus.
Onsdag 22. juni blir det siste trimturen i regi av trimgruppa før ferien. Turen går til Åsbøsnyta, ein fin tur og oppe på toppen er det riktig flott utsikt. Det er meldt fint og varmt ver, kanskje det blir solnedgang å sjå frå toppen. Alle er velkomne til å bli med ut på tur! Oppmøte ved Matkroken […]
Det er framleis godt laksefiske i Toåa, men dei siste par dagane har det vore litt færre fiskarar. Det har nok samanheng med at det enno er få som har gått ut i ferie, men utover veka reknar vi med at det blir fleire igjen. I dag er vassføringa rundt 13 m3/sek ved Storfossen, og det er fine forhold for fiske.
Svorka Energi melder om straumstans for strekninga Eidet, Stangvik og Todalen natt til fredag. Det blir straustans frå torsdag kveld kl 23 til fredag morgon kl 06:00.
Ole Ingar Strand frå Relacom fikk fart på datatrafikken på Bordholmen i dag. Han kjem frå firmaet Relacom som gjør installasjonsjobben for Svorka Aksess, og kobler til og kjører i gang nyinstallasjonar med fiberbasert breiband.
Fotterapaut Pan Hoset kjem mandag den 4. juli på nok ein runde med fotpleie i Sanitetshuset. Det er fortsatt Marit Sanden Søyset som tek i mot bestilling på time. Ho er å treffe på telefon 980 36 391.
Neste tysdag, 28. juni, blir årets første «balldag» på Todalshytta, fortel Eric Malling. Han har hatt travle dagar med traktering og innlosjeringa av laksefiskarar sia opningsdagen, men no vil han etter kvart blåse liv i den tradisjonelle balldagen på tysdagar frå kl 14.
Jakt, skyting og friluftsliv fenger mange, både unge og eldre. Surnadal skytterlag og Surnadal Jeger og fiskerforening inviterer søndag til en variert aktivitetsløype med mulighet for læring, konkurranse, flotte premier, mat og sosialt samvær for hele familien. Bli med du også oppfordrer arrangørene i de to lagene.