Arkiv for oktober, 2014

Denne veka er Svorka Energi igang med framføring av straum til lysløypa på Tjønnmyran. Arbeidet med å legge jordkabel pågår no frå høgspentmasta/transformatoren mellom Talgø gard og Vestrum, og vil fortsette etter veggrøfta ned mot vegen til Tjønnmyran og vil deretter bli lagt i vegen opp til lysløypeanlegget.

Surnadal kommune oppfordrar alle i nærleiken av kommunehuset om å sette av 10 minutt av (arbeids)tida si og komme til sørvistorget kl. 11 førstkomande fredag 10.10. Dei vil da, i likheit med mange alle andre kommunar i Møre og Romsdal, arrangere Water Friday. Dette for å markere at dei støttar opp om årets TV-aksjon. I år er TV-aksjonen tildelt Kirkens Nødhjelp under namnet «Vann forandrer alt» – framføring av reint vatn til over ein million menneskje.

Dagens nyheitsbombe er nok Coop Norges kjøp av ICA Norge. Coop bladde opp 2,5 mrd. for ICA Norge som til saman har 553 butikkar rundt omkring i landet. Det har lenge vore kjent at ICA Norge har hatt store problem med sine butikkjeder i Noreg, som mellom anna står attafor Matkroken-kjeda der L. Hals EFTF AS er tilslutta.

Trollheimsporten har gått litt på reservane dei siste månadane, men no har dei endeleg fått sett den nye driftskabalen sin i verk. Ny hovedredaktør er Eva Rønning som etter 11 år i Trondheim har valgt å busette seg i Surnadal, og jobbe i Rindal. Med seg i den daglege drifta har ho fått Sigrid Skjølsvold i ei kombinert stilling som medredaktør og kontormedarbeider. Hun har jobbet som medredaktør i omtrent ett år no, og fikk i august utvida stillinga til 100%. Stian Kooyman går dermed tilbake til deltids driftsansvarleg.

Ordførar Lilly Gunn Nyheim og Egil Nedal hadde i ettermiddag rigga seg til i kaffekroken på Matkroken for å ta i mot innspel til sitt nye partiprogram for 2015. I følge Driva.no skulle Arebeiderpartiet til løvens hule og friste skjebnen. Dette vart tvert avkrefta, for dei begge to fullroste todalingane som trivelege og ikkje minst konstruktive med sine innspel. Oppmøtet var ikkje overveldande bra, men knallfint vêr og mange jegarar utanbygds kan nok ha vore utslagsgivande.

Vi er godt inne i hausten sjølv om temperaturane fortsatt held seg fine, og siden oktober nå er i gang betyr det ny avstemning på bidrag frå dagens bilete. Vi håpar at alle fortsett å sende inn bilete sjølv om det byrjar å bli mørkare på kveldane.

Komande veke er det haustferie i skulane i området som da tek ei friveke. På yr.no ser det ut som vêrgutane spelar på lag, og kan by på fint haustvêr utan nedbør og med dagtemperaturat mellom 10 og 15 varmegrader. Enkelta skal nok ut på tur i ferien, medan andre skal drive med andre aktivitetar. Eivind Bolme fortalte at han held på å lagar tak på hytta. Den er bygd oppi ei stor bjørk heime i Bekkerhagan.

Neste helg, søndag 12. oktober, arrangerer Todalen idrettslag trimbasar. Denne helga starta før3ehandssalet av lodd, og Ingeborg Myrvang var på plass med strikktøy og loddbøker på Matkroken. Ingeborg skrytte av at folk som var innom butikken var flinke til å kjøpe lodd og støtte idrettslagets basar – der inntekta går til trimgruppa og ski- og friidrettsgruppa på deling.

Det har i haust vore fleire rundar med stamlaksfiske for å sikre dei rette genene til å føre slekta vidare i Toåa. Det har forsåvidt vært bra resultat frå fisket tidlegare i haust, men ved gentesting har fleire laksar hatt usikre genere og blir derfor ikkje avla på, seier ledar i Todalen elveeigarlag Ola Bruset.

Eldremiddagen er godt igang igjen etter sommarferien. Sist onsdag var det rømmegraut og spekemat på menyen, der veterankokkane Jenny Kvendset og Olina Halle trakterte gjestane med god heimlaga rømmegraut. Komande onsdag er det lapskaus som står på menyen, som dei fleste onsdagane består av god og heimlaga humannskost. Både todalingar og utabygdes nyttar seg av dette populære tilbodet som foregår i sanitetshuset kvar onsdag. Komande onsdag er det lapskaus på menyen.

Torsdag den 2. oktober besøkte Stavganggruppa i Surnadal pensjonistlag Randi Lysø i Nestua Torvik. Medan halvparten av gruppa la i veg utover forbi Fyrlykta, var Randi turleiar for oss andre og viste veg opp til Storhaugen, ein utsiktsplass knapt tre kvarters gange opp for gardane i Torvik.

Torsdag har det pågått asfaltering over dei stikkrennene som er utbetra og fornydd på strekninga frå inner Driva til Bordholmen på RV671. Det er veidekke som har prosjektet med utskifting av stikkrennene, men arbeidet har dei siste par vekene vore utført av J.Reiten. Veidekkes folk forebudde asfalteringa, og eit innleid firma la ny asfalt på over dei stikkrennene som er skifta ut.