Arkiv for april, 2012

For mars kan vi gratulere Anna Maria Giełzakowska som vinnar av månadens bilete med «Gå en tur».

Frå Mari Redalen har vi fått fleire bilde fra lamminga på Trøå. Mari og Ingrid har vore til god hjelp for sambuar og bror Bjørn i lamminga, og har bruka av ferien for å hjelpe til i fjøset. Mari skriv i e-posten til Todalen.no: «Etter mange rundar i fjøset, og mange seine våkenetter begynner det no å nærme seg slutten for lamminga i år. Torsdag passerte vi 100 lam, men det er forsatt nokre etternølarar att.»

Den felles basaren for Trimgruppa og Ski-/friidrettsgruppa søndag ga ei bruttoinntekt på over 22.000. Det er veldig bra og komiteen fortel at det er spesielt førehandssalet som har vore heilt eventyrleg. I kollisjon med fotballkampen på Bordholmen og det fine søndagsværet så vart det ikkje så mykje folk på basaren i Ungdomshuset. Hovudgevinsten på basaren som var eit gåvekort frå Kårvatn Fjellutstyr, som gikk til Hegernesset

Den aller første fotballkampen på Bordholmen bekreftar at noer vinteren over og det er vår. Dagens kamp var ein privatkamp mellom Todalen-Søya-Kvass/Ulvungen (G19) og Søya-Todalen (A-laget). Her var det ungdommane (G19) som trekte det lengste strået og vann 2-0 over A-laget. Første omgang var det lite som skjedde, og det var knappast nokre skot mot mål.  Men […]

Frå Kristen Bruset har vi fått e-post bilder frå Svinvika, der ein del 100 år gamle edelgraner måtte til pers før helga. Han skriv. «Det var Skog-kompaniet som har bistått med felling av dei store trær i Svinvika. Her var det flere edelgraner som stod inntil ei bygning på gården. Ett av trærne i denne klynga blåste ned under stormen «Dagmar» og grunneier Sven Olav Svinvik ønsket nå å ta ned alle trærne som kan være en fare for bygninga.

Laurdag var det også dugnad på båthamna på Kvennset. Julstormen «Dagmar» hadde nærast fylt opp hamneanlegget med drivved, rusk og rask, og dugnadgjengen samla opp ein stor dunge som skal køyrast vekk og brennast. Ledar i Todalen Båtforening, Lars Stensby er godt nøgd med dugnadsinnsatsen frå medlemar og andre som sørga for skikkeleg opprydding i båtanlegget og området omkring.

Husby & Halla vassalg er i gang med renovering av vassanlegget. Laget har ansvar for vassforsyninga frå Andersstua på Kvennset og heilt til Skogstad i Hallagrenda, til saman eit førtitals abbonnentar. No skal anlegget oppgraderast med ny brønn og anlegg for filtrering og ultrafiolett stråling for å sikre vasskvaliteten. Det er ei investering på over ein halv million, samt ein god del dugnadsarbeid på anlegget som er organisert som eit privat vasslag.

Her kjem ei helsing frå aldersheimen uti Stangvika: Vi er så heldige at vi har ein god venn her som kjem på besøk. Svein Sæter hadde bokbad med bileteframsyning på stuå i føremiddag. Hovedtema var den nye boka av Hans Hyldbakk som Svein og Anita har gjeve ut på forlaget sitt, Blomsterhaug forlag. Dette er fakstisk ein roman som Hans skreiv for over 80 år sidan! Bebuarane hadde ein triveleg og interessant time og vi har no godt bakgrunnsstoff til å lese romanen «Brotne band». Vi gler oss.. Svein møtte Ester som vaks opp og budde attmed Stykkjet der som Hans vaks opp. Han budde der før han flytte oppå Kleiva. Ho kjende både mor og far hass og dei fekk seg ein god prat.

Tirsdag kveld inviterte Byggmakker Surnadal til Guttas kveld ved butikken i Surnadal. Det var først og fremst ein informasjonskveld for interesserte kundar, og dei hadde og fått fleire leverandlørar til å stille opp for å demonstrere og vise fram sine produkt. Av lokale utstillarar deltok Sveen Auto og Slatlem med «snekkarbilar», medan MøreTre viste fram sine MøreRoyal-produkt og terrasse- og hageprodukt i OutLiving-kolleksjonen.

I dag fekk elevane i Todalen oppvekstsenter besøk frå Todalen Sanitetsforening. Leiar Åse Ville Redalen fortalde at dei hadde eit ønske om å gi noko til barna på skulen og i barnehagen. Dei hadde kjøpt inn refleksvestar som barna kan bruke når dei skal på tur langs vegen. Elevane tykte dette var kjekt, og kunne mest ikkje vente med å prøve dei.

Med kvinneleg ledar både i hovudstyret og i fotballstyret i Todalen I.L. er det naturleg at det vart sett prioritet på rundtvask i klubbhuset på Bordholmen. Torsdag kveld samla dei både hovudstyret og fotballstyret til dugnad, og da vart det fart i sakene. Det vart rydda og brent, og heile klubbhuset vart reingjort frå gulv til tak. Og før dei ga seg var det grønsåpelukt over heile huset.

Todalen IL vil også i år legge til rette for at det blir mulig å campe i Todalen. Nytt av året er at dei har fått 3 spreke pensjonister som campingverter; Nils Øyen, Gudmund I Kvendset og Eivind Grønmyr.

Som tidligere blir området ved Bordholmen (idrettsplassen) brukt til formålet. Av fasiliteter knyttet til campingplassen er: 1 fryser (til nedfrysing av eventuell fangst i Toåa??), 1 dusj og 1 wc.