Forfattararkiv for

Torsdag 26. oktober avslutta Stavganggruppa i Surnadal pensjonistlag 2011-sesongen med heile 51 deltakarar, også denne gongen i fint ver og strålande sol. Leiar i Surnadal pensjonistlag, Johs. Vaag, var møtt fram og gav blomster til styret i Stavganggruppa før vi la ut på tur. Medan ein del sikta seg inn mot Kvennaåsen, tok andre turen etter gammelvegen i retning Stangvika.

Husby vasslag er igang med renovering av deler av vassverket. Denne gongen var det ny inntakskum som skulle på plass ved inntaket der Berje-elva renn ut i Lauvåa (ca 250 m.o.h.). Tidlegare er det støpt fundament for sjølve inntakskummen. Den er laga i rustritt stål og naturleg nok litt tung å handtere. Med traktorskyss den første biten, gikk det bra å frakte den opp til Geitabrua og nedatt til inntaket med handmakt. No er det rørleggararbeid som står att før inntaket er ferdig.

I disse dager søker Talgø etter 2 nye selgere. Det annonseres etter selgere til både Østlandet og Vestlandet. På Vestlandet er det tid for generasjonsskifte, da Talgøs agent Norvald Herland vil trappe ned og pensjonere seg til ferien 2012. Da har han vært med på «Talgø-laget» i hele 29 år, og rukket å slite ut 11 biler på den tida!

Onsdag 2. november startar Surnadal Velværesenter på Skei opp med Zumba for born og ungdom. Kl 17 er det opplegg for born i alderen 7-12 år og etterpå kl 19.00 er det klart for ungdom i alderen 13-16 år. Kurset går over 7 kveldar og kostar kr 350,-. Påmelding til Surnadal Velværesenter på e-post: velvaere@svorka.net eller tlf. 93067072. Først til mølla…! Her kan du laste ned plakaten.

Onsdag kveld inviterte Todalen sokneråd til «Kyrkjetonar året rundt» med Todalskoret og Åsskard kyrkjekor som aktørar. Det vart ein slags kavalkade på jubileumsåret for Todalen kyrkje som snart går mot slutten. Der fekk vi smaksprøvar på salmar og songar frå heile kyrkjeåret, og det starta med adventssalmen «Görer portarna höga». Vidare på programmet var det både jule- og påskesalmar før programmet gikk vidare utover året på «rundturen».

Tysdag var det stor stas på Myrmo! Johan vart nemleg storebror til tvillingane Jakob og Lisa, som kom til verden på St.Olavs Hospital i Trondheim. Fødslane skjedde kl 02.58 og kl 03.11, natt til tysdag 25. oktober, og  Jakob var 3700 gram og Lisa var 3200 gram ved fødselen. Stolte foreldre er Line Marie Kvendset og […]

Den landsomfattande innsamlingsaksjonen til Norsk folkehjelp var vellukka, og i skrivande stund er det kome inn 209 millionar, som skal brukast til minerydding i mange forskjellige land rundt om i verden. I Surnadal vart resultatet 288.061, eller kr 48,42 pr innbyggjar, som er litt over landsgjennomsnittet på kr 42,47.

Onsdag kveld inviterer Todalskoret og Åsskard Kyrkjekor til “Kyrkjetonar året rundt”. Songkvelden er oktober-bidraget til den månadlege markeringa av 150-årsjubileet for Todalen kyrkje. Kyrkjeåret er rikt på musikkuttrykk, og kvelden blir ein song-kavalkade frå advent til helgemesse. Utvalet av songar er denne gongen resultat av demokratisk ønskeprosess blant koristane.

Søndag er 5. og siste dag at byggmessa «Bygg Reis Deg 2011» på Lillestrøm er opa. Talgøkonsernet er ein av 470 utstillarar der, og det var venta over 50.000 besøkande til messa. Talgø har en stand på rundt 300 m2, og det har gjennom messa vore stor interesse for produkta til Talgø. Salgssjef Brynjar Ansnes Moe seier til Todalen.no at dei har opplevd ein fantastisk respons frå både butikkar, arkitektar og forbrukarar desse dagane. – Vi har møtt mange av våre eksisterande og potensielle kundar, og fått vist både breidde og heilskap i det vi held på med. Dei besøkande har gjeve uttrykk for at dei er overraska over mangfaldet og har vore imponert over messestanden til Talgø

Denne helga har Surnadal Jeger og Fisk samla ein gjeng ungdomsskuleelevar til villmarkscamp på Kårvatn, eller nærare bestemt på Sommarfjøsvollen. Dei starta fredag kveld, da Rune Gjeldnes heldt foredrag og fortale om dei mange ekspedisjonane sine til fleire eksotiske mål og til ekstrem kulde både på turane til Nordpolen og Sydpolen. Han la spesiell vekt på kor viktig det var med positive tankar for å lykkast på slike turar. Laurdag bar det ut i naturen, med base på Sommarfjøsvollen der det var planlagt overnatting i sjølvbygde gapahukar, og der dei måtte samle ved og lage bål. Dei laga også grue, der dei skulle lage elgsteik til middag når det leid mot kvelden.

I kaffekroken på ICA Todalen legg det ein «dings» som vi ikkje kunne identifisere. Er det nokon som veit kva dette er, og kva det er tenkt bruka til? Dersom du dreg kjensel på dette, så gi oss eit vink om kva du trur det er, og send svar til vår e-post på red@todalen.no.

Neste søndag, 30. oktober, er det basar på Stangvik aldersheim i pårørandeforeningas regi. Førehandssalget av lodd har allereie starta, og laurdag formiddag og litt utover dagen var Ingri Buset og Steinar Gjeldnes på plass på ICA Todalen med loddboka. Pengane dei får inn på basaren skal gå til trivselstiltak for bebuarane på aldersheimen. Vi oppfordrar […]