Vi fann 7257 artiklar i dette arkivet.
Todalshytta markerte i lag med Todalen elveeigarlag at ny laksesesong starta natt til laurdag. Med mykje god grillmat, og kulturelt innslag med Johanne Holten, vart det ei triveleg markering av starten på 2024-sesongen i Toåa. Vêrgudane kunne nok ha vore litt meir slepphendte med sol og varme, men det var da eit godt alternativ å fortsette innomhus etter kvart.
Laurdag 08.juni inviterer Surnadal Hagelag og Nordmørsmusea igjen til planteloppemarked i tunet på Åsen bygdemuseum, med påfølgande kaffeservering og opne museumsutstillingar. Loppemarkedet startar kl. 13.00.
Laurdag 1. juni opnar Jan Eilert Pedersen og kona Celina Tafjord dørene til Cafe Fyret som ligg i 2. etasjen i Domusbygget – midt på Skei. Da vi stakk innom ein snartur i dag var det meste på plass og Jan Eilert var i gang med å førebu maten til opningsmenyen.
På Todalshytta setter dei ekstra pris på det fine sommarvêret. Fredag kveld tenner dei på storgrillen og inviterer til grillkveld med mykje godt på grillen. Kultur blir det og, for Johanne Holten frå Surnadal vil underhalde med song og musikk utover kvelden. Det blir start kl 18, og YR.NO byr på finvêr og varme utover kveldet, fortel Arve Evensen på Todalshytta.
Frå i dag er det nok full trøkk med siloslåtten over heile bygda. Vi stakk innom i Pestua, der Todalen Mjølk har moblisert både mannskap og utstyr til full fokus på førsteslåtten. Den kalde vinteren med mykje is har nok sett sitt preg på slåttamarka med mykje isbrann. Det fine maivêret har også gjort sitt til at tørke har hemma veksten. Dette har ført til at vi opplever ei avling som er under normalen til førsteslåtten, seier Anders A. Karlsen hos Todalen Mjølk.
Det kjem kanskje litt overraskande på at laksesesongen både startar tidlegare og sluttar seinare enn det har gjort dei siste år – sesongen bli 4 veker lenger. Laksefisket startar 1. juni og sluttar 31. august – altså same tid som i Surna.
Men når det er sagt, så går vi nok inn i ein sesong som er sterkt prega av lovkrav og strenge reguleringar. – Det er nemleg mørke skyer i horisonten for villaksen, og vi får kanskje oppleve ein svært krevjande sesong.
Det er no over 120 år sia dei første «lakselordane» kom til Todalshytta første gong – hytta vart bygd i 1901, og tok nok imot dei første gjestane året etter. No er eng3elskmannene på veg inn igjen – i år er det engelske laksefiskarar som dominerer bookinglista, fortel Arve Evensen som er vertskap på Todalshytta på 5. året. Dei første engelske laksefiskarane budde på hytta i fjor sommar, og dei likte det dem såg på Todalshytta og i Toåa. Dei fall for plassen, og har booka 80-90 % av kapasiteten på hytta i d3eler av sesongen. Mange argument talar for at dei skal trivast med å gå langs Toåa med fluestanga – det er fine hølar, ro og stillheit og passe stor elv for flugefiske.
Vil du vite meir om Svinviks arboret? Bli med på ei vandring i hagen, og lær om historia og plantene i arboretet. Omvisinga varer i ca 35 minutt.
Vi opnar kafeen for sal av kaffe, is og kald drikke i tilknytning til omvisinga, ein halvtime før og ein halvtime etter.
Når Hønhalsen har gått av er det klart for bading. I føremiddag skjedde det, og no ligg det altså til rette for å starte badesesongen på «legalt» vis. Det var Ingri Bruset som var kjapp på avtrekkaren da ho oppdaga at Hønhalsen hadde gått av, og ho lura sjølvsagt på om dette er rekordtidleg.
For Knut er det viktigast å få til god stemning. I helga har han vore pizzakokk på Hageland – både laurdag og søndag har han baka pizza og delt ut folk både på veg inn og ut frå Hageland i Surnadal. Og Knut han fekk skryt for sine gode og nysteikte pizza, som kom rett frå sin vedfyrte steinomn.
Laurdag arrangerte Todalen historielag ei historisk vandring i Svinvika, og i Svinviks arboret. Med Sven Olav Svinvik som dyktig guide, vart dette ein svært interessant dag for eit trettital interesserte og lydhøre deltakarar. Det er eit enormt historisk materiale som finnes på garden, og dette er teke godt vare på – både utstyr og hus. Sven Olav er sjølv veldig interessert i historia til garden og har samle ein enorm kunnskap om garden opg gardshistoria – i dag fekk vi nyte godt av dette.
Treeiningssøndag kveld (26. mai) er det Kveldsmesse i Todalskyrkja kl. 19.30. Ei kort gudsteneste med preg av sommartid og av dagens tekster. Prost Vidar Rygh gjer teneste – også som songsolist. Salmelista er slik: 845 – 963 – 1 – 977.4 – 318 – 678 – 821a.