Forfattararkiv for

Pionerar frå Rindal, Halsa og Surnadal minnest da kvinnene kom med i politikken. Som kjent fekk kvinnene allmenn stemmerett i 1913, men det var først lenge etter 2.verdskrigen, på 1970-80-90-talet – at kvinner slapp til i kommunestyra utover landet. Slik var det også på Indre Nordmøre. På møte i Indre Nordmøre senioruniversitet 13. november vil kvinnelege pionerar frå Rindal, Halsa og Surnadal samtale – med Eivind Hasle.

Denne veka trør kommunal- og regionaldepartementet igang ein aksjon for nærbutikkane. Gjennom Merkurprogrammet kjører dei i gang tiltak for at folk skal ta helgehandelen heime – der dei bur. Aksjonen går over heile landet, men er spesielt mynta på bygder og grender som slit med folketalet og har problem med å bevare butikken og skulen sin. Matkroken L. Hals er ein slik «sistebutikk», og dei er med på denne aksjonen, fortel Terje Nordvik til Todalen.no.

Vår omtale av Hallarampen for ei tid tilbake, gjorde at den vart rikskjendis. Innvielsen vart behørig omtal i P4-programmet Misjonen sist fredag 1. november. Har du lyst til å høre omtalen er det berre å klikke på linken til P4 og spole fram til 38:00, så kjem du direkte inn i programmet.

Haustfesta markerer sesongslutt for 4H-arbeidet. Da er det tid for å skrive rapport etter at oppgåvene som medlemane har valt er gjorde ferdig, og på haustfesta må det lagast utstilling og leggjast fram rapporten. Det var i år 11 deltakarar som har fullført oppgåva, og det var imponerande å sjå kor mykje arbeid som den enkelte medlem hadde lagt i oppgåvene og utstillingane. Det var eit stort utval i oppgåver, og medan nokre hadde eigne oppgåver hadde andre valt å samarbeide om oppgåvene.

På heimtur fra kaffebesøk hos naboen oppdaga eg skummelt besøk ved redaksjonslokala. Tenkte først på ransbølga i Oslobøgda, men oppdaga fort at dei var meir troskyldinge og vennlegsinna enn som så. Klarte iallfall med litt sjokolade å opprette ein god kommunikasjon med gjengen, sjølv om dei så skumle ut i førstninga. Klarte også å overtale gjengen til å bli med på fotografering, slik at eg fikk sikra meg bevis med eit bilete.

På denne årstida er det nok stor aktivitet på mange «nisseverksted» rundt i distriktet. I Moa-fjøset er det ikkje noko unntak, for der er Magne Søyset i full gang med sine tresløydprodukt. No er han i innspurten, for alt neste helg (8. og 9. november) er han på plass på julemessa i Rindalshuset for å by fram sine produkt, saman med mange likesinna.

Betongrenovering Drift As har no starta monteringa av mastene som skal halde sikringsnettet på plass. Dei er 6 meter høge og er tunge løft som tøyer krankapasiteten til bristepunktet med tanke på rekkevidde. De 3 første av i alt 10 master var komne på plass onsdag, og dei blir no forankra med kraftige virar.

Arbeidet med utskifting og oppgradering av utstyr på Netcoms basestasjon i Todalen er fullført, og området har igjen full dekning med 3G-nett med både breiband og GSM-telefoni. Onsdag har Todalen vore uten mobildekning deler av dagen, berre sporadisk dekning frå baser utafor bygda har vore tilgjengeleg. Men no er altså det nye utstyret på plass og det er normal drift.

Laurdag 23. november arrangerer Todalen historielag «bokbad», med lansering av det nye årsskrift for 2013. Dette arrangementet var opprinneleg planlagt til påfølgande søndag, men da er nok mange opptekne med cupfinalen på Ullevål, og den er det nok ikkje lurt å kollidere med, seier John Moe i Todalen historielag. Men laurdag 23. november, utpå ettermiddagen, blir det altså arrangement i Todalen ungdomshus. John fortel vidare at eit av programinnslaga denne dagen blir temautstilling av flyfoto. Historielaget oppfordrar derfor alle som har flyfoto som kan stillast ut til å ta kontakt.

I dag tidleg «tikka det inn» amerikabrev i e-postkassa. Det var ei helsing frå Jean og Olav Kvendset, som forlengst er attende på farmen i Pope Valley i California etter sommarferien i Todalen. No er det travle tider med innhausting av vindruene dei har på farmen, som dei driv saman med familien til Jeans bror Mark. Jean og Olav har sendt oss nokre bilde frå arbeidet med innhaustinga, og dei nyttar samtidig høvet til å helse både til Todalen og til lesarane på Todalen.no. I «amerikabrevet» skriv dei mellom anna:

Søndag 3. november ønsker Start 4H alle saman velkomne til den årlege haustfesta i Todalen skule. Kl 17.00 opnar utstillinga og underhaldninga startar kl 18.00. Det vert enkel servering samt loddsal, melder Start 4H.

Det var ein entusiastisk gjeng som var samla til første møte om julerevy. Det er fotballgruppa som står som arrangør av 3.-dagsfesta og dei følgjer tradisjonane vidare med revy på programmet. Dei ligg enno i startgropa, og treng mange til å være med for å få til dette, og vi går no ut for at alle som har lyst skal få sjangs til bli med. Vi treng folk til å være med på skriving, på scena, bak scena og til mange andre jobbar. Du treng slett ikkje å væra «proff» – vi har bruk for alle, seier ledar i fotballgruppa Borghild Talgø.