Forfattararkiv for

Den siste veka har Skihytta vore utleid til ei gruppe tyskarar som ved fleire høve har feriert i Todalen og som likar seg godt i todalsnaturen. På turen til skihytta, og mellom anna Vassnebbvatnet, har Terje Nordvik vore guide og kjentmann for dem. Han har sendt oss eit par bilder og skriv i e-posten: «Her er gjengen fra Tyskland som nå har bodd en uke på Todalsøra brygge de siste 4 årene. Tidligere har denne kompisgjengen reist verden rundt på opplevelsesturer. Kan nemne m.a. bjørnesafari i Canada, laksefiske i elvene i Alaska.

Tysdag 27. mai kl. 9.00 startar turen frå Kulturhuset på Skei, med Olav Jostein Holten som turleiar og Sverre Kjølstad som stødig sjåfør. I fint vårvêr og 20 varmegrader ber det utover mot Halsa, og vi når ferga på Hendset kl. 10, ein halv time tidlegare enn planlagt. I Arasvika stig guiden Knut Bårdset om bord.

Tysdag hadde vi ti-kaffe på oppvekstsenteret. Elevane ba inn besteforeldre, naboar og vener og vart veldig glade for alle som kom. Dei hadde førebudd seg godt, og baka kanelbollar og skuffkake – og i dag var det bakelssteiking frå tidleg om morgonen.

Konserten i Stangvik kyrkje tysdag kveld byr på korsong, orgelmusikk og allsong frå vår nye salmebok. Todalskoret, Åsskard Kyrkjekor og organistane Daniel Bjørlo og Oddveig H. Halle er hovudaktørar, fortel Bernt Bøe til Todalen.no.

Alt neste veke kan vil Todalshytta så smått opne dørene for publikum. Alt førstkomande onsdag kjem den første busslasten på besøk, og nokre grupper er bestillt. Ein kaffekopp eller anna enkelt servering kan dei også tilby folk som stikkk innom. Full opning og servering frå menyen vil det bli frå pinsehelga, nærare bestemt laurdag 7. juni. Frå 15. juni startar laksefisket i Toåa, og da blir det nok meir trøkk etter kvart, seier Eric Malling som er ein av vertane.

Den siste tida har det gått føre seg utsetting av smolt og yngel i Toåa. I førre veke vart det sett ut 4100 2årig smolt og 729 1-årig smolt ved Steinutgarden. All fisk som blir sett ut er feittfinnekløft. Nytt av året er at det meste av fiske er ”pittag-merka”. Det er ei elektronsik merking som legg grunnlaget for datainnsamling for å dokumentere sporing.

Dugnadsgjengen som dei siste ukene har svinga penselen ved Todalen kyrkje, avslutta torsdag kveld arbeidet og kunne «overlevere» nymåla kyrkje til Ingeborg Nordlund som er kyrkjeverge. Ho takka for innsatsen og kvitterte med roser til dugnadsgjengen og til dugnadskomiteen. Soknerådsledar Ildri S. Øyen stillte med ei stor marsipankake med bilde av nymåla kyrkje på.

Dronning Sonja var imponert over Nordmørsnaturen, og kan godt tenke seg å kome attende ein gong, og kanskje da med fjellsko, fortalte ho på det korte pressemøtet torsdag. I sin tale skrytte ho av mottakinga i Surnadal, og av programmet under det 1,5 timer lange besøket. Dei avslutta besøket med ei mottaking på Kongeskipet, før dei «stakk til sjøs».

Det var godt og varmt for gravegjengen frå Svorka Aksess i dag. Ola Halle på gravemaskina og Erik Ranes i grøfta jobba med å legge rør til fibernettet i Kvennsetøran boligfelt. De siste par vekene er det lagt rør fra transformatoren innafor Trøa, og gjennom boligfeltet i retning Sissigrenda. Når dei har fått unna jobben vil det etterkvart bli «blåst inn» fiberkabel med trykkluft, før monteringsarbeidet for hver enkelt abbonnent kan starte.

Torsdag kveld kl 18 blir siste dugnadkveld og avslutning på dugnadsarbeidet med kakefest og «overlevering» av ferdigmåla kyrkje til kyrkjeleg fellesråd. Til siste dugnadsdagen står det berre att litt finpuss og oppryddinging etter dugnadsarbeidet. Kl 19.30 blir det dugnadskaffe med marsipankake frå soknerådet, og da inviteres alle som har delteke på dugnaden heilt sia starten.

Det står enno att ein del arbeid før TILs lysløypeanlegg på Tjønnmyra kan kan sluttførast. Den meste av den 1620 meter lange lysløypetraseen vart bygd vinteren 2012-2013, og fortsette hausten 2013. No er det klart for montering av rundt 25 pålar for lysarmaturane og finpuss av traseen og området omkring. Tysdag kveld var anleggskomiteen samla […]

Sommarvarmen dei siste dagane har sett skikkeleg fart på blomstringa i Svinviks arboret. No er det verkeleg verdt å ta turen for å sjå og oppleve hagen som meir eller mindre står i full blomstring. Nytt tilbod i arboretet er salg av rhododendron og stauder. Dei satsar no på salg av staudar som marknadsføres under varemerket «Plantearven», der det inngår staudar som ein har funne i norske hagar langt attende i tid og som har ei fin historie å berette, fortel Katarina Wedelsbäck som er fagansvarleg i arboretet.