Vi fann 7037 artiklar i dette arkivet.
Mildvêret og regnet denne veka har mesta gjort kol på snøen og isen – utover stranda var Veidekke og Ranes Maskin føre var, og laga plass til isen i veggrøfta. No har det meste av isen kome ned, og det meste har smelta bort etter fleire dagar der vi til og med har sett 10-talet på gradstokken.
Frå Todalen sokneråd har vi fått ein oversikt over gudstenester som er planlagt fram til sommaren – tilsaman er det 6 gudstenester i perioden fram til 15. juni. Det er vanleg gudsteneste på søndagane 2. februar, 30. mars og 15. juni. I tillegg er det friluftsgudsteneste 2. påskedag (21. april), konfirmasjonsgudsteneste laurdag 10. mai og gudsteneste 17. mai i tilknyting til feiring av nasjonaldagen
Ranes Maskin ryddar plass til isen utover stranda frå Drivhammaren og utover i retning Hjellneskrysset. I den kalde perioden som har vore den siste tida har det samla seg opp utruleg mykje is, og i dag er Geir Magne Bredesen frå Ranes Maskin i gang med å rydde vekk isen.
Det er Elinor Bolme – leiar i Todalen Idrettslag – som oppfordrar til å bli med ut i frisk luft. – Vi trefte Elinor saman med elghunden Sako i Toåa tursti søndag ettermiddag. Elinor reklamerer med kjempefine forhold for trim både i Toåa tursti og i lysløypa på Tjønnmyran.
Surnadal demensforening og helselag inviterer eldre til nyttårsfest på Thon Hotell Surnadal. Det skjer Torsdag 23. januar kl 17:00, og leiar Liv Botten ber om påmelding på telefon 957 29 719 seinast onsdag 15. januar
Etter det siste snøfallet er det ein del snø langs vegane. Spesielt er det slik trafikk der hjorten blir tiltrekt av siloballar eller andre ting som fristar. Hjorten kjem fort det lønner seg å være oppmerksom og førebudd når du passerer med bil. Dei siste dagane har det vore fleire hjortar i Evja nedafor Husby, men det er også andre plassar der det ferdast mykje hjort.
I dag er det to biler som har hamna i grøfta mellom Nordvik og Svinvika. Sist var det ein distribusjonsbil som hamna i grøfta utmed Bleikhammaren – eit par hundre meter utafor Svinviks arboret. I dag tidleg var det ein personbil som hamna i grøfta nærmare Nordvik. Årsak til begge utforkjøringane er no at bilane er komne for langt ut på kanten, slik at kanten har svikta.
Trollheimen fjellsportklubb gjorde ein skikkeleg medaljehaust under dagens dagens sprintprolog. I dag var det Aron Rodal Haugen som sikra seg gullmedalja i klasse Menn U18, medan Isak Drøpping kom på andreplass og sølvmedalje. Aron kom inn på beste tid 13:22, medan Isak fikk tillegg 0:27 og altså nest beste tid. På 3.-plass kom Selmer Helgeland frå Buvik IL med + 1:24.
Trollheimen fjellsportklubb stilte med 3 deltakarar på NM i randonee i Myrkedalen på Voss. Deltakinga vart desverre prega av kansellerte fly på grunn av vêrtilhøva dei siste dagane. Veldig synd for arrangementet, for arrangøren har gjort ein kjempejobb og fått på plass flotte løyper, fortel Halvor Drøpping frå Trollheimen Fjellsportklubb. Dei tre deltakarane frå Trollheimen Fjellsportklubb viste at dei har forma inne, for Isak Drøpping sikra seg 1.plass og Aron Rodal Haugen 2.-plassen i Menn U18, medan Erik Kårvatn sikra seg 4.-plassen i Menn senior.
Fredag var det utfall for lysanlegget i halvparten av Svinvikstunnelen. Frå møteplassen som ligg cirka midt i tunnelen og heilt ut på Svinviksida er lysanlegget heilt svart. Vi veit ikkje kva som er orsaka til dette – om det er tilfeldig feil eller om det har noko å gjera med ekstremvêret vi hadde sist natt.
Gode nyheiter frå Surnadal alpinsenter – frå laurdag opnar anlegget heilt til topps. Fram til no har anlegget vore ope til mast 7, men snøfallet dei siste dagane har gjort det muleg å preparere anlegget heilt til topps, så frå laurdag kan du altså ta heisen heilt til topps og nye nedkjøringa gjennom heile anlegget.
Surnadal demensforening og helselag inviterer eldre i Surnadal til nyttårsfest på Thon Hotell Surnadal. Det skjer Torsdag 23. januar kl 17:00, og leiar Liv Botten ber om påmelding på telefon 957 29 719 seinast onsdag 15. januar.