Vi fann 7206 artiklar i dette arkivet.
Bli med på Trollheimsmarsjen, oppfordrar I.L. Ulvungen og Todalen I.L. Trollheimsmarsjen er eit samarbeidsprosjekt mellom dei to laga, og marsjen har start på Bordholmen stadion i Todalen, og går over fjellet til Ålvundeid og har målgang på Leikvoll stadion – tilsaman rundt 13 km frå start til mål.
Det siste året har det vore stor byggeaktivitet – bustadhus og landbruksbygg har nærast «poppa opp». I dag har det vore stor aktivitet med mørtelbil hos naboen i Jostua på Husby. Her pågår det både renoveringsarbeid og tilbygg, og i løpet av nokre timar i føremiddag er grunnmurane til tilbygget støypt.
Denne veka gikk stavgangturen til Ranessetra. Turen gikk via bomvegen til Skeisnebba, og vidare etter stien innover til Ranessetra. På Ranessetra serverte Nils Mogstad kaffe frå svartkjelen og fyrstekake som tilbehør til kaffen.
Onsdag er søppeldag – og da er det fast opplegg med todalstur for Nils Sylte i Hamos, iallfall i månadane mai til og med august. Frå 1. september er det igjen vinterrute som kjøres, og da blir det tømming annakvar veke for restavfall og kvar 4. veke for papir og plastinnsamling, fortel Nils. Vi trefte […]
Denne veka har Trønder-Energi drive vedlikehald av dei kunstige terkslane og hølane i Toåa. Det ansvaret er knytta til konsesjonsvilkåra for Driva kraftverk, på same måte som settefiskanlegget i Rossåa. Vi har årleg miljøtilsyn av anlegga i Toåa, men dei står godt og det har berre vore gjort små reparasjonar og justeringar denne gongen, fortel Sveinung F. Susort frå Trønderenergi til Todalen.no.
I dag var vi oppmøtte i Todalen skule da klokka var 8.30 for å få med oss skulestarten. Det var også 23 elevar som strutta av energi, og var glade for å treffast på skuleplassen igjen etter ein lang sommarferie. 3 nye førsteklassingar var også på plass, med nye flotte skulesekkar, og stillte nok med store forventningar.
På Todalen Brygge og Pakkhuset Kro er no sommarsesongen på hell, og det blir etter kvart tidlegare mørkt om kveldane. Vanlegvis er denne «kantsesongen» mellom sommar og vinter tida mellom vinter og sommar litt dautid for oss som driv med turisme, fortel Synnøve helland ved Todalen brygge. Det jhar ho tenkt å gjera noko med, og i helga var det «premiere» for opplegget.
Surnadal pensjonistlag starta ny sesong med ein finvêrstur til Rindal og stavgang rundt Igltjønna. Første stavgangturen samla heile 37 deltakarar, som sette kvarandre i stemne i det flotte og velordna friluftsområdet.
Eg følte meg veldig heime og kan konstatere at latteren sitt laust i Todalen, sa Jon Schau etter forestillinga. Jon Schau kan konstatere at showet «En gal mann vender hjem» som skal kjørast på revyteatret Chat Noir, sitt som det skal etter ein vellukka generalprøve på Todalshytta.
Torsdag kveld kl 20.00 kan du høre og sjå Jon Schau i hans nye show «En Gal Mann vender hjem» på Todalshytta i Todalen. – Jon Schau er tilbake på humorscena og gjestar altså Todalen med sitt show på ein slags førpremiere, før han dreg i gang sine forestillinger på Chat Noir i Oslo fra 16. september og utover hausten.
Vi hadde for eit par veker sia eit lite intervju med Torbjørn og Rannveig Brøske som reiste til Alanya på teneste for Sjømannskyrkja. – Situasjonen var spent i Tyrkia etter kuppforsøket, og vi lurer sjølvsagt på korleis det har gått etter at dei kom på plass på Sjømannskyrkja. Det er tross alt unntakstilstad enno!
Førebuingane til storviltjakta er i god gang, og på skytebanen til Søya og Todalen skytterlag i Ranheimsvingen var det i kveld stor aktivitet. Når det obligatoriske prøveskotta var unnagjort, var det berre å prøve seg på sjølv skyteprøven som er 5 skott på dyrefiguren og alle må treffe innafor ein sirkel på 30 cm i […]