Vi fann 2741 artiklar i dette arkivet.
Surnadal pensjonistlag startar oppatt med sine populære stavgangturar førstkommande torsdag klokka 11. Denne gongen er det tur til Rindal og Igeltjønna. Her blir det så klart muligheiter for bading for den som vil det. Arrangørane håpar på finvêr og stort frammøte!
Årets Søyacup laurdag 27. august ligg an til å bli ein rekordcup, med til no heile 72 påmeldte lag. Allerede no er første versjon av pulje- og kampoppsett klart for alle klassane bortsett frå dei aller yngste (J06/G06) der arrangørane ventar på nokre lag til før kampoppsettet er ferdig.
Fredag kveld inviterte Surnadal jeger- og fiskeforening til fisking og sosialt samvær på Kårvatn. Dessverre var det elendig vêrbruk denne ettermiddagen, så få tok turen oppover til sommarfjøsvollen på fisking og grilling. Elva var i største laget, så det vart heller ingen storfangst. Men eit par stykker var unggutane i kontakt med.
Redaksjonen har motteke nok eit bevis på ny banerekord på frisbeegolfen på Bordholmen. Ingen tvil om at dette engasjerer dei som driv med sporten, da det denne gongen er ein surnadaling som har sendt oss eit bilde av sin runde. Ove Nortun har dermed rekorden på 21 kast.
I kveld er det konsert på Todalshytta. Eric Malling fortel at Terje Nordgarden går på scena uansett vêr og føreforhold. Det er tenkt utekonsert med både spellemann og publikum under tak for eventuelt nedbør. yr.no lovar betring til kvelden, så verre enn det er no på formiddagen skal godt gjerast å tangere. Uansett vil Malling ha peisestua klar om vêret ikkje bedrar seg. For konsert blir det!
I dag arrangerer Surnadal Golfklubb sitt 10 årsjubileum med storstilt golfturnering og åpen dag på golfbanen på Kvanne. Her er over 50 påmeldte spelarar frå både Trøndelag og store deler av Møre og Romsdal til til turneringa som startar no klokka 11. Turneringa er estimert til å vare i ca 5 timar for dei som er påmeldt der, men publikum er også velkomne til å sjå, og ikkje minst prøve seg sjølv. Klubben har lagt opp til fleire familievenlege aktivitetar på golfbanen denne dagen, så dei håpar mange te ein tur for å være med på jubileet.
Knut Bergli i fotballgruppa melder om at den tidlegare omtala fotballkampen i morgon mellom Todalen og Søya er utsett til eit seinare tidspunkt. Grunna kraftig regn er banen midlertidig stengt.
I ettermiddag dumpa det ned ein epost om ny banerekord på frisbeegolfbanen på Bordholmen. Som nemnt tidlegare var banerekorden på 23 kast. Eit snitt på 2,55 kast per korg. No med eit snitt på 2,44, og 5 under par som de ser av oppsettet under.
Bøfjorden Historielag har i morgon lansering av sin nyutgivelse «Teft å tykkje». 2016-utgåva av dialektheftet har denne gong utvida til rundt 2000 gullkorn frå Bøfjorden og Nordmøre ellers. Vi har fått tilsendt ei lita omtale av ein av forfattarane; Bernt I Bøe.
Rydding i kratt og grøftekantar kan av og til føre til at ein tergar på seg naboar, eller andre som hevdar rett på eigedomen. I Bekkerhagen skjedde så før helga, då to stykk vart angripne av ein gjeng meget irriterte jordkveks. Kveksbolet fekk seg uforvarst ein omgang med riva, og jaggu vart det fart i både folk og kveks…
Olsokspelet på Stiklestad er nyleg avvikla. På Bøfjorden Sjøbruksmuseum søndag blir speldiktaren Olav Gullvåg presentert av barnebarnet Eivind Hasle, som nettopp har skrive bok om han. Gullkorn frå årets dialektutgåve «Teft og tykkje» dukkar også opp.
Da er fotballeventyret også over for KUST G13. Dei møtte litt over 17 Vestre Akers SK, som tok leiinga og held denne med 2-0 til pause. Dette var eit lag som var hakket sterkare, men i følge IL Søya si facebookside hadde keeper Henrik Kvande-Talgø fleire strålande redningar i andre omgang som gjorde at gutane held seg inne i kampen.