Rydding i kratt og grøftekantar kan av og til føre til at ein tergar på seg naboar, eller andre som hevdar rett på eigedomen. I Bekkerhagen skjedde så før helga, då to stykk vart angripne av ein gjeng meget irriterte jordkveks. Kveksbolet fekk seg uforvarst ein omgang med riva, og jaggu vart det fart i både folk og kveks…
Sidan bolet låg litt for nære leikeaparatet, vart det hektisk googling på «korleis fjerne jordkveksbol» i nabolaget, før dei lokale skadedyrbekjemparane kom og gjorde ein ende på elendigheita.
Unggutane tykte påkledninga til skadebekjemparane var eit syn…
Klar arbeidsfordeling. Ein førebur utstyret, mens den andre er klar til å ta over..
Filla blir dynka rikeleg i disel, for no skal kveksen røykast ut. Eller inn, alt etter korleis ein ser det..
Filla blir styrt mod det dei har funne ut er åpninga.
Og publikum bak har orkesterplass, og satsar på at dei er trygge for fleire sinte jordkveks.
Til slutt blir kveksbolet forsegla, slik at dei inne i alle fall ikkje kjem seg ut.
Karane i skadedytrpatrulja lika ikkje publisiteten, og vi har derfor forsøkt å anonymisere dei….