Vi fann 2741 artiklar i dette arkivet.
Klypa og Kjell «Kjellen» Bigset ladar kanonene, og sprengjer ut eit splitter nytt humorshow, og ankjem Surnadal kulturhus fredag 17. mars. Med Kjellen i hovudrolla og i fri dressur, er det duka for eit skikkelig oppgjer med det moderne liv. Gjennom Kjellen sine auge får vi eit unikt skråblikk på den til tider vanskelege reisa gjennom livet.
Surnadal hornmusikk og koret VOX m/band inviterer i kveld til første oppsetning av Film- og musikalaften på Surnadal kulturhus. Etter eit godt førehandssalg av billettar er det i tillegg til kveldens og morgondagens forestilling sett opp ei ekstraforestilling laurdag 11. mars også.
Tysdag 14. mars er det tid for årsmøte i Todalen.no. Det skjer i Todalen ungdomshus kl 19.30, og det er sendt ut innkalling til medlemane i foreninga, som er lag, organisasjonar og bedrifter i nærområdet. Velkomne til årsmøtet er også våre støttemedlemmar som har tegna personleg medlemskap.
SIL Langrenn inviterer til sonerenn på Nordmarka Skisenter tysdag 14. mars kl. 18.30. Kveldens distanse er fristil. På grunn av at idrettslaget skal arrangere SpareBank1 Cup i slutten av mars, bruker dei dette rennet til å få testa tidtakarutstyret sitt. Det blir derfor tidtaking med brikke.
Skigruppa inviterer til skimerketaking på Tjønnmyra førstkommande søndag mellom 14 og 16. I tillegg blir det sjølvsagt vanleg skileik for dei minste.
Fredag 3. mars kl 18 inviterer Kyrkja i Surnadal til samvær på Kyrkjelydshuset på Skei. Da vil dei markere kvinnenes internasjonale bønnedag 2017.
Mange små og store tok turen til Tjønnmyra og det fine lysløypeanlegget som no endeleg har oppkjøyrte skiløyper. Og da ikkje endeleg fordi ingen har orka å lage spor, men fordi vinterføret til dei grader har lett vente på seg.
Måndag kveld hadde Surnadal golfklubb årsmøte på Thon Hotell Vårsøg. Laget har god økonomi, og kunne legge fram eit overskot på vel 200 000. Dette til tross for at post for medlemskontigent er betydeleg redusert dette året sett opp i mot 2014 og 2015.
Scooterkomiteen melder no i morgontimane om at det er oppkjøyrte løyper frå Innerdalsmerket og opp til Tristeinan. I løpet av dagen vil nok også spor opp Øyalia og til skihytta bli i tipp topp stand, klare for helgeutfart. No er det også oppkjørt sport med sporleggaren nede i bygda. Frå Halsabrua, oppover mot Småland og […]
I dag arrangerer Todalen Sanitetsforening strikkekaffe i Sanitetshuset igjen. Dette er ein sosial treffstad med strikketøy eller anna handarbeid for den som ønsker det. Eller utan om du berre vil komme for eit triveleg selskap utan noko mellom hendene.
Ski og friidrettsgruppa inviterer til skileik på Tjønnmyra søndag mellom 14 og 16. Siste døgn har gjeve oss godt med snø, så forholda er no topp for den som ønsker ein runde eller to i lysløypa.
Ståle Ansnes melder til redaksjonen om at no er det topp forhold for ein skitur i lysløypa på Tjønnmyra. Han har bruka deler av dagen til å lage nye spor etter siste snøfall som kom i natt. Det er ikkje meldt unormalt mildver i helga, så muligheitene for litt trim er da kanskje tilstades.