Forfattararkiv for

I dag fekk Toåa Tursti nok eit ja på ein av dei mange søknadane som har vore sendt ut i forbindelse med realiseringa av turstiprosjektet gjennom Todalen Idrettslag. Michal Heimlund har hatt ansvaret for søknadane som har vore utsendt og smiler frå øre til øre når han overbringer beskjeden om at Sparebank 1 SMN i Surnadal har bevilga 50 000 kroner til idrettslaget og turstien. -Dette er berre heilt fantastisk, seier han. -Og enno har vi fleire søknadar som vi ikkje har fått svar på.

I går kveld inviterte Ola Kvendset i Viastua til det årlege kusleppet for skuelystne Todalingar. Alt i alt skulle 36 kyr og kviger i alle aldrar endeleg få ut og starte vårsesongen 2019 med grønt gras under klovene. Damene tok slettes ikkje heilt av, men litt krumspring til ære for publikum bevilga dei seg. 

Wencke Kvendset har funne ein nøkkel i stien ned mot Gunnøya i dag. Ho har teke vare på den, så om det er din kan du ta turen til Viastua.

17. mai nærmar seg med stormskritt trass iherdige snøelingar den siste veka. Vi har fått tilsendt årets program for Stangvik skulekrets.  

Måndag klokka 18 har J11 Kvass/Ulvungen/Søya/Todalen sin første heimekamp på Bordholmen. Dei møter da Surnadal 1, og dei håpar på litt publikum rundt banen. Kiosken blir åpen med både kaffe, bakels og graut.

Som nemnt på siste medlemsmøtet tiSurnadal Pensjonistlag vil det bli arrangert busstur til Romsdalsmuseet i Molde. Turen er planlagt den 22.mai med avgang frå kulturhuset på Skei kl 0900. Første etappe går til Molde og Romsdalsmuseet. Deretter køyrer ein vidare til Bud og restauranten Bryggen i Bud.

Torsdag 2. mai er det andre runde påstavgangarane. Denne gongen er det Bøfjorden som er utfarstmålet. Parkerer ved båthavna i Bøfjorden og så blir der vandring langs fjorden.

I går kveld var det invitert til dugnad i Gunnøya for rydding av deler av trasséen der Toåa Tursti skal gå. Dagens sti går langsmed elva stort sett heile vegen i Gunnøya, og er dels utsett når elva blir på det største. Derfor vil den nye oppgraderte stien bli trekt litt lengre inn i terrenget […]

Surnadal Golfklubb har no offisielt åpna banen til spel. I påska starta dei jobben med å få banen sesongklar, og kan no presentere ein tipp topp bane før 1. mai.

På siste klubbmøte tysdag 23.april sette vi ein lavvo ved Skulstuå (gammelskulen). Det måtte mykje til for å få den opp. Først sette vi jernstenger ned i jorda og sette opp ei jernstang i midta. Alle hjalp til med å sette opp lavvoen. Då lavvoen var ferdig sett opp hadde vi quiz inne i lavvoen.

Todalen oppvekstsenter med både skule og barnehagen var å såg på kunstutstillinga i Skulstuå i går. Sissel og Reidar serverte popcorn, kanapéar og velkomstdrink, og fortalte litt om bileta sine. Elevane fekk sjå korleis ein kan endre på foto i fotoshop, og at eit måleri er ikkje berre eit måleri. Det kan endrast og målast over fleire gong. Og blir gjerne til over tid.

Tirsdag kveld inviterer Toåa Tursti til dugnad i området bak gapahuken i Gunnøya. Her skal det ryddast daudt trevirke rundt om, hoggast litt i stitrasséen og ikkje minst ryddast ein del søppel som ligg og sleng i området. Trevirket skal samlast saman til stort sankthansbål som skal tennast søndag 23. juni i forbindelse med sosialt arrangement i området.