Vi fann 2404 artiklar i dette arkivet.
Søndag 11. mai klokka 11:00 opnar Svinviks arboret hageporten og kafeen, og ønsker dermed velkommen til ein ny sesong i arboretet. Rododendronblomstringa er i startgropa, og det er mykje fin vårstemning å få med seg i arboretet.
Årets første stavgangtur for Stavganggruppa i Pensjonistforbundet Surnadal gjekk i år til Bøfjorden og Steinholmlia. Vêrgudane såg ikkje ut til å vere i det gode hjørnet, men akkurat under sjølve stavgangen var det opphaldsvêr heile turen, så det vart ein bra tur.
Torsdag 8. mai er det 80 år sidan alle tyske styrkar kapitulerte og la ned våpena, og den andre verdenskrig var slutt i Europa. Dei tre historielaga i kommunen, Nordmøre Forsvarsforening og Surnadal kommunen har gjennom eit samarbeid laga eit fint program for årets markeringar av Frigjerings- og veterandagen ved kyrkjene i Åsskard, Stangvik og Todalen.
Surnadal kommune starta tilbake i 2019, inspirert av «StikkUT!» konseptet, turkassetrimmen «Stikk Bort!». Dette er ein lågterskel trimaktivitet retta mot bebuarane på sjukeheimen og i omsorgsbustadane, pårørande, brukarane av dagsenteret og alle andre som ønsker å gå eller trille ein kortare trimtur.
Aktivitetsrommet i reiskapshuset på Bordholmen stadion står no ope for fri bruk. Her kan ein spele bordtennis, brettspel, kort, spele musikk eller berre stikke innom for å ha det artig med andre. Frå og med i dag er aktivitetsrommet ope heile tida.
Da har vi lagt inn ReMidt sin tømmekalender for glass- og metallavfall, restavfall, papir og papp, plast- og matavfall, for mai og juni 2025 inn i aktivitetskalenderen vår her på Todalen.no. Tømmekalender for juli og august 2025 blir lagt ut i måadsskiftet juni/juli.
Onsdag kveld var det vårdugnad på Bordholmen stadion. Vêrgudane var ikkje i sitt beste humør, men dei varta i alle fall opp med opphaldsvêr bortimot under heile dugnaden, slik at dei ti som hadde møtt opp og var med på dugnaden slapp å bli gjennomvåte.
Styret i Nordvik Grendalag melder at den planlagte dugnad på leikeplassen i Sollia tysdag 29. april, på grunn av vêrmeldingane, blir utsett på ubestemt tid!
Todalen Idrettslag sitt driftsstyre for Bordholmen arrangerer vårdugnad på Bordholmen stadion onsdag 30. april klokka 17:00 – 19:00. På vårdugnaden skal idrettslaget sitt anlegg på Bordholmen gjerast klart og presentabelt til ein ny sommersesong med mykje aktivitet.
Onsdag kveld inviterte Statnett alle interesserte til informasjonsmøte om den nye kraftlina mellom Surnadal og Sunndal kommunar. Bakgrunnen er at Statnett har fått konsesjon av NVE til å bygge ei ny 47 kilometer lang 420 kV kraftline mellom Surna transformatorstasjon i Surnadal kommune og Viklandet transformatorstasjon i Sunndal kommune.
Matkroken Todalen søker no etter butikkmedarbeidar i rundt 70% stilling. Så har du lyst til å arbeide i butikk med varierte arbeidsoppgåver, så er det berre å sende inn ein søknad!
Svinviks arboret i samarbeid med Surnadal hagelag inviterer til vårdugnad i Svinviks arboret onsdag 7. mai klokka 18:00. På årets vårdugnad er det kvistrydding og lukearbeid som er mest aktuelt.