Vi fann 2407 artiklar i dette arkivet.
Torsdag 31. mars klokka 11:00 – 12:00, inviterer Surnadal Pensjonistlag på nytt til trim i Trudvang. Dei har fått med seg fysioterapeut Eline til å leie treninga, og å vise fram gode øvingar, som gjer godt for kroppen!
Saman med konfirmantar over heile landet, gjer konfirmantane og frivillige i Surnadal og Rindal seg klare for innsamling til Kirkens Nødhjelp sin årlege Fasteaksjon. Tysdag 28. mars gjennomfører kyrkjelydane i Surnadal og Rindal bøsseaksjon frå klokka 17.00. Konfirmantar og frivillige samlar inn pengar til Kirkens Nødhjelp sitt arbeid over heile verda, og gjev håp der nauda er størst. I Todalen er det konfirmantane, saman med soknerådet som står for innsamlinga. Husk difor å ha kontantar eller Vipps! klar til dei kjem!
På årsmøtet til Todalen Idrettslag førre onsdag, vart styret sitt forslag om å demontere klatrerommet i reiskapshuset på Bordholmen samrøystes vedteke. Styret fekk ansvaret for å gjennomføre demonteringa og starte arbeidet med å innreie dette til aktivitetsrom for dei yngste medlemmene i laget.
Surnadal Pensjonistlag inviterer til «Trivselskveld» på hotellet 19. april klokka 19:00. – Dette har blitt mest som ein tradisjon at Surnadal Pensjonistlag steller til «Trivselskveld», seier Kristian Ranes i Pensjonistlaget.
Vi er inne i ei hektisk tid med årsmøter, og onsdag 29. mars klokka 19:30 er det Todalen.no som har årsmøte i Todalen ungdomshus. No er den fullstendige saklista klar, den kan du sjå nedanfor.
Todalen sokneråd inviterer til gudsteneste i Todalen kyrkje søndag 26. mars klokka 11:00. Liturg er Torbjørn Brøske og Bernt G. Bøe er organist. Takkoffer til Kyrkjelydsarbeidet via Vipps 506908.
Søndag 26. mars inviterer Svinviks arboret til årets podeverkstad i klokka 13:00. Poding av frukttre er ein mykje nytta formeringsmetode der ein spleisar saman ein kvist frå med ei rotplante. Har du kanskje eit fint gamalt epletre du ønsker å få fleire eksemplar av? Da kan du ta med ein kvist og få rettleiing til korleis du skal gå fram for å få til eit nytt tre.
«Venner av Skulstuå» gjentek suksessen frå februar, og inviterer alle til nytt kaffeslabberas i Skulstuå laurdag 25. mars klokka 12:00 – 15:00.
Surnadal kulturhus stiller ut eigen kunst fram mot Vårsøghelga. Surnadal kommune har ei ganske stor kunstsamling som er hengt opp i ulike kommunale bygg. Nokre av desse kunstverka har også funne sin heim på kulturhuset. og her har også Surnadal kunstforening og Laget Vårsøg bidrege.
Alexx Alexxander inviterer til ei magisk showoppleving som det smakar «Las Vegas» av. Søndag 26. mars klokka 18:00 kjem nemleg Alexx Alexxander til Surnadal kulturhus med showet sitt.
Onsdag 22. mars klokka 12:00 inviterer seniorfilmklubben til filmen «Picnic med døden» på Surnadal kino. Dei fleste hugsar nok da dei såg «Picnic med døden», frå 1972, for første gong. Da satt sikkert mange av dei som les dette heilt frampå ein lakka trestol i Trudvang. No er sjansen der igjen, men denne gongen på eit noko mjukare sitteunderlag i Surnadal kino.
Ivar Bolme melder om nypreparerte løyper frå Bekkerhagen, ned Toåa tursti til Hallset bru, vidare derifrå til Matkroken Todalen, via Sanitetshuset til Anderstua, ned til turstien og oppatt til Austigarden og Bekkerhagen.