Vi fann 2473 artiklar i dette arkivet.
Stangvik Grendalag inviterer til førjulsbasar i Bondehuset første helga i advent, nærare bestemt laurdag 3. desember klokka 16:00. Tradisjon tru blir det gratis mat og stort basarbord. I tillegg blir det, tombola, luftgeværskyting, ballkast og pilkast.
Torsdag 1. desember klokka 11:00 – 12:00, inviterer Surnadal Pensjonistlag til trim i Trudvang. Surnadal Pensjonistlag har fått med seg fysioterapeut Oda til å leie treninga, og å vise fram gode øvingar, som gjer godt for kroppen!
Surnadal kulturhus rundar tjue år i år, og det vil bli markert laurdag 3. desember. Kulturskulen startar det heile med sin kaffekonsert klokka 12:00. Konserten kan godt krydrast i for- eller etterkant med eit besøk innom Finstuå. For der har Surnadal kunstforening utstilling «Haustlys», som verkar å treffe mange – og det på ein særleg positiv måte.
17. november vedtok Surnadal kommunestyret nye retningsliner for motorferdsel i utmark. Det meste er som før, men nokre viktige endringar vart vedtekne. Med dei nye retningslinene på plass, kan kommunen starte behandlinga av søknader om motorferdsel i utmark for den kommande vinteren. Mange har allereie sendt inn søknad om løyve til å køyre snøskuter og desse vil bli behandla før jul om dei er utanfor verneområde.
Todalen bøgdalag inviterer til tenning av julegata utanfor Matkroken Todalen søndag 27. november klokka 18:15. Det blir servert kaffe og pepperkaker. Det blir også lotteri, der ein allereie no kan kjøpe lodd via Vipps 568828. Kvart lodd kostar kroner 20,-. Hugs å skrive namn på loddkjøpar i meldingsfeltet. Trekning søndag kveld, med kunngjering av trekningslista her på Todalen.no.
Å selje adventskalendrar er ein mangeårig tradisjon for Alpingruppa i Surnadal IL. Laurdag 26. november, mellom klokka 10:00 – 11:30, vil Mathial og Ingvild selje adventskalendrar på Matkroken Todalen.
Magasinet Sport, har over fire sider, laga ein reportasje om butikkdrifta på låven på Kårvatn. Magasinet Sport er eit bransjemagasin for sportsbransjen. «Det er veldig stas å få omtale her», seier Fredrik Thoresen Sletten hos Kårvatn Fjellutstyr.
I midten av oktober markerte det lokale eltilsynet i S-Nett «Elsikkerhetsdagen» – den nasjonale dagen for å ta kontroll over di eiga elsikkerheit. Nettkundane i Møre og Romsdal kunne, i samband med dette, gjennomføre ein digital eigenkontroll som ville avdekke potensielle brannfarar i heimen. Meir enn 20 000 husstandar gjennomførte kontrollen og på den måten gjorde heimen sin litt tryggare.
Kyrkja i Surnadal inviterer til siste «Felles middag» før jul, på kyrkjelydshuset onsdag 30. november klokka 16:00. Store og små i alle aldrar er da velkomne til kyrkjelydshuset på Skei, der det frå klokka 16:00 blir servert middag med påfølgande ettermiddagskaffe/te.
Todalen Idrettslag og Todalen bøgdalag sitt planlagde julebord 3. desember blir avlyst. Grunnen er for få påmeldte til julebordet. Det er mykje arbeid som ligg bak det å arrangere og lage god og variert mat til eit julebord. Vurderinga er at responsen, i form av påmeldte, ikkje står i forhold til dette arbeidet, og det er difor bestemt å avlyse julebordet.
Tradisjonsrike Jul på Nordmøre er inne i sin 87. årgang, og no er 2022-utgåva av juleheftet i handelen. Årets utgåve har meir enn tjue skribentar på lista. Her vil lesarane møte både gamle og nye skribentar.
Surnadal kunstforening inviterer laurdag 26. november klokka 13:00 til opninga av kunst- og fotoutstillinga «Haustlys» i Galleri Finstuå på Surnadal kulturhus. Tema for utstillinga er kortreist, gjenbruk og redesign. Det er fem utstillarar på utstillinga. Utstillinga «Haustlys» er open i perioden 26. november – 10. desember.