Vi fann 3631 artiklar i dette arkivet.
Da har også Surnadal Senterparti offentleggjort lista si til kommunevalet til hausten. På Lista er det 28 listekandidatar, 12 kvinnner og 16 menn. På dei tre første plassane på lista står Hugo Pedersen, Silje Beate Gulbrandsen Holten og Lars Inge Kvande.
Kyst- og distriktslista for Møre og Romsdal, med Bernt Venås frå Stangvik på andreplass, er klare til fylkestingsvalet til hausten. Venås er fast medlem i fylkestinget, kultur, næring og folkehelseutvalet og 1. vara i samferdselsutvalet Møre og Romsdal, for Senterpartiet. Venås er også fast medlem i kommunestyret og formannskapet i Surnadal kommune. Venås vil frå og med i dag vere uavhengig representant og stiller no altså på andre plass på den nye lista til fylkestingsvalet til hausten.
Surnadal kommune har no lagt ut eigedomsskattelistene og fritakslistene til offentleg ettersyn. Klagefristen for eventuell klage på utskriven eigedomsskatt er seks veker etter at listenene er lagt ut, og er i år sett til 12. april. Det er høve til å klage, men berre på forhold som tidlegare ikkje er påklaga.
I ei pressemelding no på tidleg føremiddag, frå Surnaal kommune, får vi informasjon om «Henning-stipendet». Eit stipend som skal gå til unge kunstnarar i alderen 13 – 20 år. Søknadsfristen er sett til 15. mars.
Styret i Todalen.no kallar inn til årsmøte onsdag 29. mars klokka 19:30 i Todalen ungdomshus. Vanlege årsmøtesaker og utdeling av «Årets bilete». Det blir servert kveldsmat.
I år, som i fjor, inviterer Surnadal Arbeiderpartiet, Surnadal SV og Folkeakademiet i Surnadal til markering av den internasjonale kvinnedagen. Markeringa skjer i Frivilligsentralen sitt lokale på skei onsdag 8. mars klokka 19:00. Det er gratis inngang!
Er det du som har mista hanskane dine på parkeringsplassen på Tjønnmyran. Eit par hanskar vart funne der måndag kveld, og du får dei att på Matkroken – ferddig tørka, melder handelsmann Nordvik.
Torsdag 2. mars klokka 11:00 – 12:00, inviterer Surnadal Pensjonistlag på nytt til trim i Trudvang. Dei har fått med seg fysioterapeut Eline til å leie treninga, og å vise fram gode øvingar, som gjer godt for kroppen!
Fredag 3. mars, mellom klokka 12:00 – 17:00, inviterer Lia gard til bakeriutsal. Så da blir det mogleg å sikre seg både grovbakst og noko til kaffekosen til helga.
– Ønskjer du å støtte dei katastroferamma i Syria og Tyrkia? Da kan du koma til Åsskard kyrkje onsdag 1. mars klokka 18:00! Denne oppfordringa kjem frå koret «Prosjekt 17» og Åsskard sokneråd. Dei står bak konserten der lokale artistar tek eit krafttak for nødsarbeidet som Kirkens Nødhjelp driv i jordskjelvområda. Støtten gjeld også det krigsherja Ukraina.
Dei to neste vekene viser Surnadal kino filmar på dagtid, i tilleg til filmane i regi av Seniorfilmklubben. Det er filmane «La elva leve», som blir vist tysdag 28. februar klokka 13:00 og «The Whale», som blir vist tysdag 7. mars klokka 13:00, som er filmane som blir vist på dagtid dei to komande vekene.
På Todalshytta er det balldag tysdag 28. februar, med servering av sildball og potetball mellom kl 15:00 og kl 18:00. Som tidlegare balldagar kan du sjølv velge om du vil ha potetball eller sildball – fritt val til same pris. Todalshytta vil gjerne ha din bestilling – ta kontakt via SMS eller telefon 929 97 550 […]