Ukategorisert Arkiv

Fredag 3. mars kl 18 inviterer Kyrkja i Surnadal til samvær på Kyrkjelydshuset på Skei. Da vil dei markere kvinnenes internasjonale bønnedag 2017.

Mange små og store tok turen til Tjønnmyra og det fine lysløypeanlegget som no endeleg har oppkjøyrte skiløyper. Og da ikkje endeleg fordi ingen har orka å lage spor, men fordi vinterføret til dei grader har lett vente på seg.

Måndag kveld hadde Surnadal golfklubb årsmøte på Thon Hotell Vårsøg. Laget har god økonomi, og kunne legge fram eit overskot på vel 200 000. Dette til tross for at post for medlemskontigent er betydeleg redusert dette året sett opp i mot 2014 og 2015.

Todalen Sanitetsforening har lang tradisjon med å markere og å feire fastelavn.  På Matkroken dukka det opp tre damer, som slett ikkje kom tomhendt. Det velkjente fastelavnsriset kom på plass og det gjorde også fastelavnhjarta som var laga av lerke. Og sjølvsagt var det servering av nystekte bollar og varm kakao til alle som var […]

Ståle Ansnes melder til redaksjonen om at no er det topp forhold for ein skitur i lysløypa på Tjønnmyra. Han har bruka deler av dagen til å lage nye spor etter siste snøfall som kom i natt. Det er ikkje meldt unormalt mildver i helga, så muligheitene for litt trim er da kanskje tilstades.    

Surnadal brannvesen har no inngått avtale med Norsk brannvernforening om bruk av Brannbamsen Bjørnis i sitt forebyggjande arbeid retta mot barn i Surnadal kommune. Avtalen er rykande fersk denne veka, så brannsjef Tor Arne Moen har ikkje alle detaljar om bruk og profilering klare enda. Prosjekleder for Bjørnis, Rikard Heimen derimot er rimelig klar på at Bjørnis er 5. mann i brannbilen. Bamsen skal væra fast inventar i alle bilane og gis til barn som er involvert i ulykker, har vore vitne til ulykker eller andre situasjonar som kan opplevas som dramatiske for dei.

Dei beste filmane vil få sine oscars natt til måndag. No har du sjansen til å få med deg to av dei største favorittane på dagtid. Surnadal Kino har sett opp mange ekstraforestillingar i vinterferieveka; mellom anna med to av dei store oscarfavorittane.

Sist torsdag hadde Indre Nordmøre Forsvarsforening årsmøte med godt oppmøte på Hammerstuene. Årsmøtet var bekymra for utviklinga i Forsvaret, og vedtok ein uttalese som er gjengjeven nedafor. På årsmøtet vart det elles gjenval av styret som består av leiar Olav Jostein Holten, nestleiar Lars
Indreiten, sekretær Johannes J. Vaag, kasserar Halvor Flatekval og styremedlem Arvid Gjengstø.

Sjølv om vêrmeldingane er «bob-bob», legg Surnadal kino opp til at alle skal få ein heidundrande vinterferie. Det er sett opp 18 heile framsyningar i løpet av ferieveka – og med ei spennvidde få kan matche!

Årets første vinnar av månadens bilete blei Randi Helene Husby med «Snart kommer sola». Vi gratulerer og lovar at premien blir overbragt ved første anledning. Vi treng stadig nye bilete, så send inn til oss på e-post red@todalen.no. Kanskje tek du turen til Kårvatn til helga og får eit fint vinterbilete?

5. runde med sjekk er tillyst i Kaffekroken i kveld, men på grunn av oppussing er 5. runde i sjakkturneringa flytta til Skulstuå (Gammelskulen).  Her blir det start til vanleg tid, kl 19.30.  

Vi har komme over til ein ny månad, og det betyr første avstemning for månadens bilete i 2017. Kandidatane til månadens bilete blir plukka ut av redaksjonen blant bileta vi la ut den månaden, og deretter får lesarane våre muligheit til å stemme fram sine kandidatar i ei lita veke. Vi takkar for alle bidrag til dagens bilete gjennom heile januar! Om nokon lurar på kor det blir av resultatet av avstemninga av årets bilete 2016, så vil dette bli kunngjort på årsmøtet for Todalen.no.