Vi fann 3281 artiklar i dette arkivet.
I dag var første offisielle dugnadsøkta på Toåa Tursti i full sving. Dagens innsats vart lagt ned på Matkroken, kor det vart seld lodd til neste helgs basar i Ungdomshuset. Ragnar Halle og Carsten Bohle var første mannskap ut og kunne fortelje om stor positivitet til å både ta lodd og til sjølve prosjektet.
Elevane ved Todalen oppvekstsenter nytta siste skuledagen i aksjonsveka «Hald Midt-Norge reint» til strandrydding i Todalsøran naturreservat. Dei hadde base på Bordholmen, og plukka søppel i sjøkanten i retning småbåthamna og sørover mot elva og Halsabrua.
Heile 37 trimmarar møtte opp til stavgang ute i Bøfjorden. Gjengen møttest på Elvaneset i godt ver, og derifrå gjekk folk i ulike retningar og i ulikt tempo.
Laurdag 5. mai er det den store strandryddedagen i Norge. På Nordvik følgjer dei opp ein god tradisjon og arrangerer strandrydding langs strendene på Nordvik.
Surnadal Pensjonistlag har medlemsmøte på «Billaget» på Surnadalsøra tirsdag 8.5. kl 1500. Orientering ved Jon Mogstad. Etterpå går turen til Hammerstuene, der det blir servering og loddsalg.
Vekas stavgangtur går på torsdag til Elvaneset i Bøfjorden, og startar som vanleg klokka 11. Ein vandrar kvar ein vil og et medbragt mat på den fine rasteplassen tett ved sjøen, melder Bitten Ranes i ein epost til redaksjonen.
8. mai er det 120 år sia Hans Hyldbakk vart fødd. Det vil bli markert med kåseri og utstilling på kulturhuset. Kåseriet er ved «Hyldbakk-biografen» Svein Sæter. Og sjølv om Svein både har skrive om og gjeve ut bøker med Hans, fortel han at det stadig dukkar opp nye forteljingar om «Bygdadiktaren». Nokre av dei har til og med røter i andre verdsdelar.
Du får møte Tor og andre frå norrøn mytologi når Teatret Vårt kjem til Surnadal kulturhus med «Tjalve og Roskva – Det store kappløpet» fredag 4. mai. Tjalve og Roskva førebur seg til eit stort kappløp. Tjalve er ein av dei raskaste til å springe, men plutseleg blir han så redd for å tape at han ikkje vil vera med i løpet likevel.
Biblioteket på Skei går no over til opningstider for sommaren frå og med 2. mai. Biblioteket vil frå da av og til 16. september ha ope på kvardagane (måndag-fredag) mellom kl. 11 og 15.
Surnadal Golfklubb gjer seg klar til ny sesong på golfbanen på Mo, og inviterer til årets første nybegynnarkurs «Veien til golf-kurs» (VTG) neste helg12. og 13.mai. Dette er eit kurs for deg som ønsker å bli kjent med golfsporten. Kurset kostar 1700 for vaksne og 650 for juniorar. Da får du: Leie av alt nødvendig […]
I kveld klinkar koret VOX til med to konsertar med «best of» på Surnadal kulturhus. Her blir det gjensyn med åtte korår med framføringar i ulike sjangrar. Absolutt noko for ein kvar smak lovar ensemblet.
I dag har Surnadal Sparebank arrangert den årlege samankomsten for årets russekull i Surnadal. På 9. året blir alle russ, raude som svarte invitert til pizza, info og omsorg i forbiindelse med den årlege russefeiringa som no står for døra.