Vi fann 891 artiklar i dette arkivet.
Todalen sanitetsforening fekk i 2018 midlar frå Egmont-stiftelsen for å fremje interesse for bøker og litteratur og stimulere til større leselyst hos barn og unge. Fredag før haustferien var den store dagen da May-Elisabeth Holten frå Sanitetsforeninga kom med bokgåva for 2019. Ikkje mindre enn 26 splitter nye og fine bøker hadde ho med seg.
Siste dagen i september kom med høljeregn, sludd og snøelingar, og av til litt opphaldsver. Gradstokken viste berre tre – fire varmegrader, men Kløvertur vart det. Turen gjekk i Halagrenda, frå Halabakkå og inn til Halaneset.
Sanitetsforeninga inviterer til Kløvertur måndag 30. september. Oppmøte ved Hals/Matkroken og start derifrå kl. 11.00. Alle er velkomne til å bli med ut og gå!
Todalen sanitetsforening inviterer til strikkekaffe laurdag 28. september frå kl. 13:00 til 16:00. Alle er velkomne!
Med bortimot hundre gevinster fordelt på eit hovedbord, eit barnebord og eit dagens bord var det stor spenning blant dei frammøtte under gårsdagens basar i sanitetshuset. Mest spenning var det naturleg nok under trekninga av barnebordet der det var mange fine premier til dei yngste frammøtte.
Todalen sanitetsforening minner om basaren i Sanitetshuset i kveld. Alle er velkomne! Her er plakaten:
Skodda låg tjukk måndag morgon, men da Kløverturgjengen starta frå Todalsøra letna ho litt etter kvart. Det var mest litt trolsk stemning da vi gjekk langs fjorden utover mot Nessahaugen. Da trimmarane nådde Ansneset var det klårt og fint, og etter kvart vermde sola godt.
Sanitetsforeninga inviterer til Kløvertur måndag 23. september. Oppmøte ved Hals/Matkroken og start derifrå kl. 11.00. Alle er velkomne til å bli med ut og gå!
Kjøp lodd så får du massevis av vinnarsjansar når det blir trekning på Sanitetsbasaren tysdag kveld. Oppfordringa kjem frå Kari Kvendset og Marit S. Søyset som er to av dei som har sitte på Matkroken Todalen med loddsal for Todalen Sanitetsforening.
I helga har Maren Ansnes og Steffi Bohle frå Todalen Sanitetsforenig delteke på regional samling i Steinkjer i regi Norske Kvinners Sanitetsforening. Dei sitt att med mange positive inntrykk som vart formidla gjennom to og ein halv dag i godt selskap saman med 150 andre medlemmar frå 4 fylker. Hovedfokuset som var gjennomgåande denne gongen var å stimulere til auka kjennskap av Sanitetskvinnene som ein stor forskningsaktør.
Sanitetsforeninga inviterer til Kløvertur måndag 16. september. Oppmøte ved Hals/Matkroken og start derifrå kl. 11.00. Alle er velkomne til å bli med ut og gå!
Todalen sanitetsforening melder at årets basar blir tysdag 24. september kl. 17.00. Basaren er i Sanitetshuset, og det blir trekking kl. 19.30.