Vi fann 1794 artiklar i dette arkivet.
Fotballgruppa melder om rekordtidleg oppsett av dugnadslistene til årets Todalsdag som i år blir arrangert laurdag 30. juni. Listebas Bjørn Gunnar Ansnes håper at kunngjering her på todalen.no er tilfredsstillande såpass god tid i førevegen.
Ivrige fotballkarar har i år organisert grendacup for passeleg aktive fotballspelarar; Nordmøre Championship. Her er det sett opp seriespel for lag frå Surnadal, Søya, Todalen, Bøfjorden, ØSIL og Halsa/Valsøyfjord. I dag var det seriestart, og temmeleg spent stemning på Øye stadion. Todalen møtte eit antatt betre lag; Trollheim Toppfotball frå Surnadal, men sjokkåpna med scoring av Brage Hauglann Talgø før det var gått fem minutt.
Fotballgruppa i TIL er vant til store frokostselskap, så 140 personar rundt frokostbordet skremmer ikkje. Etter at biltoget var unnagjort så var frokosten klar på asfaltplassen på Bordholmen.
Presis kl 10 sette biltoget seg i bevegelse, etter at heile 58 kjørety hadde vore oppstilt i gata mellom Talgø-fabrikken og Halsbua klare til å ta den tradisjonelle runden oppover bygda til Gammelfabrikken og nedover igjen til Bordholmen. Dette har vore ein del av feiringa av nasjonaldagen – heilt sia 60-talet.
Som tidlegare år blir det tradisjonell 17. mai feiring i Todalen, med «skrommeltog» som første post på programmet. Deretter blir det i regi av fotballgruppa invitert til frukost på Bordholmen, eller i ungdomshuset om vêret krev det, fortel nyvald leiar i fotballgruppa Anders Gjeldnes.
Laurdag 30. juni er det Todalsdagen 2018 som står på kalenderen. Det skjer som vanleg på Bordholmen og som vanleg er det fotball som er hovedbudskapet på agendaen denne dagen. Det er fotball for dei alle minste – knøtter, miniputter og lilleputter, som står i fokus denne dagen – og heile dagen.
I går kveld var det to kampar i aldersbestemte klassar på Søyabanen. G10 Søya/Todalen møtte først eit sterkt sunndalslag som tok leiinga frå start til slutt. Etterpå var det J10 Søya/Todalen som også møtte eit sunndalslag. Dette vart ein langt meir jamnare kamp, som til slutt endte uavgjort.
Det ser kanskje dramatisk ut når det blir kalla inn til ekstraordinært årsmøte i Todalen i.L., men det er ingen dramatikk i dette, seier leiar Nils Ove Bruset. Det er to saker på agendaen, og begge vart utsett på det ordinære årsmøtet da det var ønske om ei grundigare førebuing av sakene. Det ekstraordinære årsmøtet er lagt til Todalen ungdomshus måndag 7. mai kl 20.
I dag var første offisielle dugnadsøkta på Toåa Tursti i full sving. Dagens innsats vart lagt ned på Matkroken, kor det vart seld lodd til neste helgs basar i Ungdomshuset. Ragnar Halle og Carsten Bohle var første mannskap ut og kunne fortelje om stor positivitet til å både ta lodd og til sjølve prosjektet.
I kveld åpna G10 Søya/Todalen sitt seriespel mot Rindal på Banksletta. Det vart ein målrik kamp, der rindalingane var hakket kvassare framom mål og dominerte størsteparten av kampen. Laget frå Søya/Todalen består av spelarer både frå Todalen, Kvanne og Stangvik i årsklassane 2008 og 2009. Dei skal i løpet av sesongen møte både Surnadal, Tingvoll, […]
Førstkommande torsdag startar fotballsesongen opp att også for dei aller minste. Dermed er det berre å ta fram knottsko, leggskinn og godt humør og møte opp til klokka 18 fortel Bjørn Gunnar Ansens.
I kveld var rundt 100 fotballglade samla i kantina på Surnadal ungdomsskule for årets Kickoff i regi IL Søya. Her var nok flest spente spelarar, men også trenarar og oppmenn var oppmøtt for å sparke i gang ein ny og innhaldsrik fotballsesong.