Vi fann 1764 artiklar i dette arkivet.
Birgit Skarstein var gjennom organisasjonen MOT hyra inn for å være startar under årets Ræta Opp. Det hadde ho dessverre ikkje høve til, men ho har sendt oss ein videosnutt der ho oppfordrar alle til å bli med og ho helsar samtidig til slektningar på Kvanne.
No er det nedteljing til Todalsdagen, og Anders Gjeldnes som held i alle trådar før årets happening kan fortelje om rimeleg god kontroll i dei fleste komitear. Banekomiteen har blant anna så god kontroll at dugnaden som var tiltenkt på onsdag ikkje er nødvendig.
Toåa tursti inviterte til St. Hans-feiring ved gapahuken i Gunnøya søndag kveld. Sjølv om regnbygene gikk ganske tett utover dagen så klarte ikkje vêrgudane å skremme bort folket som ville delta på feiringa. I samband med tursti-dugnad var det samla saman eit stort bål med kvistar og anna rusk og rask, og handelsmann Nordvik kom med dieselkanna si og jammen fekk han fyr på bålet til slutt.
Søndag kveld klokka 18 blir det stort felles St Hansbål i Gunnøya. Det blir enkelt opplegg der alle tek med seg mat og drikke sjølv som ein kan kose seg med rundt gapahuken etterpå. Anledning til å varme både pølser og anna høveleg grillmat på bålet.
Det nærmar seg jonsok og ferietid med rolegare dagar, og derfor er det mange sommaravslutningar no om dagen. Torsdag kveld var det tid for sesongavslutning for lagseriestemna. Her var det stort oppmøte, heile 24 ungar og mange vaksne!
I morgon er siste gong med lagseriestemne før ferien. Denne er flytta til Tjønnmyra kor det blir høve til å både springe, klarte og leike seg for store og små. Det blir også anledning til å grille om nokon ønsker det.
Laurdag 29. juni er Ræta Opp ein del av Todalsdagen 2019. Ræta opp er kjent for å ha ein sosial profil, der startkontingenten går til ei god sak eller eit samfunnsnyttig prosjekt. I år er det Mot Surnadal som får nyte godt av Ræta Opp-løparane sitt bidrag, og vi håper at ekstra mange vil bli med på løpet i år. Fagerli-Brothers kjem ikkje og blir med i år, men dei helsar til Todalsdagen og til Ræta Opp, fortel Ingvild Kårvatn og Knut Bergli i Todalsdagen.
Todalen ILs fotbalgrupper minner om Superlotteriet dei har på gang i samband med Todalsdagen. Dei byr på fine gevinstar, der ei hagemøbelgruppe frå Talgø er hovudgevinsten – verdi 9990,- I dag har det vore loddsal, og neste laurdag (22. juni) blir det loddsal på Matkroken – i tillegg til loddsal under Todalsdagen den 29. juni. […]
Idag arrangerte trimgruppa, med innleid guide og kjentmann Gudmund Kvendset tur til Korshammaren for å sjå etter restane av gruvedrifta, som var på 1840 talet. 9 personar var med på turen
Lagseriestemne er leik med friidrett – alle som har lyst kan bli med og det er uformell og artig leik med friidretten. Her er det greit å slenge seg med eller du kan skru på full fart dersom du har lyst til det.
Todalsdagen har vore arrangert i ei årrekkje. Likevel må det kvart år sparkast i gang med litt planlegging for å få alle brikkane på plass. I går kveld var dei fleste komiteleiarane på plass for det første møte, og med rutinert mannskap og gode arbeidslister frå tidlegare år så reknar Anders Gjeldnes som er leiar i fotballgruppa med at dei kjem vel i hamn i år også.
Trimgruppa i Todalen IL arrangerer tur til Korshammaren ved Todalshaugsetra. Det skjer 2. pinsedag, 10. Juni, med start frå Grusholet/Rossåbrua kl 12.00