Skulstuå i Todalen Arkiv

På søndag inviteres alle barn i Todalen til Halloweenparty i Skulstua. Arrangør er Justina på Bjørli saman med Line i Myrmo. Her er det frivillig om ein øsker å kle seg ut eller ikkje.

Onsdag kveld kunne Skulstuå by på trekkspellkonsert med dei tre entertainarane Jon Bjarne Husby, Odd Arne Halaas og Konrad Nerland. Dei opptredde både kvar for seg og saman, og det vart ein triveleg musikalsk aften, ispedd både allsong og mange gode historier. Eit trettitals publikum fylte Skulstuå og deltok aktivt i allsongen.

Venner av Skulstuå inviterer til musikalsk aften onsdag 10.juni kl. 20.00 i Skulstuå. Tre habile trekkspelkarar underheld både med fengande musikk og ikkje minst gode historier mellom kvar melodi! Odd Arne Halaas (med aner frå Todalen) og Konrad Nerland har begge spela i Skulstuå tidlegare, og gler seg til å koma att!

Søndag var det familiedag og treff i Skulstuå, fortel Line Marie Kvendset, som har sendt oss bilder frå samlinga. Det var tilsaman 20 deltakarar som var samla til forskjellige aktivitetar for store og små på ein elles regntung dag…

Søndag 31. mai er det klart for ny familiedag i Skustuå. Her er det ope hus frå kl 12.00 til kl 15.00 melder Line M. Kvendset til Todalen.no, som fortel at det blir teiknekrok for og uteleik for ungane.  Alle er velkomne til ein triveleg formiddag og ein triveleg prat over ein kopp kaffe – og […]

Søndag ettermiddag var det konsert med forsmak på julestemninga i Skulstuå. Familien Kvendset frå Vanvikan, med mor og far – Randi og Ingebrigt, og borna Bodil(14), Hallvard (11) og Alfred (9) – frista oss med konsert og allsong. Det vart ei triveleg ettermiddagsstund med mykje song og musikk.

Søndag ettermiddag blir det underhaldning med allsong og konsert i Skulstuå. Familien Kvendset – med Randi og Ingebrigt og tre av borna, – Bodil, Hallvard og Alfred vil underhalde oss med song og musikk denne 2. søndagen i advent og startar kl 16.00

I år er det 100 år sidan vår folkekjære visekunstnar og lyrikar Alf Prøysen frå Ringsaker, vart fødd. Det markeres med ein konsert i Skulstuå torsdag 20.november kl 19.00. Då kjem fulltids songar, trekkspelar, skodespelar, entertainer og todalsvenen; Odd Arne Halaas igjen til Skulstuå for å underhalda med song og musikk, melder «Venner av Skulstuå» som er arrangør.

Førstkommande søndag blir det arrangert eit lite Halloweenparty i Skulstuå. Det er Justyna Krajewska på Bjørli som har drege i gang arrangementet, og har fått med seg fleire småbarnsforeldre i komiteen. Dei inviterer derfor alle ungane på barnehagen og opp til og med 4. klasse til enkel halloweenfeiring søndagsettermiddag.

Vêrveggen på Skulstuå (Gammelskulen) blir i desse dagar skifta ut. Da vi knipsa bilete i skyminga var arbeidet forlengst slutt, men det er snikkarar frå Latvia som utfører arbeidet. Ytterveggen hadde nok stått sitt høgst, og blir no skifta samstundes som ei av skottdørende blir kledd att. Tidlegare er vindauga mot vegen skifta ut på grunn av råteskade, og det blir vel meir vedleikehald etter kvart.

Det var eit allsidig og spennande konsertprogram som kraftfult vart framført onsdagskveld i Skulstuå av familien Kvendset. Minstemann Alfred på trekkspel, opna konserten med “Gøy på landet” og Hallvard og Bodil song vakkert “Amacing Grace”. Det var eit musikalsk spenn frå gospel, folketonar til reilender, polka og masj. Familine som ferierer på Ljosheim oppi Rabbgrenda bur i Vannvikan.

Førstkomande onsdag kl 19 inviterer familien Kvendset til sommarkonsert i Skuststua i Todalen. Det er Ingebrigt, Randi og tre av borna – Hallvard, Bodil og Alfred som vil underhalde oss med song og musikk. hallvard og Alfred trakterer trekkspell, medan Bodil vil sørgje for tonar frå sin fiolin.