Forside Arkiv

Jon Bruset har vore på tur til Torviksetra, og har sent oss eit nytt bidrag i «serien Gamle Stangvik». Jon Bruset skriv: «Enda ein tur i «Gamle Stangvik». Til Torviksetra denne gongen. Lettgått tur etter skogsveg heilt fram til ein fin seterstøl. Undervegs fin utsikt til Torvika, og over fjorden ligg Hamnes og Vargøya. Også dette var Stangvik-land før «okkupasjonen» i 1965″.

I år startar laksefisket i Toåa 1. juni. Det er 2 veker tidlegare enn det som har vore vanleg dei siste åra. Men det sluttar også 2 veker tidlegare – 15. august. Og det er ikkje nokon utvida periode for fike etter sjøørret, etter dei nye reglane.
Todalen elveeigarlag startar sesongen med info-møte på Todalshytta 3. juni.

Start 4H var i går kveld på Flathaugen å sjå etter fuglereir i fuglekassane dei hengte opp tidlegare her i vår. Og utan unntak, så hadde det vorte busetnad i alle kassane. Det er som nemt tidlegare leiaren i Start 4H, Endre Talgø som er ansvarleg for dette opplegget, da han har «Aspirantleiar» som si prosjektoppgåve.

Kvar torsdag i heile vinter har det vore trim for damer i gymsalen på skulen. Oppmøtet har vore stort – mellom 10 til 20 spreke damer kvar gong. Instruktør for oss er Turid Hals Sæther, og for å seie det enkelt: Ho er berre superflink trimsjef!

Torsdag kveld starta det første lagseriestemnet på Bordholmen. Ski- og fridrettsgruppa i T.I.L er arrangør og det blir vidare arrangert lagseriestemne desse torsdagane utover sommaren og hausten:

Onsdag var 5.-7. klasse ved Todalen oppvekstsenter på studietur til Gammelfabrikken ved Storfossen i Brusetmarka. Det var PU-sjef Anita Talgø som hadde invitert klassen til å kome dit for å sjå kva som skjer oppå der og korleis Talgø-bedriftene brukar Gammelfabrikken i salgsarbeidet. Å gjera seg kjent i bygda er nemleg ein del av pensum […]

Hos Aud Sund og Ola Øyen i Øyå har det i «nattens mulm og mørke» vore utført hærverk på ein kommode i garasjen. Tysdag kveld dreiv Ola og reparerte ei skuff i kommoden og siste turen han gjorde uti garasjen var det mesta mørkt. Da la han ikkje merke til noko uvanleg, så han trur ugjerninga er utført seinare på kvelde eller natta.

Eldremiddagen som blir arrangert kva onsdag utanom ferie og høgtid fekk i dag besøk av ordførar Mons Otnes og rådmann Geir Vikan. Martinus Torvik, som innleia til måltidet takka for besøket og var glad for at dei fekk regelmessige besøk frå kommunen.

Førstkommande søndag kl 13 inviterer Todalen Historielag til vandring av den gamle bygdavegen frå Brannstasjonen (den gamle) til Ansneset, også ved navn Gjeilvegen. Her vil turen gå ovanfor Halsetgardane, over Todalsøra og Nessahaugen til Hyllnesbukta. Der blir det snuing, før turen går om Todalsøra til slutt.

Vi har fått e-post frå Jon Bruset. Han har registrert maximum og minimumstemperatur heilt sidan nittitalet, og har oversikt over vårlege frostnetter i denne perioden. Han skriv at våren 2010 slett ikkje er den verste:

Pinsegudstenesta i Stangvik kyrkje samla fullt hus 1. pinsedag. Pinsegudstenesta var ein del av Vårsøgprogrammet, og det kom folk sjøvegen både frå Bøfjorden, Hamnes og frå Nordvik. I tillegg var folk oppmoda om å stille i gamel klestil, gamle bilar og det var til og med hesteskyss til kyrkja denne dagen.

Ei røye hadde teke turen til Fellesfjøset på ettermiddagen i dag. Sikre kjelder meinte ho truleg var ute etter ein høveleg make der. Etter alt å døme var det ingen ting i vegen med ho, fysisk i allefall