Forside Arkiv

Det vart Nidelv som trekte det lengste strået i finalekampen mot Sunndal under Todalsdagen 2010. Nidelv førte an frå første stund og var nok overlegen gjennom heile kampen som endte med 4-0 for Nidelv. I bronsefinalen mellom tingvoll og Træff vart det seier for 8-6 for Tingvoll etter ekstraomganger. Ved ordinær tid var resultatet 4-4 etter ein jevn kamp. Innsatsen på fotballbanen var stor til tross for at gradstokken låg på uvante høgder.

Laurdag kl 10 opnar Talgø for fabrikkutsalg av møblar på Gammelfabrikken i Brusetmarka. Talgø har rydda lageret for prototypar og restar av seriar som skal ut til sterkt reduserte prisar. Konsernsjef Terje Talgø fortel at det er bhov for ei årleg opprydding i slike varer, og mykje av det er topp moderne og tidsriktige møblar.

Fredag kveld var det siste innspurt med dugnad og tilrigging på Bordholmen. Todalen I.L.’s fotballgruppe står som arrangør av Todalsdagen 2010, og alt ligg no til rette for at over 400 forventningsfull knøtter, lilleputt og lillegutter/lillejenter skal rykke inn på arenaen og være klare til avspark lørdag kl 09.30. Det er lag frå Romsdal i sør til Trøndelag i nord, i tillegg til mange lag frå Nordmøre som skal ta del i fotballcupen under Todalsdagen.

Frå Todalen barnehage har vi fått eit lite bidrag frå først i veka. Godver og rundallepressing resulterte i mykje kreativitet.

Det er kanskje ikkje alle som kjenner Hjertine, og det er ikkje rart. Det er nemleg den nye hjartestartaren som Todalsen sanitetsforening har kjøpt, og som er plassert på brannstasjonen på Kvennset. Det er den første hjartestartaren som er registrert i Surnadal kommune, utanom Surnadal legekontor. Det er som sagt Todalen sanitetsforening som har teke initiativ til å skaffe hjartestartar, som er ei investering på nær tretti tusen kroner. No er den komen på plass.

Om vêret som blei til dugnaden på Bordholmen i dag gir eit forvarsel til Todalsdagen om to dagar, har vi ein fin dag i vente. Eit tjuetalls personar stilte opp for å klargjera Bordholmen til fotballfest.

Onsdag var det tid for årets optimistkonferanse i Rindal. Godt mot, Todalen hadde fått med todalingar på konferansen, og i todalsdelegasjonen var det 12 personer. I tillegg var det andre todalingar som hadde tatt turen utanfor Godt mot sitt initiativ. Konferansier Arild Hoksnes leia oss på muntert vis gjennom fem timar med motivasjon og optimisme.

Dei siste dagane har det vore godt storseibett lenger ute i fjorden. Hans Gundersen fortel at han har drevet fiske utmed Rakanesset og ved Drøpping, og i går vart det storfangst med ca 50 kilo fin storsei. Hans bruka snøre med pilk og gummimark, og det var saker som frista storseien.

Vi har det siste hatt litt problemer med hastigheten på Todalen.no, ved at enkelte sider har tatt lang tid å laste, eller rett og slett ikke kommet opp. Nå har vi forhåpentligvis fått løst dette problemet.

Fotballgruppas SuperLotteri er i full gang. Jobben med loddsalg går på omgang mellom fotballspelarane, og dei har fast salgsplass på ICA Todalen. Trekninga blir på tampen av Todalsdagen som er komande laurdag (3. juli). Det er mange fine gjevinstar, mellom anna ein Panasonic flatskjerm-TV og eit playstation 3 dataspel i tillegg til møblar frå Talgø.

Torsdag kveld vert det dugnad på Bordholmen for å klargjere anleggeet til Todalsdagen 2010. Dugnadskomiteen håpar at flest muleg kan være med og ta eit tak. Ta med kantkløppar, plenkløppar, spade og rive både for gras og grus. Torsdag- og fredagskvelden er det også mottak for lopper til loppemarknaden. Ta kontakt med Borghild Talgø (tlf 908 41 614) dersom du treng hjelp til frakting.

Her kjem kampoversikta for Todalsdagen 2010, med forbehald om mindre endringar og upresise lagnavn. Du finn og nedlastbare planar for kampane for knøtt/mini og lillegutt.