Forside Arkiv

Då har vi vore så heldige å fått eit bidrag frå Gjermund Holsæter. Han er til tider ein ivrig skribent for Driva, og no er todalen.no så heldig at også vi har fått tilsendt ei helsing. Redaksjonen tykkjer dette er stas, da det er med på å utvide «tilbudet» vårt. God lesning!

Oppkjøringa til julekabareten «Fær hæll i mot» er i full gang. Underhaldningssjef Svein Åge Saksen fortel at programmet tek form no, og øvinga er komen i gong. I år vil vi nok få sjå og høyre både gamle ringrevar, samtidig som mange yngre krefter som er komne med. – Vi er på mange måtar komne i gong med eit lite generasjonsskifte i julerevyen, seier han. Vi har i haust hatt høve til å sjå mange av dei dyktige ungdommane på revyscena, og vi har lika det vi har sett.

Sanitetshuset vart bortimot fullt i går då det var invitert til Førjulskos med utdeling av Barnas lykkeskilling attåt. Med stort og smått var det nærare 60 stykk som kom på arrangementet.

Det er sagt at november i år er den kaldaste novembermånaden på over hundre år over heile landet. Det er nok tilfelle i Todalen også, for Jon Bruset fortel at det er det i år har vore 17 dager der han berre har registrert kuldegrader. Kaldaste dagen på Småhjellå registrerte han -13,5 (25.11.). Heile 8 dagar har det vore minimumstemperatur lågare enn -10 grader. Men det har også vore mildvær, for det er registrert 5 dagar uten frost (perioden 1.-7.november).

60-70 små og store todalingar trossa kulda og kom til plassen utafor ICA Todalen for å ta del i julegrantenninga og for helse på nissane som kom ut frå mørkret. Reknar med at det var nissane frå Kvennsetdalen som var ein tur ned i bygda for å sjå om det var snille ungar på Kvennset i år. Presis kl 17 tente lysa på den fine julegrana som PT-utvalget hadde ordna. PT-utvalget sørga også for servering av gløgg og pepparkaker, og det var nok mange som kosa seg med gløggen samtidig som dei fekk varma fingrane på begeret.

Tone Søyset Døving og resten av Famtakgjengen kjem til Surnadal kulturhus laurdag 11.12., der dei skal halde to konsertar.  Billettane til den første konserten (kl 18) gikk fort unna, og det var da sett opp ei ekstra forestilling kl 20.00.  Her er det enno ledig billettar, så det er berre å gå inn på nettsida […]

I dag har Nationen slege opp Vangsgutane som illustrasjon i avisas helgemagasin. Her har dei ein omtale om årets julehefter, og kommenterer Vangsgutane sammen med andre gamle og nye julehefte. Dei skriv om Vangsgutane at årets utgåve er ei fortsetting av juleheftet frå 2006, og som stod på trykk første gong i 1956. Dette er supplert med deler av serien som stod i Nynorsk Vekeblad i krigsåra. Sjå oppslaget i Nationen her.

Søndag inviterer Todalen Sanitetsforening alle som har lyst til førjulstreff i Sanitetshuset. Dette er ein årleg tradisjon, der dei ungane som er fødde det inneværande år er spesielt inviterte for å få ein liten gave. I år har saniteten fornya seg litt, og arrangerer eit lite juleverksted attåt. Her vil det bli både klipping, liming og teikning, i tillegg til servering av nissegraut.

Førstkomande søndag kl 17.00 er det julegrantenning. Det foregår ved ICA Todalen, og PT-utvalet som er arrangør lokkar med servering av gløgg og pepparkaker. Dit kjem vel også nissen på besøk, og det blir spanande om han har med seg noko i sekken sin i år også? Ta med godt humør og klær til å […]

Søya/Todalen har med to deltakere med i Neas-akademiets treningsgruppe for spillere født i 1998 (fra hele Nordmøre).
Dette er Henrik Melkild og Steinar Gjeldnes.

Stangvik Grendalag ønskjer alle hjertlig velkomne til førjulkos, all-song og fest laurdag 4. desember. Da kjem Per Husby saman med møremusikarane Jo Inge Nes, Øystein Sandbukt, Audun Skrogen og Peter Wergeni til Bondehuset. På dagtid blir det støyping av lys og pepparkakebaking for born, servering av kaffe, gløgg og middagsmatsal. Når det lir mot kveld, vil Per Husby & co trå til med allsongkveld. Etter konserten har møremusikarane lova skikkeleg dansemusikk, slik at folk skal få testa dansefoten før jul.

Frå Lars Steinar Ansnes har vi fått melding om at boka «»Kvenndalen med Kvennbøtæla og Engjamarka» no er i sal. Forfattarar er Erling Myrbostad, Torbjørn Polden og Lars Steinar Ansnes. Stangvik Historielag står som utgjevar. Stangvik Historielag arrangerar bokkveld på Stangvik skule tysdag 7. desember.