Forside Arkiv

Både gymsal og klasserom var dekorert til fest då Todalen skule og barnehage, feira sine runde tal i går. Barnehagen sine 20 og skulen sine 90. Rundt om heile 1. etasje var det utsillingar frå ulike tidsepokar. I gymsalen var det blandt anna ein heil vegg med gamle skulebilete, der mange brukte tida godt for å sjå etter kjentfolk.

Også i år var det stor oppslutning rundt Todalen Sanitetsforening sin innsamling til Estland. Folk set tydeleg pris på å kunne gi bort klede og anna utstyr til folk som kanskje treng det meir enn oss her til lands. Frå Kvanne kom det til og med ein fullasta drosje. Her var det Anna Svorken som hadde ordna skyss innover til seg og «ryddelasset». Og drosjesjåfør Dag Arne Nordvik bar behjelpeleg inn. Det skal også nemnast at same Anna strikka 50 ullsokkar som Todalen Sanitetsforening fekk for å lage julegåver som og skulle sendast til Estland.

Vinnaren av månadens bilete for mars blei Ingri Bruset med «Vår i vente?». Denne månaden var det jamnt, og vinnaren fekk 49 av dei 169 stemmene.

Denne helga er salgsapparatet til Talgø på Hamar for å vise seg fram for møbelkjeda Bohus. Bohus har samla alle sine 50-60 utvalde leverandørar i Vikingeskipet på Hamar, for å vise nyheiter som skal inn i kolleksjonen utover sommaren og hausten. Hit kjem folk frå alle landets Bohus-butikkar, både eigarar og butikkansatte for å sjå og gjere seg kjent med nyheitene dei snart får i butikken. Messa starta fredag og skal halde det gåande fram til søndag ettermiddag.

Neste vinter blir også kald, trur Håvard Halset. I alle fall så har han laga eit hundretallspallar med ved og satsar på å gjere seg uavhangig av strømprisane for å halde den nausdsynte komfort. Først og fremst er det ved til eige bruk, men også noko for salg til dei faste kundane. Det er nok mange som har tømt vedbua gjennom ein kald vinter, som no nyttar lyse vårkveldar attmed vedklyvaren.

Skogkompaniet opplever bra ordretilgang om dagen, og dei har fullt opp med oppdrag fleire plassar rundt i Midt-Noreg. Dei har jobbar frå Vikna i nord, til tømmerhogst på Skodje Sunnmøre, men også mykje veg- og linjerydding i området. Dette har gjort at dei no skiftar ut ei av hogstmaskinane til ein nyare modell, nærare bestemt ein Ponsse Ergo 2007-modell til eit par millionar. Den nye hogstmaskina vart levert direkte til jobben på Skodje, der Skogkompaniet har eit arbeidslag. Det er Anders Holden frå Kvanne som er hovudførar på maskina som no er i fullt arbeid, fortel dagleg ledar Kristen Bruset til Todalen.no

å Todalen oppvekstsenter er det dobbelt jubileum laurdag (9. april kl 13.00). Da feirer Todalen skule 90 år og Todalen barnehage 20 år. Første byggetrinn av skulebygninga vart altså teke i bruk i 1921 (sjå bilde ovafor), medan Todalen barnehage vart bygd i 1991, der mykje av arbeidet vart gjort på dugnad av bygdefolket. No har dei programmet klart for storjubileumsfest, og dei inviterer til feiring laurdag 9. april kl 13.00, med FAU som arrangør.

At brannvesenet spyler rein plassen framfor ICA Todalen og Talgø Møbelfabrikk er eit sikkert vårteikn. Dei har øving kvar månad for å sjekke utstyret og da tek dei gjerne ein slik jobb for samtidig å gjera noko nyttig. I vinteren løp samles det mykje strøsand rundt asfaltkantane, og dette fører lett til reine sandstormen når det er sterk vind.

Rindalsfelten er eit av dei største felstemna i Midt-Norge, der dei samlar langt borti 200 deltakarar til feltskyting. Arrangementet er eit samarbeid mellom Rindal skyttarlag, Rindalsskogen skyttarlag og Lomundal skyttarlag, og er eit dobbeltstemne der dei kjører fullt program på begge skytingane. Den gjevaste premien denne dagen er nok Talgøpokalen som er ein vandrepokal som går til beste skyttar sammenlagt på grovfelten.

Skal det bli hornmusikk til 17. maifeiringa i Todalen så treng vi ein trompetist! Det er Kristine Saksen Ulvund som er primus motor og organisator for å få til eit lite musikkorps til 17. mai og feiringa av nasjonaldagen. Ho har allereie fått med fleire til å danne eit improvisert musikkorps, men som sagt manglar ein habil trompetist. Det må vi ha for å spille marsjar, seier ho. Spelar du trompet, eller veit om nokon som spelar trompet, så ta kontakt med Kristine på telefon 916 74 607.

Eit hundretals tilhørarar kom til kyrkja for å få med seg konserten med Skrult frå Ålvundfjord onsdag kveld. Og jammen fekk dei valuta for pengane, og var rause med applausen under konserten. Skrult tok publikum med på ei reflektert musikalsk reise som publikum sette stor pris på. Det var full trøkk og svingande rytmer, ei musikalsk vandring med hovudvekt på amerikansinpirert folkemusikk.

I Ungdomshuset er det full sjau med snekkering og rørleggararbeid for tida. Da Ungdomshuset vart renovert i samband med jubileumsfeiringa i 2008 var det ikkje tid og økonomi til å ta med toaletta i renoveringsplana. På årsmøtet i Todalen Idrettslag vart det bevilga pengar til til dette arbeidet, og no er altså arbeidet i full gang.