Forside Arkiv

I går kveld trefte vi Terje Nordvik i findressen ved pumpene til HalsOil på Kvennset. Da røpa han at han var på veg til Vårsøg Hotell på middag, for å feire kontrakten med Shell. Der skulle han treffe direktøren for drivstoff detalj og kommunikasjonsdirektør Kitty Eide i Shell. Nordvik vil ikkje ut med salgssummen, men vi forstår at det dreier seg om eit større beløp.

I Austistua hos Olav Halle var gode råd dyre når gjødselkjellaren gikk full ein månad før våronna kunne starte, og ordnær møkkakjøring kunne ta til. Redninga vart å kjøre ca 100 m3 til Bruset der gjødselkjellaren står tom i år. Olav fortel at det i hans besetning blir rundt 7-800 m3 med møkk i løpet av vinteren, og han reknar med at ca 100 m3 må kjørast ut no, for at det skal halde fram til våronna tek til i månadsskiftet mai/juni.

Endeleg kika sola fram og det vart ein strålande dag, med sol frå blå himmel og litt varme i lufta. Har inntrykk av at alle er lut lei vinteren no. Den har vart i over 5 månader sidan første snøen kom, og det er på tida at vi får litt føling med våren etter kvart. Værmeldingane på yr.no seier at det blir opphald eit par dagar til, før det igjen kjem ein nedbørsperiode som går frå førstkomande laurdag og fram mot neste helg med temperaturar mellom 8-10 grader på dagtid. Men da kjem nedbøren som regn.

Da redaksjonen fekk e-posthelsing frå Lars Stensby om at han var på Svalbard, fekk han umiddelbart svar og beskjed om å ta bilde av den gamle kyrkjeklokka i Longyearbyen. Den har nemleg ei historie med lokal preg, noko som ikkje så mange kjenner til? Ein nordvikgarding var nemleg delaktig i arbeidet med den første kyrkjeklokka som var i bruk i Longyearbyen, nemleg klokkestøyparen Ola T. Polden frå Åsbøhagen på Nordvik.

Erik Kårvatn ved målestasjonen for Norsk institutt for luftforskning (NILU) på Kårvatn fortel i dag at det har vore rekord i nedbørsmengden den siste perioden. Frå den 21. til den 28. mars vart det registrert 100 mm nedbør. Noko som i følge han er lenge sia sist. Snødybda er no oppe i heile 145 cm.

Vi minner om konserten med Skrult i Todalen Kyrkje i kveld kl 19.00. Bandet Skrult er frå Ålvundfjord, og denne konserten er ein del av jubileumsprogrammet til til kyrkja. Under finn du også ein smakebit frå gruppa.

 I helga som var hadde Søya/Todalen/Kvass/Ulvungen og Surnadal besøk av trønderlaget Utleira for spel av treningskampar. Dette var eit lag dei stifta bekjenntskap etter cupspel før jula i fjor. Gjestane måtte sjå seg slått av begge heimelaga, men hadde eit bra opphold for det i følge rapportane. Her kan du lese heile saka på IL […]

Lars Stensby arbeider som overingeniør innen Drift og Vedlikehold for MainTech AS i Trondheim. Arbeidet bringer han rundt om kring for å hjelpe kunder i nord og sør. Denne gangen har han vært på Svalbard og har sendt oss noen ord om hvordan han opplevde Spitsbergen

I april 1981 (For 30 år sia) var det store oppslag om livet i Todalen den gongen. Da var Berit Vikdal og Geir Arnesen i Todalen for A-Magasinet (bilag til Aftenposten) for å ta pulsen på todalingane, og dei bruka heile 5 sider i A-Magasinet for å presentere resultatet. Todalen.no har fått låne denne utgåva av magasinet […]

Laurdag fekk Kjetil Sogge, litt forsinka, overrekt premien for «Årets Bilde 2010». Han fekk ein innrama versjon av vinnarbiletet «Frostrøyk» som premie. «Frostrøyk» vart ein suveren vinnar i sluttfinalen, men det var like vel mange sterke konkurrentar i konkurransen. Vi gratulerer vinnaren Kjetil Sogge.

Da har vi motteke marsbidraget til bloggen vår. Denne gongen er det Nils Helge Ness busett i Molde som sist gong vart utfordra av Linda Tørset vi skal besøkje. Velbekomme!

Jo Kåre Torvik (50) (Høyem) er fersk sølvmedaljevinnar i Veteran-VM i hopp. For eit par veker sia var han i Harrachov i Tsjekkia, og han kom som sagt heim med ei sølvmedalje og ein 8.-plass. Han deltok i 40- og 70-metersbakken, fortel nettstaden Nabonytt.no i Buvika der han bor i dag.