Forside Arkiv

Torsdag kveld var SSU(samarbeidsutvalget) for Todalen og Stangvik Oppvekstsenter samla for ordinært møte ved Stangvik oppvekstsenter. På møteagendaen var det avsett ein halv time til befaring av nybygg, der også FAU ved både Todalen oppvekstsenter og Stangvik oppvekstsenter var invitert. Redaksjonen spurde i den anledning einingsleiar Bjørn Einar Høvik om det var rå og få bli med på ein fotorunde, da kanskje fleire kunne tenkt seg å få eit lite innblikk i byggeprossessen som skal ferdigstillast i løpet av sommaren.

April har kome og gått utan det store mildvêret, som vår lokale vêrspåmann varsla allereie i mars. No tydar det på at han også får rett i at det kjem i neste veke. Uansett har vi fått inn mange fine bilete, og vi skal no kåre ein vinnar av månadens bilete for april.

BF Solnør frå Fjord1, som går i rute 46 Kvanne – Rykkjem har endra rutetida frå 1. mai. Det vil seie at turen som går frå Kvanne kl 10.30 og Rykkjem kl 10.45 utgår, medan det har vorte ein ny avgang frå Kvanne kl 09.30 og frå Rykkjem kl 09.45. Denne endringa er sett i verk utan at endringa er kunngjort på anna måte enn på eit flygeblad som dei deler ut på ferja. Nye rutehefte fra 1. mai er enno ikkje klare frå trykkeriet!

Torsdag 2. mai var det varsla storm og store snømengder, – ikkje særleg lokkande for den som skulle på stavgangtur! Heile føremiddagen lava snøen ned, og den kraftige vinden peip rundt novene og fekk dei store trea til å svaia. Det blir nok ingen som møter på stavgang i dag, nei! Men i 12-tida, ein time før start, stilna stormen, snøveret gav seg og sola viste seg på himmelen! 14 hardhausar møtte til stavgang, langt over det ein kunne venta slik som vêret hadde vore på føremiddagen.

Måndag 13. mai inviterer Stangvik historielag til kulturvandring til Åsbøhagen og besøk i smia hos Ola Polden. Han er litt av ein tusenkunstner, og det blir nok eit interessant og artig besøk, for han har både mykje å vise fram og mykje å fortelje. Dette er den første av 4 kulturvandringar som Stangvik historielag skal ha i løpet av sommaren 2013. Historielaget ønskjer alle velkomne til å delta på lagets kulturvandringer.

Til tider kraftig vind på Bordholmen hindret ikke A-laget til Søya/Todalen i å spille fin og underholdende fotball torsdag kveld. Mål av Sondre, Kenneth og 1 selvmål ga seier 3-0 i sesongens første hjemmekamp. Over femti tilskuere fikk se et hjemmelag gå hardt ut og kom til mange sjanser før de fikk sitt første mål midt i første omgang. Et skudd i stolpen og et par sjanser på corner, men ingen flere mål før pause.

Tradisjon tru, er elevane i 7 klasse ved alle skulane i kommunen på skuletur til Bjørnsund i løpet av våren. Elevane ved Todalen og Stangvik oppvekstsenter har sidan måndag vore der saman med skulane Mo, Bæverfjord og Bøfjorden. Etter rapportar til ulike heimar er opphaldet vellykka så langt. Veret har vore bra, men litt mykje vind gjorde ei utflukt der havfisket sto på programmet til ei lita utfordring. Ikkje alle var like gode på 2 meter høge bølger.

Forrige veke gjennomførte Nordmøre heimevernsområde årets trening i Surnadal. Dette foregjekk hovedsakleg på Angråmyre skytebane, men med ein feltdel ute blant publikum. Både ved Surnadal Kommunehus, Kvanne fergekai og industrikaia i Surnadal var det aktivitet.

1. mai vart det utrykning til ein pipebrann i Todalen. Rask reaksjon frå frå huseigaren og brannvesenet i Todalen hindra at brannen fikk utvikle seg. Litt salt i pipa dempa nok brannen, men feiaren måtte tilkallast før ein fikk sløkt pipebrannen heilt. Det er farleg dersom pipebrannen får utvikle seg, for da kan det føre til sterk oppvarming av pipa og kan antenne treverk i nærleiken av pipa.

I månadsskiftet april/mai er det 60 år sia Tysklandsbrigaden var avvikla, og soldatane kunne dimmitere og reise heim. Tysklandsbrigaden vart oppretta i 1947 og Norge deltok saman med ein brigade i arbeidet med å gjenreise Tyskland og skape det om til eit fredeleg medlem av verdssamfunnet. Tilsaman var 12 brigadar i Tyskland på tjeneste fram til 1953, da dei kunne reise heim.

Laurdag arrangeres siste strikkekaffe denne våren. I den anledning kjem Torill Gjeldnes for å vise fram garn spunne av ull frå eigne sauer. Ulla er spunne på spinneri, og Torill har dermed fått tilbake mykje fint garn i 4-5ulike nyansar.

Nordvik grendalag har planane klare for våraktivitetane. Dei startar med å rydde etter vinteren, og arrangerer vårdugnad onsdag 8. mai kl 18.30. Det skjer på Øygarden, leikeplassen og inne i forsamlingshuset. Der blir du oppfordra til å ta med høveleg redskap eller vaskebøtte. Vidare arrangerer laget befaring til setra for å finne plass til ny høyløe og for å finne trase til ny tursti. Det skjer torsdag 23. mai, med start kl 18.30