Forside Arkiv

Denne veka kom tomtearbeidet i gang i Bekkerhagan. Det er Siri Skjerve og Anders Gjeldnes som har starta sitt byggeprosjekt, og Gjeldnes Maskin har i løpet av nokre dagar opparbeidd tomta og gjort den byggeklar. – Neste veke startar vi med støyping av ringmur og plåte, og da vil det gå slag i slag framover, seier Anders Gjelnes til Todalen.no.

– Vi har servert blautkake til langt over hundre og har hatt enda fleire kundar innom butikken i løpet av dagen, seier Terje Nordvik, som i dag serverte gratis kaffe og blautkake til alle som var innom butikken. Han fortel at det har vore full trøkk og stor aktivitet i butikken gjennom heile dagen – ingen tvil om at bygdefolket tok hintet, og at mange fleire enn vanleg gjorde sin helgehandel hos oss i dag.

Laurdag ettermiddag var det ny runde med strikkekaffe i Sanitetshuset, og her held dei jammen strikkepinnane varme. På eit bord låg det ein heil haug med ferdigvarer som er klare for levering og som er produsert sia sist vi var innom. Kampanjen «Varm velkomst» rullar vidare, og det er ingen tvil om at denne gjengen […]

Surnadal Senterparti avheld sitt årsmøte på Sagatun 19. november. Alle medlemmer er naturleg vis velkomne. Les heile saklista under.

Torsdag arrangerte Rehabiliteringsavdelinga og Dagsenteret i Surnadal kommune  førjulsmartna. Der var det salg av flotte heimelaga produkt, kaffeservering og basarbord. Inntekta frå martna’n skal gå til å lage fint uteområde mellom Rehab og pensjonærbustadene. Det er planar om å bygge platt med utsikt mot elva, gapahuk og gangveg, og å kjøpe inn utemøblar og bålpanne. […]

Laurdag er det «handle lokalt-dag» på Matkroken. Som vi tidlegare har omtalt er Matkroken deltakar i det såkalla Merkurprogrammet for sistebutikkar, og laurdag er det nasjonal kampanjedag for lokal handel i dei såkalla Merkur-butikkane. På Matkroken i Todalen blir dette markert både med infomateriell og ikkje minst kaffe og blautkake til alle som stikk innom butikken denne dagen.

Komande søndag er det Fauskåvatnet som er mål for søndagsturen. Turen startar i Søyådalen, dit du kjører med bil etter Østbødalsvegen og fortsett etter bomvegen til du treffer turfølget inst i Søyådalen. Herfrå startar fotturen til Fauskåvatnet som ligg på 579 meters høgde. Herfrå har dei fleste i nedre Surnadal si vassforsyning.

SURNADAL RØDE KORS ønsker å anskaffe så rimelig som mulig: Hjørnesofa (evt. 3+2) samt salongbord som vi skal bruke på vårt depot.  Har du ein ledig sofa, så ta i så fall kontakt med Surnadal Røde Kors,  v/leder Reidar Brøske på telefon 957 76170.

Nærbutikkar over heile landet oppfordrar bygdefolk til å handle meir lokalt. Laurdag 31.oktober blir det landsomfattande aksjonsdag for lokal handel på Matkroken. «Handle lokalt – velg nærbutikken» er slagordet for kampanjen, som blir arrangert i samarbeid med det statlege Merkur-programmet for distriktsbutikkar. Kampanjen vil fokusere på kor viktig butikken er både som møteplass, servicesenter og salsstad for daglegvarer. Målet er å redusere handels-lekkasje og stimulere til meir lokal handel.

Surnadal Normisjon inviterer til utvida misjonsfest med varesal, matsal og lotteri. Inntekta går til eit stort arbeid i Norge og på misjonsfelt i fleire land i Asia, Afrika, Europa og Sør-Amerika. Dørene blir opna for sal kl 15.00, og kl 16.00 er det fest der Elisabeth Østergård frå regionkontoret deltek med andakt og misjonsinformasjon.

Måndag kveld var det fagkveld for damer på Byggmakker. Der fekk dei nyttige tips om opp-pussing og informasjon om nye fargetrendar. Dyktig og eingasjert konferansier for kvelden var Magne Seierslund. Han ønskte damene velkomne til ein butikk der mennene ofte dominerer, men slik bør det ikkje vere da jentene ofte er like ivrige, flinke og gjer rikitig stor innsats både når det gjeld opp-pussing og hagearbeid.

Hell i uhellet gjorde at det ble med eit branntilløp og ikkje garasjebrann hos Jon Bruset på Småhjellan. Det var måndag i lunchtida at Jon sette på batteriladaren på bilden for å sikre at batteriet var fullada før det blir vinter. Han kobla til ledningane mellom ladaren og batteriet og forsikra seg om at det var rett kobla, før han sette i kontakten.