Forside Arkiv

Torsdag var den første soldagen. Sissigrenda er av de første som får att sola, men da var det snøføkk og ingen fekk gleda av å ta i mot sola. Torsdag klårna det etter kvart opp, og da var sjølvsagt gleda stor. Først ute er nok uten tvil Hjellnes, og lenger inn er Todalshaugen først med 17. – 18. januar og vidare resten av Sissigrenda som altså får sola den 19. Eit par dager etterpå er sola på plass på Matkroken og Talgø. Sidan blir det litt etter litt sol oppover bygda og Husbygrenda har offisiell dato 27. januar.

For nøyaktig 100 år sidan, altså 21. januar 1916, vart Todalen Sanitetsforening stifta, og det er ein vital og aktiv hundreåring vi gratulerer med dagen! På stiftingsmøtet deltok tolv engasjerte kvinner, og Thora Talgø vart vald til foreningas første leiar. Laget vart tilslutta Norske Kvinners Sanitetsforening som var skipa i 1896. Målet for arbeidet dei […]

I samband med Friluftslivets år 2015 gjekk kommunane Rindal, Surnadal og Halsa saman om å arrangere søndagsturar. Prosjeketet fekk tittelen «52/17Søndagsturen» – altså 17 søndagsturar i kvar kommune i løpet av året. Målet var å ta tilbake tradisjonen med søndagstur, få folk i alle aldrar ut på tur, ikkje minst barnefamiliar. Som ei «gulrot» for […]

For nokre – som pensjonistar og dei som arbeider i turnus – passar det best å gå på kino på dagen. Difor vil Surnadal kino vise fleire «dagfilmar» dei komande vekene. Og det er ikkje noko samanraska amerikansk B-film som blir servert. Nei, her blir det «Godt norsk» (og eit svensk innslag) gjennom dei neste fire vekene

Med snøen kom skiaktivitetane i gang. Komande laurdag, 23. januar, inviterer Surnadal I.L. langrenn til sonerenn på Nordmarka. Rennet går i fristil og distansen blir 1 km for 0 – 10 år og 2 km for 11 -100 år. 2 km løypa blir identisk med løypa som skal gås under Midt Norsk Mesterskap, melder arrangøren. Rennstart kl 12.00

Lysløypa på Tjønnmyran er klar til bruk, melder Ståle Ansnes i driftsstyret for anlegg i Todalen idrettslag. I ettermiddag er traseen køyrt opp, så no er det berre å spenne på skiene og sette igang. Det er enkelte plassar litt lite snø, men etter kvart som vi får meir «påfyll» det komande døgnet så vi det bli fine forhold, seier Ansnes.

Det er nok mange som har venta på snø og skiføre. I går kveld og i natt kom det første snøfallet i det nye året. 15-20 cm nysnø kan vi skilte med, og meir er i vente utover ettermiddagen og kanskje mest til kvelden og natta etter vêrmelding på yr.no.

Det var stor stas da Talgø/MøreTre fredag kveld vart kåra til årets leverandør hos Optimera/Montèr-kjeden som denne helga har byggvaremesse på Gardermoen. Det var salssjef Bjørn Hauglann og marketingsjef Heid Snekvik som tok i mot den prestisjetunge prisen på ei tilstelling på gardermoen fredag kveld.

Todalen historielag inviterer til den tradisjonelle og populære ettermiddagskaffen søndag 24. januar. Det skjer i Todalen ungdomshus frå kl 14.00 og utover dagen. Tema for ettermiddagskaffen denne gongen er «Du skal ikkje tru alt du ser!», og det er Einar Oterholm frå Halsa, som kjem til ungdomshuset med sitt kåseri denne ettermiddagen.

Todalen sokneråde har programmet klart for vinteren og våren 2016. Det startar med høgmesse i Todalen kyrkje søndag 24. januar, men høgdepunkta i programmet er nok friluftsgudstenesta på Haugligardane 2. påskedag og konfirmasjonsgudstenesta på frigjeringsdagen 8. mai. Heile programmet kan du laste ned som PDF-dokument her.

Torsdag var det aktivitetsdag for elevane ved Todalen oppvekstsenter på Bordholmen. Gradstokken viste minus ti grader, men heldigvis var det vindstille. Det vart nok kaldt for både tær og fingrar, men det såg ikkje ut til å legge nokon dempar på aktiviteten. Klubbhuset var ope slik at deg gjekk an å gå inn for å […]

I april gjorde SNO uttak av ein skadejerv i nærleiken av Todalen. No har dei fått analysert alle Dna-spor som er henta inn i form av skit, hår, vev etc og da viser det seg at dei har samla prøvar frå eit vidt område for denne jerven som har følgjande identitet i SNOs ruller: JI403047, Ind 3521. På kartet kan du sjå kvar dna-spora er registrert.