Forside Arkiv

Måndag 8. april kom med retteleg finver og sol, om enn litt skarp og kald luft, og det vart ein kjempefin Kløvertur utover etter Haltbakkvegen på Nordvik.

Til tross for sen påske er det fine forhold på fjellet. Det er bare å pakke sekken og spenne på seg skiene, DNT-hyttene er klare til å ta imot påskeglade nordmenn.
– Det ligger til rette for en drømmepåske i fjellet, med aprilsol og flotte skiforhold de fleste steder. Frivillige og ansatte i DNT har jobbet på spreng de siste ukene for at du skal kunne få den perfekte påskeferien med ski på beina og appelsinpause i solveggen, sier generalsekretær i Den Norske Turistforening, Dag Terje Klarp Solvang.  

Tydeleg at turstiprosjektet «Toåa Tursti» engasjerer bygdefolket. Søndag samla basaren som vart arrangert fullt hus i Todalen ungdomshus, og det kom inn pengar så det monner denne gongen også. Heile prosjektet med tursti frå Bønnavollan og nedover til Halsabrua er kostnadsrekna til rundt 1,2 mill. kroner, der ein halvpart skal finansiert med midlar og dugnadsinnsats og den andre halvparten skal finansierast med tippemidlar.

Sanitetsforeninga inviterer til Kløvertur måndag 8. april. Da går turen på Nordvik, frå Sjøleet og etter vegen utover til Haltbakkan, fin grusveg og ikkje bratt. Start frå Matkroken/Hals kl. 11.00.

Mange tok turen innom Sanitetshuset laurdag ettermiddag; det er kjekt å møtast til triveleg samvær og kaffelag. Strikkepinnane gjekk flittig; her vart det strikka både kjolar, teppe, vottar, lestar, kofter og kopptuer.

Vi stakk innom Todalshytta for å sjå kor langt dugnadsarbeidet er kome, og vart litt overraska over at det no faktisk er berre litt finpuss som står att – og sjølvsagt litt opprydding. Så kan hytta tas i bruk, sjølv om hytta ikkje skal være døgnopen og betjent turisthytte i sommar. Fotturistane får bruke Ishuset og Jomfruburet som sjølvbetente overnattingsplassar, og Todalshytta vil bli leid ut til arrangement som for eksempel konfirmasjonar, bursdagar og bryllupsarrangement.

Snøen held enno taket, men fuglane har begynt å synge, og det er på tide å presentere årets Stikk UT! -turmål! I år er det til saman 215 turmål fordelt på 17 kommunar I Møre og Romsdal. Av desse er 98 gradert grøn, 85 blå og 32 raude. 61 av turane er trillevenlege og 59 er nye spennande turar for året. Men sjølv om vi her presenterer årets sommarprogram så minner vi om at Stikk UT! Ski -sesongen varer heilt fram til 2. påskedag, så nettsida til sommar-Stikk UT! vil ikkje vera oppe før etter den tid!

Todalen sanitetsforening inviterer til Fredrikkekaffe i Sanitetshuset laurdag 6. april i tidsrommet 13.00 – 16.00. Her er alle velkomne til sosialt samvær med eller utan handarbeid.

Våren er den travlaste tida på lasteplassen for Talgø MøreTre. All produksjon passerer lasteplassen og blir handtert minst 2 gonger – både når varene blir plassert på lager og når dei skal skipast ut. I mars var det ekstra travelt for dei 6 på lasteplassen, for da vart oppnådde dei beste marsmånad i Talgø MøreTres historie med omsetning på 60,2 mill.

Todalen grendalag melder om årsmøte i Todalen ungdomshus torsdag 4. april. kl 19.30. Grendalaget håper på godt oppmøte og engasjement frå bygdefolket. Mellom anna er det ønskeleg for styret at møtelyden kjem med innspel om prosjekt og oppgåver som det nye grendelaget skal jobbe med. No er saklista for årsmøtet klar – bla om så finn du saklista for årsmøtet:

Søndag blir ein dag med rikhaldig program i Todalen Ungdomshuset. Dagen startar med innlevering til byttemarknaden i kjellaren frå 15-17, der du kan kome og levere bruka, men heilt idrettsutstyr av ulik art. Litt seinare på dagen frå 17-19 er det byttemarknad, og kl. 17 startar også basaren. Kl 18 fortsett det med filmframsyning, der Svein Åge Saksen viser film frå – «Smellet i Trollheimen» og frå «Talgøpensjonistane som hadde samling på Gammelfabrikken – begge filmane frå 2006.

Den 1. januar 2019 vart eldrereforma «Leve hele livet» starta i kommunane rundt om i landet. «Leve hele livet» handlar om det som er viktigast i livet: fellesskap, aktivitet, deltaking, førebygging, god mat og rett helsehjelp. Det meste av ansvaret for å gjennomføra reformene er lagt på kommunane, men pårørande, frivillige og dei eldre sjølve må og ta eit tak.