Arkiv for november, 2019

Todalen sanitetsforening inviterer til Fredrikkekaffe i Sanitetshuset laurdag 9. desember i tidsrommet 13:00 – 16:00. Alle er velkomne!

I Sæterlia «snør» det jamnt og trutt om dagen. No gjeld det å nytte kuldegradane for å produsere ein såle med kunstsnø i alpinbakken, slik at ein har noko å slite på utover vinteren. meteorologane lover iallfall ein kald vêrtype til tysdag eller onsdag så her blir det nok snøproduksjon gjennom heile helga. Men ut i neste veke er det fare for mildvêr igjen med søraustleg vindretning ifølge yr.no

På Hageland opna dei «julebutikken» i dag. Alle julevarer er på plass i butikken og opningsdagen blir markert i alle Hageland på denne dagen. – Aldri har vi vel hatt så flott juleutstilling og så mykje julevarer på plass i butikken som vi har i år, seier May Britt Dyrli. Dette markerer vi på opningsdagen, og fram til og med laurdag, med 30 % rabatt på alle julevarer.

Svein Volle med det fine bilete fra Nordvik vant månadens bilete, og sikra seg ein av dei siste plassane i kampen om å bli årets bilete på Todalen.no

Måndag gjennomføres den årlege markeringa av nordisk litteraturveke. Dette er eit samarbeid mellom biblioteket, skulen og FAU. På biblioteket vil det bli vist fram nye bøker frå tilveksten siste år.  Dette er ein fin kveld for å møtest, snakke, lese og bli kjent med tilbodet på biblioteket, fortel rektor Britt Mossing.

Det blir i morgon, onsdag gjort forsøk på å starte opp med volleyballtrening i gymsalen. Møt opp klokka 19.30, og børst støvet av gamle kunstner, helsar volleyballavdelinga i Todalen IL

Medlemmane i Start 4H intensiverer no klubbaktiviteten fram mot årets haustfest laurdag 16. november. I går kveld var gjengen samla i Skulstuå, og planlegging av program og alt som høyrer til ein haustfest til, vart gjennomgått. 

Omsorgsberedskapsgruppa i Todalen sanitetsforening melder at det blir middag for folk i bygda igjen. Middagen blir i Sanitetshuset tysdag 12. november kl. 14.00.

Jaktskyttarutvalget i Surnadal Jeger og Fiskerforening ønsker alle nye og gamle medlemmer velkommen til innendørs trening på Angråmyra kvar tirsdag kl 18.00.

Låg sol og høge fjell gjer at det no blir mindre og mindre sol nede i bygda. Kløverturgjengen la dermed trimturen første måndagen i november til Hjellnes. Solstrålane vart utnytta til fulle; – da kaffepausen var over, gjekk sola ned bak fjella.

Dette er den største satsinga vi har gjort på Kårvatn Fjellutstyr, seier Gudmund Kårvatn, og legg til at det sjølvsagt er unnateke bygginga av låven der butikken held hus. Den nye nettbutikken blir egentlig felles for forbrukarkundar og forhandlarkundar, men ikkje heilt lik for dei to kundegruppene. Det nye systemet vil forenkle arbeidet for dei som jobbar i butikken og vil frigjere meir tid for aktivt salg og betre service for kundane, seier Kårvatn.

Sesongens første balleik samla nesten samtlege ungar i 1. til 3. klasse i gymsalen i kveld. Her var det full aktivitet frå første minutt. Nina Ryan og Ola Dalsegg var kveldens ansvarlege, og kveldens hovedaktivitet var handball. Her var det mykje godt handballpotensiale, så med litt mer trening klarar kanskje Todalen å stille eige handballag?