Arkiv for juli, 2017

Jenny Klinge likar å ha kontakt med grasrota – torsdag morgon var ho på plass i Viastufjøset kl 7.30,  for å delta i fjøsstellet.  Vi trefte Jenny i «fjøsmundur», og vart med på morgonstellet og frukosten etter på.

Dei siste par vekene har det vore stor aktivitet på Bordholmen – arbeid for ungdom i kommunal regi har gjeve sommerjobb til 4 ungdomar og ferieaktivitet til opptil 11 born.

Fredag kveld kl. 18 arrangerer Fiskeutvalget i Surnadal Jeger og Fiskerforening sjøfiskekveld på Nordvik for barn og unge. Her blir det blant anna konkurranse om å få den største fisken! SJFF held grillmat til alle som kjem, og kanskje blir det ein nygrilla fiskefilet om nokon er heldige!

IL Søya har no fått utarbeida eit nytt kart som viser fine sykkelturer og trimturer på Kvanne og Stangvikområdet. Kartet kan du sjølv skrive ut for å ta med deg på tur, eller du kan sjå det i levande live på Søyabanen, Vang og Svissholmen.

I underkant av to måneder før avspark er Søyacupen lørdag 26. august nå tilnærmet fullbooket. Med plass til ca 75 lag, så har klubben nå de siste dagene fått inn de siste påmeldingene og kan nok en gang konstatere at dette er en av regionens største cuper.

Søndag 9. juli kjem Jo Sverre Sande til Svinviks arboret for å halde konsert. Rindalingen har markert seg skikkeleg i musikkmiljøet dei siste åra, og var sist i Todalen som deltakar på låtskrivarseminaret på Todalshytta og deltok i den samanheng på konserten Raus 2017. No er han altså aktuell med eigen konsert i arboretet søndag kveld kl 18.00.

Finvêret har vist seg i det siste og vi er inne i sommarferiemånaden juli, som betyr at vi skal kåre vinnaren av månadens bilete for juni. Nedanfor finn du kandidatane vi har plukka ut denne månaden. Du kan stemma ein gong i døgnet (kvar 24. time) fram til fredag kveld.

Seniorlaget til Todalen I.L. er ikkje med i serien, men har det artig med fotball likevel. Til helga skal dei til Bøfjorden for å forsvare Todalens æra under Bøfjordhelga. Vi reknar med å ta alle 3 poenga under denne kampen, skøyar fotballsjef Knut Bergli når vi snakka med han i dag.

Todalshytta melder om at det denne veka blir balldag på onsdag.  Dette på grunn av at balldagen kolliderer med eit anna arrangement på Todalshytta denne tysdagen, melder Eric Malling som er vertskap på Todalshytta.  Onsdag blir balldagen til vanleg tid – frå kl 14.00 til kl 17.00.

Surnadal Sparebank har lange tradisjonar med å støtte lag og foreninger økonomisk, både i form av gavetildeling og sponsing. Dette mangfoldet ønsker dei no å vise fram når dei laurdag 2. september skal feire sin 175 årsdag på Skei.

På Todalsdagen var det full fart med fotball på 5 banar heile dagen – stor stemning var det og det er vanskeleg å skjønne korleis kreften strakk til for alle smårollingane som spela mange kampar i løpte av dagen og likevel hadde krefter til å delta på MiniRæta og til å kjøre trøbil rundt omkring på Bordholmen når dei hadde fri mellom kampane.

Med knappe 86 betalande deltakarar vart det unggut og todaling Erik Kårvatn som vart den sterkaste i det vi no kan kalle tradisjonsløpet Ræta Opp. Erik låg på andreplass fram til siste kneika opp Reita, men «fekk» leiinga etter at leiande Kevin Anders Brusethaug sprang litt feil i traseen og tapte verdifull tid.