Vi fann 55 artiklar i dette arkivet.
Sanitetskvinnene – det vil seie dei 7 sanitetsforeningane i Rindal, Halsa og Surnadal har teke initiativet til gratis vaksinering av avgangselevane ved Surnadal vidaregåande Skole. Dei har fått med seg næringslivet som sponsorar og blar opp 45.000 til gratis vaksinering mot smittsam hjernehinnebetennelse. I år er det 111 elevar som kan bli vaksinert, dersom dei tek i mot tilbodet.
Det var det klåre budskapet til den nyvalde leiaren i Noregs Mållag, Magnar Aasbrenn under dagens språkstafett på Kløverstua. Det var Surnadal heimbygdlag som sto for arrangementet, og leiar Trygve Roaldset sa seg enig i at vi må auke fokuset på nynorsk som «vårt» språk også her på Nordmøre. Dialekta vår ligg så tett opptil nynorsk, at dette ikke bør vera argument for ikkje å ønske auka bruk av denne målforma.
«Strikking» er tema for møtet i Indre Nordmøre Senioruniversitet onsdag 23.november på kulturhuset i Surnadal. Møtet er som vanleg ope for alle, og styret ser gjerne at folk stiller i lusekofta eller strikkatrøya!
Onsdag 30. november inviterer Tordenskjold songlag til førjulskveld i Todalen Ungdomshus. Dei tykkjer det er stas å ha konserter uti smågrendene, skriv leiar i koret Elsa Kvande i ein epost. -Og denne gong med eit besøk i Todalen.
Etter værmeldinga har det vore varsel om høg vasstand i dag, med 50 cm over normal vasstand her på Indre Nordmøre. Men det vart slett ingen rekord, sjølv om det etter kvart vart mykje vatn
Like sikkert som at det er berre eit par veker til advent, så inviterer Todalen historielag til bokslepp for sitt nye årsskrift komande laurdag kl 14.00. Det nye årsskriftet er nummer 16 i rekkja, og som vanleg er det mykje godt og historisk stoff som blir presentert i det nye årsskriftet, fortel leiar John Moe til Todalen.no.
Brukar vi ostehøvelen på forsvarsbudsjettet år etter år, til det ikkje er noko igjen – eller går vi mot avvikling av det nasjonale forsvaret av Noreg? Dette var sentrale spørsmål som Lars Myraune stilla da han heldt foredrag for eit lydhørt publikum i Svorkasalen måndag kveld. Det var Indre Nordmøre Forsvarsforening som var arrangør og som hadde skaffa seg presidenten i Norges Forsvarforening, Lars Myraune, som foredragshaldar.
Svein Sæter vil fortelje historia om ein av Noregs ukjende heltar og samfunnsbyggjarar på kulturhuset onsdag kl.11. Han har nyleg kome med ei bok om Einar Sverdrup (1895–1942); direktør for Store Norske Spitsbergen Kulkompani. Gruvene ved Longyearbyen – og byen sjølv – blei livsverket hans. Ingenting kunne stanse Einar Sverdrup. Familien var full av framståande politikarar, prestar, polfararar, poetar og pressemenn.
Ved Kårvatn Fjellutstyr inviteres det til vintersal til neste helg – salet startar laurdag 19. og varer til og med tysdag 22. november. Da er det duka for å gjera ein skikkeleg godhandel med opptil 70 % rabatt. Det blir gode tilbod på utgåtte skimodellar, soveposer, klær, fjellsko, stavar, skredutstyr, dunjakkar og mykje meir.
Sveen Auto har vore i det festglade hjørnet dei siste dagane. Det har vore 70-årsdag som har stått i fokus, og dei har feira at det er 70 år sia Anders Sveen starta bilverkstad bortpå Syltøran. Den spede start skjedde i ei tyskerbrakke, og var nok primitiv i samanlikning med dagens sals- og verkstadlokaler.
Posten har oppgradert avdelinga for Post i butikk på Matkroken Todalen, meir tidsriktig og praktisk innreiing som gjer det meir praktisk og lettvint for oss som jobbar i butikken, fortel hndelsmann Nordvik som viser fram det den nye postkroken og det nye utstyret dei har fått for å betjene kundane.
Laurdag ettermiddag markerte Start 4H at det var sesongslutt og tid for mønstring til haustfest. Start 4H hadde i år rigga til haustfest i Skulstuå (Gammelskulen), og det hadde dei gjort for å få vise fram det nye klubbrommet som dei har jobba med det siste året. Heile gjengen har nemleg klubbrommet som 4H-oppgåve og […]