Vi fann 62 artiklar i dette arkivet.
Måndag 2. mai frå kl 18.00 og utover blir det kyrkjegardsdugnad ved Todalen kyrkjegard, melder soknerådet. Det oppfordrar folk til å bli med og rydde opp etter vinteren. Ta med høveleg redskap som trillebåre, rive, spett og spade. Sjølvsagt blir det kaffepause og dugnadskaffe.
I Nilsstua på Husby har dei fått ein litt uvanleg gjest på stabburstaket, fortel Gudmund Husby. Nærast mit oppå mønet på stabburet, god skjult i lyngen og graset som veks på taket har nemleg ei grågås bygd reir og det har etter kvart vorte 5 egg i reiret. No ligg ho og rugar på andre veka, og om 2-3 veker kjem det nok 5 nye «husbygardingar» til verda.
Søndag første mai går startskottet for Stikk UT! 2016. Friluftsrådet Nordmøre og Romsdal melder om stor pågang og interesse for årets Stikk UT!
Onsdag 4. mai inviterer elevar og tilsette ved Todalen Oppvekstsenter til 10- kaffe på skulen. Her blir det underhaldning, quiz, servering av kaffe og kaffebrød og anledning til ei omvisning både på skulen og i barnehagen.
I forbindelse med eit felles prosjekt mellom Surnadal kommune og Rindal og Surnadal kyrkjelege fellesråd har det i går og i dag vore arrangert eit felles fagseminar for ansatte i kyrkja, kommunens helse- og omsorgstjeneste og andre interesserte rundt temaet døden. Samhandling på siste vakt heiter prosjektet og i store linjer handler det om kva […]
Surnadal Røde Kors sitt tidlegare omtala loppemarked førstkommande laurdag er desverre utsett på ubestemt tid grunna for lite innkomne lopper for salg.
I fint og godt vårver starta Stavganggruppa sesongen i Svinvika torsdag 28.april. Heile 35 ivrige stavgangarar var møtt fram. «Godt folk har godt ver!» vart det sagt.
Ved Hageland i Surnadal prisa dem finvêret med å lage trailersalg av hagemøblar utafor butikken fram til helga, og det var populært. Det er unike prøvemøblar som blir selt på denne måten, fortalte dagleg leiar May Britt Dyrli da vi var innom ein snartur.
Søndag 1. mai arrangerer Solvor L Øyen og Inga Husby demoparty for ulike produkt dei sel. Solvor er vel kjent for dei fleste med sine Tupperwareprodukt, medan Inga kanskje ikkje er riktig så kjent for sine salgsvarer. Ho er no forhandlar for produkt innan velvære, fitness og kosmetikk i kjeda Forever Living.
No har russen i Surnadal alt klart for russefeiringa som startar med «dåp» utanfor Kulturhuset laurdag. Da får ordførar Lilly Gunn Nyheim æra av å vere «prest». Surnadal Sparebank er hovedsponsor for russen, og onsdag etter skuletid inviterte dei russen til treff i banken.
Det var nok mang ein nordvikgarding som spekulerte på kva som skjedde i Myra på Nordvik i dag tidleg. Eit oppbud av politi og politibilar er ikkje kvardagskost på Nordvik, sjølv om dei har sin eigen Per Politi. Men det var nok heilt utan dramatikk i dag, for det var lokalt politi som deltok i kurs, fortalte Steinar Lervik som var kursleiar for lokale polititjenestemenn frå Nordmøre.
Eg er Åse Toril, og etter å ha vore ein Holten heile livet, vart eg ein Krågsrud i fjor. Det er no 34 år sidan mor ein kald januardag satt på med Solveig Kjølstad med drosje opp til Orkanger sjukehus. Nokre dagar seinare byrja eg på ein storsver barndom heime i Jarbakken på Kvendsetgarden, saman med May-Elisabeth, Tor og storebror Erik.