Vi fann 56 artiklar i dette arkivet.
I løpet av ei veke er det godt med besøk på Hett og Svett. Mondagskveldane er det garantert å treffe folk der, for då er ein gjeng velvaksne karar oppmøtt for å få fart på blodpumpa, og ha det litt artigt i lag. Terje Nordvik er primus motor, og har naturleg vis ikkje skofta ein einaste gong!
Lysløypa på Tjønnmyran er klar til bruk, melder Ståle Ansnes i driftsstyret for anlegg i Todalen idrettslag. I ettermiddag er traseen køyrt opp, så no er det berre å spenne på skiene og sette igang. Det er enkelte plassar litt lite snø, men etter kvart som vi får meir «påfyll» det komande døgnet så vi det bli fine forhold, seier Ansnes.
Det er nok mange som har venta på snø og skiføre. I går kveld og i natt kom det første snøfallet i det nye året. 15-20 cm nysnø kan vi skilte med, og meir er i vente utover ettermiddagen og kanskje mest til kvelden og natta etter vêrmelding på yr.no.
Det var stor stas da Talgø/MøreTre fredag kveld vart kåra til årets leverandør hos Optimera/Montèr-kjeden som denne helga har byggvaremesse på Gardermoen. Det var salssjef Bjørn Hauglann og marketingsjef Heid Snekvik som tok i mot den prestisjetunge prisen på ei tilstelling på gardermoen fredag kveld.
Todalen historielag inviterer til den tradisjonelle og populære ettermiddagskaffen søndag 24. januar. Det skjer i Todalen ungdomshus frå kl 14.00 og utover dagen. Tema for ettermiddagskaffen denne gongen er «Du skal ikkje tru alt du ser!», og det er Einar Oterholm frå Halsa, som kjem til ungdomshuset med sitt kåseri denne ettermiddagen.
Då er tida kome for å stemma fram det beste bilete for 2015. No er det straks seks år siden vi starta med å stemma fram månadens bilete, og seks og eit halvt år siden vi byrja å leggja ut bilete vi får inn dagleg. Det betyr at vi no har eit arkiv på meir enn 2300 bilete.
Todalen sokneråde har programmet klart for vinteren og våren 2016. Det startar med høgmesse i Todalen kyrkje søndag 24. januar, men høgdepunkta i programmet er nok friluftsgudstenesta på Haugligardane 2. påskedag og konfirmasjonsgudstenesta på frigjeringsdagen 8. mai. Heile programmet kan du laste ned som PDF-dokument her.
Torsdag var det aktivitetsdag for elevane ved Todalen oppvekstsenter på Bordholmen. Gradstokken viste minus ti grader, men heldigvis var det vindstille. Det vart nok kaldt for både tær og fingrar, men det såg ikkje ut til å legge nokon dempar på aktiviteten. Klubbhuset var ope slik at deg gjekk an å gå inn for å […]
Under Surnadal Sparebanks Næringslivsdag i dag, vart Lars Løseth tildelt bankens Utviklingspris. Med det mottok han ein sjekk på 25.000, penger han straks ga viare til fotballen i Surnadal og til Todalen Sanitetsforening, skriv Trollheimsporten på nettsida si no.
Leiar i Todalen Sanitetsforening, Maren Ansnes blir stille i telefonen når ho får beskjeden.
I april gjorde SNO uttak av ein skadejerv i nærleiken av Todalen. No har dei fått analysert alle Dna-spor som er henta inn i form av skit, hår, vev etc og da viser det seg at dei har samla prøvar frå eit vidt område for denne jerven som har følgjande identitet i SNOs ruller: JI403047, Ind 3521. På kartet kan du sjå kvar dna-spora er registrert.
Måndag kveld var det full rulle på isen som er anlagt på Bordholmen. Den vanlege balleiken for dei minste i bygda vart av erstatta av skøyteløp og ishockeykamp. Nesten eit trettitals ungar, foreldre og besteforeldre møtte opp for ein runde på isen. Nokon for alle første gong, medan nokon var som veteranar å rekne etter dei hadde benytta isen i helga.
Årets siste bilete blei årets siste vinnar av månadens bilete, og vi kan gratulere Ingri Bruset med nok ein pris. Vi gratulerer og lovar at premien blir overbragt ved første anledning. Dette betyr at vi har funne alle kandidatene til årets bilete 2015, og vi setter i gong avstemninga allereie i morgen, onsdag!