Arkiv for april, 2013

Nordvik grendalag har planane klare for våraktivitetane. Dei startar med å rydde etter vinteren, og arrangerer vårdugnad onsdag 8. mai kl 18.30. Det skjer på Øygarden, leikeplassen og inne i forsamlingshuset. Der blir du oppfordra til å ta med høveleg redskap eller vaskebøtte. Vidare arrangerer laget befaring til setra for å finne plass til ny høyløe og for å finne trase til ny tursti. Det skjer torsdag 23. mai, med start kl 18.30

I Hageland Surnadal er det travle dager, og no er sommarblomstrande på veg inn, fortel Ingeborg Langan Børset som er butikksjef i hagesentret. Det er nok enno litt tidleg å plante ut enkelte typar sommarblomster, men stemor og fiolar tåler faktisk litt kulde, seier ho. Det nye hagesentret er ope kvar dag, også 1. mai og 9. mai, som er raude dagar på kalenderen. Da er det opningstida for søndagar som gjelder, altså frå kl 12-17.

Når det står att ei natt i april kan vi sjå av statistikken frå Småhjellan at det har vore 16 frostnetter så langt i april. Yr.no spår minimumstemperatur på 4 grader komande natt, så vi kan forhåpentleg vis slå strek der for april. Men etter meldingane vil den kalde våren fortsette, og det blir kanskje frostnatt alt natt til 1. mai. Frå 1990 er det 7 år der april har hatt fleire frostnetter enn i år. Flest i 1995 og 1997 med 20. Færrest frostnetter i 2003 og 2011 med 3 stk.

Søndag var det konfirmasjonsgudsteneste i Todalen kyrkje, og 4 gutar tok denne dagen steget inn i dei vaksnes rekkjer. Det var sokneprest Bernt Venås som heldt konfirmasjonsgudstenesta, og konfirmantane fikk i beste meining med seg nokre formaningar inn i framtida gjennom preika.

Kan du tenkje deg 17. mai uten musikkorps? Dei siste åra har eit lite, men entusiastisk korps spela marsjar i 17. mai-toget i Todalen. I år er det mange som nyttar langhelga til å reise bort, og korpset har per dags dato ikkje nok folk til å spela i toget! Vi håpar difor du som tidlegare korpsmedlem, eller som har spela i korps, stiller opp for å bli med og hjelpe oss?

Todalen Båtforening minner om årsmøte, som avholdes på Pakkhuset Pub på Todalsøra, Mandag 29. april kl 20:00.
Det er ordinære årsmøtesaker som skal behandles. Alle medlemmer skal ha mottatt skriftlig innkalling, som også er vedlagt.

Stavganggruppa i Surnadal Pensjonistlag starta sesongen torsdag 25. april. Første marsjen var lagt til Ansnesgarden og Vorpneset i Todalen. Vi parkerte bilane ved Ansnessaga, som ligg eit par km utafor Todalsøra. Herifrå kunne vi sjå Holmen, truleg eldste husmannsplassen i Todalen.

Det er Jenny (Kjølstad) Stensby som lurer på det. Det er eit bilete som er teke på Sandstadtroppa, og skriv seg frå sommaren 1966. Det er Jenny som sitt i midten, men dei to «drekern» på kvar side er det ingen som kjenner att! Dei har strikkajakke i same farge og mønster, noko som tyder på at dei er søsken. Det er Lisa Sæther som har teke biletet.

Ein snartur rundt bygda i kveldinga gav full uttelling for mange tradisjonelle vårtegn. Folk er i full gang med våroppussing rundt hus og i hage, og ungane syklar nogen lunde tørrskodde, i allefall etter vegen. Brannmanskapet var ute med slangane sine for den årlege spylinga av asfalten utanfor Matkroken og Talgø.

I samband med stortingsvalet 9. september, skal det og avviklast soknerådsval. Fristen for å nominere kandidatar til soknerådsvalet er 1. mai, og no hastar det dersom du har forslag til kandidatar som du vil nominere. Det er Sokneråda i Todalen og Stangvik som minner om dette.

Steinar Gjeldnes er denne veka på utplassering på Matkroken L. Hals i Todalen. Steinar går i 9. klasse på Surnadal ungdomsskule, og da høyrer det med i pensum å få prøve seg litt i yrkeslivet. Steinar fekk koma til Halsbua, og da vi trefte på han satt han i kassa og ekspederte kundar. Og Steinar var allereie ein rutinert kassaoperatør og heldt godt styr på vareflyten.

Surnadal kvinnekraftverk arrangerte tirsdag kveld ei av sine samlingar på Gammelfabrikken i Todalen. Surnadal kvinnekraftverk vart etablert i 2009, og har som formål å skape eit nettverk for kvinner i Surnadal. Nettverket satsar på kompetanseheving og synliggjering av dei mange ressurssterke kvinnene som bur i kommunen.