Arkiv for oktober, 2010

Onsdag var det skulekonsert, og da fekk vi besøk av to felespelande damer på skulen. Dei spela så busta fauk og sjarmerte publikum. Elevane var både med å klappa, song og dansa, så dei sjarmerte musikarane! Det vart ei kjempefin musikkstund i hallen. Musikarane heiter Julie Alapnes Normann og Marie Fårr Klåpbakken, dei spelar både tradisjonsmusikk og eigenkomponert musikk. Og dei viste at dei er opne for nye impulsar ved å spele ein låt av Michael Jackson

Så har vi fått eit nytt medlem igjan! Denne gongen er det Skogkompaniet As som er komne med som medlem i Todalen.no. Akkurat no har dei forresten oppdrag i Todalen, da dei ryddar skog i området oppi Falla der det foreligg planer for Todalsparken. Der blir ei skogsryddarmaskin og ein lastbærar i aksjon denne veka og litt ut i neste veke, fortel dagleg ledar i Skogkompaniet Kristen Bruset.

Ei prosjektgruppe som arbeider med planer for å bevare Gammelskulen og utvikle den til eit lokalhistorisk og fleirkulturelt senter, ynskjer å invitere alle som er interesserte til å ta del i prosjektet som tek sikte på å:
· Ta vare på og vise den rike bygdekulturen vi har
· Ta vare på og vise det fleirkulturelle mangfaldet vi har i kommunen

I morgen kveld kjem Folkeakademiet i Surnadal til Sanitetshuset for å prøve å samle alle innvandrarane som bur i Todalen. Dette er eit landsomfattande satsningsområde som også lokallaget i Surnadal er med på. Dei har slike treff jamnleg i Surnadal sentrum, og ønsker no å sjå om dei kan få til noko her i Todalen også.

No er det kome på plass nye trimbøker på alle postane til Trimgruppa i T.I.L. Dei gamle bøkene er tekne inn for oppteljing av resultatet, og det vil nok etter kvart bli premiering av dei som har flest besøk, eller som blir trekte ut som vinnarar. Dei nye trimbøkene blir no liggjande i trimkassane heilt fram til hausten 2011. Du har altså høve til å registrere trimturar eit heilt år, når det passar deg sjølv.

Surnadal idrettshall var fylt til siste plass laurdag, da Surnadal Sparebanks «Store Korslag» gikk av stabelen. 7 kor med over 200 deltakarar var med og gjorde arrangemnentet til ein suksess som imponerte dei mange publikummarane. Kora kjempa om fleire gjeve prisar. Men den gjevaste av alle var nok publikumsprisen, og her var det Åsskardkoret som trekte det lengste strået.

Kultmakarkvelden i Ungdomshuset er ei vidareføring av fjorårets lygarkveld, og arrangøren som er fotballgruppa i TIL byr byr på eksotiske rettar frå Thailand og innslag frå utanbygds «artikalla». Bernt Vatten frå Halsa, samt Arne og Lars Landsem frå Rindal kjem for å ta del i programmet på kultmakarkvelden. bernt Vatten er kjent for sine gode og lune historier, og Arne og Lars Landsem er nok mest kjent for sin aktive deltaking i revymiljøet i Rindal gjennom ei årrekkje.

Fredag var det bygging av rekkverk rundt inntaksdammen til Råssåfoss Kraft i Kvendsetdalen. På den måten kan ein på ein tryggare måte ta ein titt på dammen og anlegget rundt, spesielt no når vi går ei glattare og kaldare årstid i møte.

Undersøkelsen «Ung i Møre og Romsdal» viser at over halvparten av de spurte elevene ønsker seg en fremtid i hjemfylket. Magasinet «Spor» (Møre og Romsdal fylkeskommune) har spurt tre mastergradstudenter fra Møre og Romsdal om hvilke muligheter de ser for seg her hjemme. En av disse er Therese Talgø fra Todalen, som studerer ved BI i Oslo.

Då er september historie, og det er på tide å kåra månadens bilete for september. Sjølv med låge temperaturar er det tydeleg frå bileta vi har fått at mange fikk tatt seg ein tur på fjellet også denne månaden.

I helga, nærare bestemt laurdag kveld er det duka for ein av de største kulturelle begivenhetene på Nordmøre, etter kva banksjef Allan Troelsen skriv i ei pressemelding. Då arrangerer Surnadal Sparebank ei stor kortevling fro heile kommunen. Banken går i bresjen for dette arrangementet frå start til slutt, eit arrangement som har skapa eit utruleg engasjement i heile kommunen.

Siste kilmometeren fram mot Kårvatn har dei siste vekene vore prega av oppgradering. Her har kommunen rydda veggrøftene, heva vegen og hatt i nokre nye stikkrenner. Ein møteplass har og vorte oppjustert. Også noko av områda breidda med vegen på begge sider har vorte fiffa på med hogst av kratt og planering.