Vi fann 7235 artiklar i dette arkivet.
Det er Nordmøre Forsvarsforening som står attafor Krigsminnemuseet på Åsen. Dei har tilhald i den gamle skulebygninga på Eidet, som nok har sett sine beste dagar – det er faktisk berre så vidt at dei enkle vindua held nordvesten og regnvêret ute. Laurdag arrangerte foreninga den årlege dugnaden, og da var det tid for å flikke på den gamle skulebygninga – både utvendig og innvendig.
Denne veka gjekk stavgangturen til Bæverdalen og til Svorka. På grunn av Kristi himmelfartsdag på torsdag, var turen denne veka framskunda til onsdag, og det var vi nok heldige med reint vêrvmessig. Det vart ein fin tur til ein fin plass, og sjølvsagt kosa vi oss med kafferast før vi igjen tok på heimtur.
Det er Trollheimen Fjellsportklubbsom står som arrangør og starten går torsdag 5. juni kl 18:00, frå Forsamlingshuset på Nordvik. Løypa er i underkant av 3 km, og går etter vegen opp til inntaket for kraftverket.
I Halanesset, frå Stormyrhaugen og utover til Skrøå er det stor tømmerdrift i regia av Allskog og Sollid Skog AS. Dagleg leiar Bjørn Kåre Sollid fortel at det tilsaman er 2.600 m3 med grantømmer som skal sages ned og fraktes fram til veg. – Vi har ei utfordring med tømmerdrift i dette terrenget, og det gjeld både hantering av vatnet og med tanke på kor brattlendt det er. Vi ser det i ettertid at det kanskje skulla vore vinsja fram herfra.
I dag har vi observert to slåttakarra. Ola Kvendset er i gang med siloslåtten og han fortel at 1.-slåtten er «midt i laget» når det gjeld mengde. Den kalde vêrtypen vi har hatt i kombinasjon med mykje reg har gjort at graset ikkje er tidleg ute. No treng vi varme dersom vi skal få god grasvokster og gode avlingar.
«Hett & Svett» er treningsstudioet til Todalen Idrettsla. Det ligg i lokala som tidlegare vart bruka til bensinstasjon først og seinare vart det postkontor der til det vart opna post i butikk. No er lokala rusta opp og blir altså bruka til treningsstudio for Todalen ILs medlemar. I dag kom det ny romaskin på plass, samt 2 benkar som er bruka til styrketrening.
På Hageland byr dei på mykje blomster denne helgen – aldri før har vi hatt så stort utval i sommarblomster, seier Hubertine Roebroke som er gartnar på hagesenteret i Surnadal. – Pizza blir det og, for både torsdag og fredag vil Kjell Arve fyre opp pizzaomnen og servere steinomnbakt pizza til kundane.
Todalen sanitetsforening har mange jarn i elden – i dag promoterte dei seg på beredskapsdagen på Skei, medan andre stod på med lunsjservering i Sanitetshuset. Dei hadde invitert heim den vaksne garde i todalen og dermed vart det nærare førte personar rundt bordet i dei nyoppussa lokala i Sanitetshuset.
Denne tysdagen stod i beredskapens tegn – Sivilforsvaret i Kristiansund ba seg heim til Surnadal for å vise kva dei står for. Leiar i LIA1 (Lokal Innsats Avdeling 1) frå Kristiansund, Svein Kringstad fortalte at dei i Kristiansund har 4 avdelingar og ca 100 personar i Sivilforsvaret. Ein del avb mannskapet er frivillige, medan nokre er utnevnt til slik teneste. No er dei litt rundt omkring for å vise seg fram, og for å informere litt om kva dei driv med. Folk har faktisk levd i den trua at Sivilforsvaret er eit byfenomen, men slik ar det ikkje lenger – vi må bidra der det er behov, seier Svein kringstad.
Dei siste dagane har familien Shade frå Michigan vore på gamle tomter i Todalen. Med Todalshytta som base og Ragnar Halle som kjentmann og omvisar har dei vore rundt og gjort seg kjent i Todalen. Mellom anna har dei vore innom Talgøtrøa, som er staden som Talgøyfamilien tok avskjed med da dei flytta til Eide. Bestefaren til Gregory, var fødd i 1877 i TalgøTrøa, og reiste vidare frå Eide til Michiganområdet i 1903 – da var han 26 år gamal.
Denne veka gjekk stavgangturen til Stangvika, med start frå Svissholmen og fottur vidare til Bøkeskogen. Vi var heldige som fekk med oss lokal guide som kjente godt til historia om Bøkeskogen og som var lokalkjent i terrenget. Denne dagen var vi 20 deltakarar på stavgangen – neste veke går stavgangturen til Svorka, og da er turen flytta til ONSDAG 28. mai – med start til same tid kl 11:00.
S-Nett minner om planlagt straumutfall på grunn av arbeid på nettet natt til måndag. Det skjer frå søndag 25. mai kl 23:00 til måndag 26. mai kl 06:00. Området som blir berørt er frå Surnadal og mot Todalen og Kvanne/Stangvika.