Forfattararkiv for

Midt i førebuinga til Solfesta vart det stopp i vassforsyninga til Ungdomshuset. Da var gode råd dyre, men med hjelp av handtverkar og rørleggar var den frosne vassrøra tina laurdag ettermiddag. Så da kan Solfesta gå som planlagt laurdag kveld.

Debatten omkring tunnel gjennom fjellet eller bru over Todalsfjorden har gått i media dei siste dagane. Det var Ola Hals frå Ålvundfjord som hadde samla eit hundretall underskrifter og laga eit mediasirkus rundt det. Han er nok litt seint ute med innspel i ein debatt som egentleg er avslutta for fleire år sidan.

Takk til alle som har ytt bidrag til «Dagens bilete» heilt frå starten av. Vi har fått veldig mange fine bilete som vi har presentertert, og det håpar vi på å få i fortsettinga også! Det har vore fine naturbilete, mest fjellmotiv som har dominert i spalta vår i denne perioden. Vi håper at vi også kan få inn meir av andre motiv i tida framover

I disse OL-tider er det vel mest fokus på det som skjer i Vancouver, men vi tok likevel ein tur rundt bygda for å «ta pulsen». I den kalde vinden og med fleire kuldegrader i aksjon, trefte vi fleire godt påkledde sambygdinger som dreiv med eit eller anna.

Den siste tida har elevane i dei eldste klassane hatt temaet «luft i rørsle» i naturfag. Sist torsdag var det klart til forsøk med å lage varmluftsballong i lag med Randi. Etter mange ulike modellar og forsøk vart det endeleg suksess – berre sjå på bileta. Trur det er første gongen det har sveva heimelaga […]

No er det vinterferie for elvane ved Todalen oppvekstsenter, men dagane førut var travle:
Onsdag 10.februar laga elevane fastelavnsris i lag med Todalen sanitetsforeining – dugnad! Stor innsats og flotte bukettar .
Onsdag 17.februar hadde Frode og Åshild frå idrettslaget skitrening i midttimen: Teknikktrening, ulile leikar og stafett – skikkeleg kjekt! Til slutt smaka det godt med saft.

Rektor Dordi Jorunn Halle fortel at dei har funne ei nøkkelhonk i snøen på skuleområdet i dag. Det ser ut som det er husnøklar + diverse. Ta kontakt med Todalen oppvekstsenter så får du dei att.

Eldremiddagen i Todalen var onsdag samla til årsmøte og «feittysdag» i Sanitetshuset. Dei er ein trufast gjeng som samlast her kvar onsdag utanom ferietida, og jul- og påskeferien. Da serveres god og variert husmannskost og dette er organisert etter sjølvkostprinsippet, og da serveres det 3-retters middag for 75 kroner. Når det er luksusmiddag som kjøtt og påsse og julemiddag kostar det 100 kroner, fortel det nyvalde styret i eldremiddagen Anne Moe (ledar), Brit Nordvik (styremedlem) og Martinus Torvik (sekretær og kasserar) til Todalen.no.

På oppfordring fekk vi Karen Johanne Talgø til å skrive litt omkring tradisjonane med feittysdag. Ho tok oppfordringa på strak arm og her fortel ho om feittysdagsmenyen hos familien i Trondheim og no på Vestrum i Todalen. Ho skriv:

Heilt sidan Svinviktunnelen opna i 2001 har det til stadighet vore problem med løs stein som har rulla ned på vegbanen, til stor fare for trafikken ut frå tunnelen på Svinviksida. For nokre år sia vart det gjort forsøk på å ordne dette, men til inga nytte.

Frå Olav Kvendset, busett i Pope Valley i California, har vi fått helsing via e-post. Han lurar på kva tradisjonar vi har med feittirsdagen, og stiller spørsmålet både til innfødte og utflytta todalingar.
Han skriv:
I går var det fastelavenssøndag, utan at det vart markert noko vesentleg. I morgon er det feittysdag og på onsdag er det oskeonsdag. Kom til å tenkje på at det har vore interessant å vite om todalingar flest markerer feittysdagen. Kanskje Todalen.no kunne ha teke opp spørsmålet?

Laurdag 27. februar kl 20.00 blir det SOLFEST i Todalen ungdomshus.
Det er Todalen idrettslag som står som arrangør, og har denne gongen fått hjelp av deltakarane haustens «Kokkekurs for karra» til å ta ansvaret for maten. Dei tok utfordringa på strak arm, og vil servere eit treretters måltid som ein kanskje ikkje har sett maken til i Todalen ungdomshus tidlegare.