Vi fann 7016 artiklar i dette arkivet.
I gamle dagar var slått langs vegkantane såkalla «kårkaillarbeid». Seinare har det vore Statens vegvesen som har hatt ansvaret for fylkes- og riksvegar, og Surnadal kommune langs kommunevegane. I løpet av den siste veka er det utført kantslått langs fylkesvegane rundt bygda, og det har teke knekken på store mengder med hundkjeks, lupiner og anna vekstar. Kommunevegane derimot, ventar framleis på kantslåtten – og vil nok vente forgjeves i år har vi høyrt rykte om…
Laurdag 2. juli arrangeres årets Todalsdag. Ein av aktivitetane under Todalsdagen er den tradisjonelle loppemarknaden. Derfor er det på tide å begynne å kike seg rundt etter lopper som du kan gi bort. Inntekta frå loppemarknaden går som vanleg til Todalen Idrettslag, og blir delt mellom trimgruppa og fotballgruppa, fortel Borghild Talgø som er «sjefsloppe» […]
Torsdag var det Øygarden i Bæverdalen som var turmål for Stavganggruppa i Surnadal Pensjonistlag. Derifrå var det lagt opp til stavgangtur i retning Grytbakksetra, der det var høve til å henge på så lenge ein ønska. Olav Jostein Holten var kjentmann og guide på turen.
Den gode starten på laksefisket i Toåa fortsetter på andre dagen. Vi har ikkje klart å skaffe full oversikt over fangsttala, men eit 20-tals laksar er nok komne i frysaren etter nok ei prodduktiv natt ved elvekanten. Og laksen ser ut til å fortsette å ta agnet som laksefiskarane har å by på. Det blir rapportert fangstar frå både nedre og øvre del av elva.
Første turen til Todalen og laksestart i Toåa blir nok eit minne for livet for Andreas Lindbek frå Halden. Han har tilhald på Todalshytta, saman med faren Rune og hans kamerat Frank Haugrim. Ved øvre Teindammen stod Andreas og frista laksen med flue og eihands fluestong, da den første laksen hogg seg fast i flua. Laksen var ikkje så stor, men det var den første laksen i Todalen for Andreas – og gleda var stor!
Det er tid for å førebu seg på jaktsesongen i gjen – alt komande måndag startar Søya og Todalen skyttarlag med skyteprøver på lagets skytebane i Ranheimsvingen. Her blir det skyting på måndagskveldar alle måndagskveldar fram til utgangen av august – unnateken måndag 4. juli. Skytinga skjer i tidsromm 18.00 – 20.00
Eit par veker utan nemneverdig nedbør tærer hardt på grasmatta på Bordholmen stadion. Derfor fekk banekomiteen i kveld forsterkningar frå Todalen brannlag for å spe på med litt ekstra vatning.
Allereie første timen kom det fleire laks på land under fiskestarten i Toåa i natt. Det var veldig godt fiske dei første timane og i løpet av natta kom det iallfal 8 laks som vi har fått rapportert – og dei aller fleste er tekne i den øvre delen av elva.
Ved midnatt startar årets elvefiske etter laks og Aure i Toåa. Etter den gode starten på laksefisket i Surna, der fisket starta 1. juni, er det sjølvsagt store forventningar i Toåa også. Eric Malling har opna dørene på Todalshytta for sesongen, og dei første gjestane er sjølvsagt laksefiskarar som skal bu der. Dei siste timane går sakte når du sit og ventar på at klokka skal nå midnatt, men Malling heldt kaffekjelen varm og praten gikk lett – og samtaleemnet var sjølvsagt laksen…
Tysdag kveld når vi når midnatt startar fisket etter laks i Toåa, og varer fram til 15. august. Det er nok mange som er spente på årets laksefiske og som er klare for å kaste ut snøret når laksefisket settes i gang. – Etter den gode starten som har vore i Surna i år, har […]
Laurdag nytta Jon Bruset dagen til Innerdalstur. Sesongen har ikkje starta enno, men fint var det i Innerdalen lell. Med bil til Nerdalen og til fots resten av turen til Innerdalen bar det – og vêret var det ingen ting å utsette på!
På tur nedover til «Prærien» kunne ein i dag observere traktorar med slåmaskin elle ballpresser kring alle ekrer. Håvard Halset, som var først ute i år, starta for eit par dagar sia men no ser det ut for at alle er i aksjon Og det går ikkje an å klage på slåttevêret i allfall… Sjølv om det har […]