Vi fann 7000 artiklar i dette arkivet.
Det har kome mykje snø det siste døgnet, og meir skal det bli, melder vêrvarslinga YR.NO på sine nettsider. For komande døgn meldes det om 30-50 cm snø i Trøndelag og Møre og Romsdal, og lokalt kan det koma meir. Dette er altså ei oppgradering frå gult varsel til orange varsel og går på snømengde.
Det blir nok ein travel dag for brøytemannskapa i Todalen Mjølk i dag. Da vi var ute for å treffe dem var snøvêret i gang, og meldingane på yr.no fortel om gult faresignal og kraftig snøfokk utover formiddagen og fram til tidleg morgon på nyttårsaften. Todalen Mjølk har 4 traktorar ute på morgonkvisten i dag, og dei rekna med at det vart fullt kjør heile det neste døgnet.
Yr.no melder om «mykje vêr» rundt komande nyttårshelg. Vi har allereie i dag fått ein forsmak med mykje vind, regn og sludd . Og meir skal det bli – det vil fortsette med meir regn, som etter kvart går over i sludd og snø frå måndag 30. desember. Det er sågar gult farevarsel for snø.
Nyttårsaftan – tysdag 31. desember – blir det nyttårsmesse i Todalen kyrkje kl 16:00. Liturg er prost Vidar Wilhelmsen Rygh, og organist Amund Valde. Takkoffer går denne dagen til misjonsprosjektet i Etiopia. Salmane som blir bruka under gudstenesta på nyttårsaftan er : 1, 456.2, 835, 322 og 86 Velkomen til årets siste gudsteneste!
Todalen IL fekk skikkeleg respons på den tradisjonelle Romjulsmarsjen som var arrangert 3. juledag. Rundt 170 deltakarar mønstra på arrangementet og tok turen rundt bygda i dag. Trimgruppa lokka med serveing av gløgg og saft på meldestasjonen på Bruset og jammen vart det trøkk der ja, med rundt 170 og reknar vi med 9 hundar og ein hest som også var med så tangerer vi rekorden som vart sett for nokre år sia.
Framleis ledige billettar for framsyning av 80-årsdagen til Alf Ramsøy, på Surnadal kulturhus 3. juledag, 27.desember, kl.16.00. Det er Skulstua i Todalen som inviterer til filmframsyning i Kammerset
Trimgruppa har i travle føremiddagstimer førebudd romjulsmarsjen med servering av gløgg og saft på meldestasjonen på Bruset. Vi tok runden rundt bygda for å sjekke føret, og kan melde at det stort sett er bart og godt føre rundt heile bygda. Nokre få flekkar med litt is, med det kan god brukast vanleg joggesko eller fjellsko på turen rundt bygda. Har du piggsko og stavar så er du iallfall heilt trygg.
I natt og i føremiddag har det regna godt – etter meldingane tyder det på at det regnar heilt til topps, men det eer langt i frå meldt flaumfare enno. Kl 12 i dag var det knappe 20 m3/sek ved målaren oppå Storfossen. Vassføringa har da dobla seg frå kl 09 i dag tidleg, da det passerte knappe 10 m3/sek.
Todalen Idrettslags trimgruppe er tradisjonell arrangør av Romjulsmarsjen 3. juledag (fredag 27. desember), med start mellom 12:00 og 15:00. Som vanleg er det gløggstasjon ved «chekpoint» Bruset, og der får du og ei lita belønning for deltaking – og sjølvsagt høve til å kjøpe lodd i romjulslotteriet som har trekning umiddelbart etter romjulsmarsjen.
For mange er det julegudstenesta i Todalen kyrkje som markerer starten på julefeiringa. Dagens julegudsteneste samla eit knapt hundretal som deltok i ei triveleg og fredfull gudsteneste som ein start på ei fred full julehelg. Det var prost Vidar Wilhelmsen Rygh som som heldt gudstenesta og han hadde med seg Bernt Bøe som organist og Borghild Betten Talgø som tekstlesar.
I dag er det siste trekning for TILs julekalender for 2024 – dermed er det finale for ein stor suksess som har gått over 24 dagar i regi av Todalen Idrettslas trimgruppe. Tilsaman har det vore selt julekalendrar for over 40.000, som gjev eit solid overskot til trimgruppas drift i 2025. T.I.L.’s julekalenderkomite rettar ein stor takk både til dei som har bidrege med nærare 100 kortreiste gevinstar og til dei som har kjøpt over 400 julekalendrar.
På julekalenderlotteriets nest siste dag er det og 5 gevinstar som skal bli forena med nye eigarar. Første gevinst ut i dag er ein flott ullgenser som var trekt ut til Unni Talgø, som bur i Tafjord.