Forfattararkiv for

Torsdag samla Byggmakker både snekkarar, lærlingar og tømrarelevar til fagleg påfyll på Gammelfabrikken i Brusetmarka.  Rundt 50 tømrarelevar frå dei vidaregåande skulane på Nordmøre var invitert til å delta på messa – og dei kom for å få med seg kva som skjer i byggebransjen.  – Viktig at vi får med oss neste generasjon bygningssnekkarar, for det er dei vi skal bygge framtida på, seier Konrad Våbenø, som er «messegeneral » i Byggmakker.

I foajen på ulturhuset sitt det to blide damer som gjerne ser at du stikk innom dem ein tur.  Torill Helgetun og Randi Glærum fortel at dei tek i mot førehandsrøyster til Stortingsvalet, og har alt fått inn 715, og no blir det erfaringsvis fleire for kvar dag som går og valet nærmar seg.

Dei gode værvarsla slo til tirsdag da målet for turen var Svarthatten, grensefjell mellom Rindal og Orkland. Det var ein  lettgått tur i eit  terreng som breia seg ut i all si prakt i godværet, da ein liten reinflokk helsa på oss i den siste skogkanten. Det vart litt  tyngre  opp den siste bratte delen til toppen, men kva gjorde det når belønninga vart den vide utsikta på toppen.

Det var Surnadal kommune og Surnadal storviltvald som tysdag kveld inviterterte jaktinteresserte og andre til viltkveld i kinosalen.  Erling Meisingset og Lars Olav Lund var hyra inn som foredragshaldarar i tillegg til Tore Gjul som heldt i trådane.

Det var nok favoritten som kom først i mål da Trollheimen sykkelklubb arrangerte klubbritt med start på Nordvik og målgang på Kårvatn – ein distanse på 19 km. Håvard Gjeldnes var sjølvsagt storfavoritt, med jammen fekk han kamp heilt til mål av Øystein Møkkelgard som var med og kjempa om førsteplassen – men vart nr 2 med fattige 3 sekund, slått av Håvard Gjeldnes. 

Sia Talgø overtok anlegget til MøreTre i 1997 har det gått berre ein veg, og det er framover. Det har vore gjort til dels store investeringar i perioden etterpå, for å møte krav til standard og ikkje minst krav til volum på royalproduksjonen. Talgø MøreTre har i dag rundt 500 mill. i omsetning og 92 tilsette på anlegget på Syltøran og nokre i Todalen.

Når skodda letta litt på lokket i dag, så fekk vi sjå at vinteren har banka på døra.  Vårt bilde er frå Storfjellet og Grinaren, men det var og nysnø på dei andre toppane, slik som Skjeringfjellet, Snøfjellet og i Kjerringa.  I dag skriv vi 22. august, og det er vel inga bombe at vi får signal om at det går mot ein ny vinter.

Det tegnar til å bli ein bra innspurt på fisket i Toåa i august. Den siste veka (veke 34) er det alt gjort 11 fangstar – 7 laks og 4 sjøaurar.  Dei 11 fiskane har ei gjenomsnittvekt på 2,6 kg, der den største laksen er på 7,0 kg og vart teken ved Steinutgarden i Brusetmarka sist tysdag. 

Sommarfesta for bebuarar og pårørande var planlagt som utendørsarrangement i det stor teltet som foreninga har sponsa, men båd vertilhøve og temperatur var med og bestemte at festa måtte gjennomførast innendørs i kantina på sjukeheimen. men sommerfest skulle det bli, og Surnadal demensforening og helselag svinga seg rundt og arrangerte fest i kantina og med sommarpynt og sommarhattar vart det automatisk sommarstemning i kantina. 

Onsdag starta Pensjonistforbundet Surnadal på «haustsemestret» med det første medlemsmøtet etter ein lang sommarferie. I haust skal dei kjøre ein møteserie der dei vil sett fokus på folkehelsa. Først ute var det Trine Glåmen som var hyra inn som foredragshaldar med tema «Folkehelsa i Surnadal – einsemd påverkar folkehelsa».  

Regnbyger heldt på å stoppe friluftsgudstenesta i arboretet i dag.  Det regna faktisk godt i dag tidleg, men vêrmldinga på yr.no lova at regnvêret skulle gje seg i løpet av føremiddagen. Soknerådet tok difor avgjerda om å kjøre etter plana i Svinviks arboret – og yr.no heldt det dei lova.  Gudstenesta i dag har dei kalla for «Skaparverkets dag», og da må vel arboretet være rett plassen for eit slik arrangement. På agendaen i dag stod det i tillegg til gudsteneste at det skulle være markering av 50-års konfirmantane og i tillegg utdeling av mi kyrkjebok til 4-åringar. 

Det var ingen som kunne truge med å slå Erik Kårvatn på laurdagens Kårvatn Skyrace 2025.  Det var einast vêrgudane som i morgontimane truga heile arrangementet med regn og kald vind. Den 29 km lange løypa vart avlyst, og deltakarane som var påmeld der, 28 i talet, vart overført til 15 km-løypa.  -Det var ikkje forsvarleg å sende folk oppi høgfjellet med slik vind og nedbørsmengd vi opplevde da, seier leiar i arrangørklubben Mette Sæter Ormset.