Vi fann 7000 artiklar i dette arkivet.
Fredag vil vi gjerra ekstra stas på våre kaffegjestar i Kaffekroken. Da blir det bakverk frå Lia gard å få kjøpt til kaffen – ta ein pause og senk skuldrane i Kaffekroken, enten før eller etter handlerunden. Velkomen skal du være helsar damene på Matkroken Todalen.
Sjølv om det enno er to månader til vi skal feire julekveld, så er det iallfall tid for å førebu TIL Trim sin adventkalender. Trimgruppa vidarefører fjorårets populære sal av adventskalendrar, der trekning av kortreiste gevinstar var ein ubetinga suksess. – Den slo så godt an at trimgruppa har bestemt at dei skal køyre same opplegg i år, fortel Sissel Halset Storslett som er leiar i Trimgruppa.
Det lakker og lir mot seinhaust og førjulstid, og det er faktisk tid for å tenkje på julemat og trivelege førjulsselskap med smaking både på det eine og andre. På Todalshytta kjem den første lutefisken på bordet den 8. november som er ein fredagskveld. Sidan vil det gå slag i slag framover mot jul – spesielt spennande vil det bli den 1. november når det inviteres til asiatisk aften med stor breidde i asiatisk mat – det går det faktisk an å gle seg til.
Det er Solli Skog frå Surnadal som har oppdrag for Kristen Bruset, der det skal hoggast eit par tusen kubikk med gran og furu. Litt lauvskog blir det også med i same prosjektet, som dei reknar med vil ta tre veker eller der omkring. Her skal det hoggast eit granfelt ved Vårsetra, og elles frå nederste del av Bjørålia og utover til Korslia mot Storhaugen
I mangel på fysiske bøsseberarar låg det an til nok eit bedrøveleg innsamlingsresultat for Surnadal kommune si deltaking i TV-aksjonen. Dette kan vi gjera noko med, tekte Elinor Bolme , som er leiar i Todalen IL og har «kompetanse» på pengeinsamling. Som tenkt så gjort, og Todalen IL arrangerte eit skikkeleg kaffelag ved gapahuken i Toåa tursti.
I forbindelse med reforhandling av ny leiekontrakt på Bordholmen kallar styret i Todalen IL med dette inn til ekstraordinært årsmøte onsdag 13. november kl 19.00 i Todalen Ungdomshus.
Vi må ikkje la krigsminna gå i gløymeboka, men tvert i mot passe på å ta vare på dei minna vi har – spesielt etter 2. verdskrig som tok slutt for snart 80 år sia. Krigshandlingane i Gaza og i Libanon og ikkje minst i Ukraina viser oss kor skjør freden er, og kor snart gjort det er å fyre opp igjen.
«Surnadal jeger og fiskerforening» står det på eit skilt på veggen på gamle Tellesbø bedehus når du køyrer oppover på nordsida. Men det er slett ikkje noko bedehus, men derimot er det no klubbhus for det som vi til dagleg kallar «jeger & fisk». Og dette er klubbhuset for over 300 medlemar som slett ikkje berre driv med jakt og skyting – visste du forresten at Surnadal jeger og fiskerforening har over 60 damer som medlemar og at styret har 80% kvinnedel?
Arnt Erik Otnes har ein luftig og kald arbeidsplass dei komande vekene – han held til på toppen av stillasjen som er montert rundt tårnet på kyrkja. Han fortel at det har vore lekkasje på deler taket i Tårnet, og no er det altså reparasjon på gang. Arnt Erik har heldt på eit par dagar med å fjerne takplatene, og har avdekt ein omfattande råteskade.
Laurdag kveld tenner vi opp på peisen og lager ein triveleg kosekveld på Todalshytta, seier vertskapet Cristy og Arve Evensen på Todalshytta. Etter ein travel sommarsesong gler dei seg no til å invitere gjestar til ein kosekveld med god mat og drikke.
Eg meiner at dette er det beste produktet vi har laga ever, seier Håkon Solem, som er sekretær og marknadsansvarleg for revyen ARMODgeddon. Revyen skal ha premiere 31. oktober, og neste førestilling er laurdag 2. november.
For eit par veker sia var det ein flott songkveld i Todalen kyrkje, der P17-koret stod som arrangør, og fylte kyrkje med songglade sambygdingar og andre som lika å synge. No er turen komen til Åsskard kyrkje, der det skal være songkveld onsdag kl 19.30.