Vi fann 2741 artiklar i dette arkivet.
Økonomigruppa i IL Søya arrangerer årets store basar med inntekt til alle gruppene i idrettslaget i Myrvang søndag 8. november kl 17.30. Her blir det som tidlegare år også utdelt deltakardiplom til alle spelarar i aldersbestemte klassar frå knøttar, til og med G/J12.
Trimgruppa saman med ski- og friidrettgruppa inviterte i dag bygdafolket til god gammeldags basar med utdeling av trimkrus og deltakarpremiar til så å seie alle ungane i bygda som gjennom både vinter og sommarsesong har delteke på gruppas arrangement. Desverre var det ikkje så alt for imponerande oppmøte, men dei som kom fekk i allefall støtta eit aktivt idrettslag og ikkje minst treft sambygdingane sine.
Laurdag hadde G14 Søya/Todalen/Kvass/Ulvungen si avslutning av ein lang fotballsesong. Dei var samla i Bondehuset i Stangvika, etter at dei fleste av dei tidlegare hadde delteke på IL Surnadal sin BUA-cup med blandalag. I Bondehuset hadde lagledarer og trenarar rigga i stand langbord med servering av både pizza, brus, kaffe og kaker.
Ansvarleg for Todalen bibliotek, Karen Johanne Talgø melder no om at biblioteket endrar dag for utlån. Etter at dametrimmen vart avslutta ser ho at det med fordel bør vere åpent når det er noko som foregår på kveldstid. Derfor blir det no høve til å låne bøker på måndagar framover, siden det da er barneleik for dei minste og litt trafikk på skuleområdet så lell.
Måndag 2. november inviterer Surnadal kommune til åpe møte for alle lag og organisasjonar på kulturhuset. Dette er eit møte der kommunen orienterer om litt forskjellig og dei frammøtte kan nytte anledmninga til å ta opp det dei ønskjer å diskutere eller lurer på.
Surnadal Senterparti avheld sitt årsmøte på Sagatun 19. november. Alle medlemmer er naturleg vis velkomne. Les heile saklista under.
Fotterapaut Olaug Bergem Aspill kjem i neste veke på nok ein runde med fotpleie i Sanitetshuset. Dagane ho vil vera der er mandag 9. november, tirsdag 10. onsdag 11. og eventuelt fredag 13. om det er behov.
I kveld kjem Barneteatret Vårt til Surnadal kulturhus med forestillinga «Konglesugaren».. Då skal Reven og Grisen ut på nye eventyr, og enno er det god plass i storstua. Reven og Grisen er kjent for mange frå Barneteatret Vårt si forestilling Prikkesyken som var ein stor suksess. Med Konglesugeren inviterer Teatret Vårt til eit hyggeleg gjensyn på Surnadal kulturhus i ei varm og humoristisk forestilling til glede for liten og stor.
Vi var så heldige å få invitasjon frå Monika på Rossåa settefiskanlegg til stamfiskhuset ved Bjøråa for å sjå korleis stryking av fisk gjekk føre seg. Vi hadde tidlegare i haust møtt Monika og Bjørnar ved elva. Da var dei på på utkikk etter stamfisk.
Alle elevane på skulen fekk sjå korleis rogn frå holaks og mjølke frå hannlaksen vart stroke ut og blanda saman.
Også i år skal Todalen Sanitetsforening sende med julegaver med neste delegasjon fra Estlandsforeningen som skal ha sin juletur først i desember. I den anledning inviterer de alle andre som har lyst til å bidra også, til å komme med ferdig innpakkede julegaver torsdag 29. oktober mellom klokka 18 og 20 i Sanitetshuset.
Torsdag kveld blir det atter ein gong todalsreklame i sjå på TV. Denne gongen er det TV3 som stiller med fullt mannskap i programet «Eventyrlig oppussing» der oppussingsobjektet er Naustådalssetra eigd av Gudmund Kårvatn. Serien har premiere i morgon kveld klokka 21.45 på TV3 og gir oss innblikk i nokre hektiske dagar på setra tidlegare i sommar. Vi hadde ein reportasje frå Naustådalsetra tidlegare også, i forbindelse med renovering av taket der oppe, med lokale handtverkarar.
Start 4H ynskjer alle velkomne til haustfest i skulen 1.november kl 18.00. Tradisjonen tru vert det utstilling av oppgåver, underhaldning som viser aktiviteten gjennom året og utdeling av merke av representanten frå Møre og Romsdal 4H. Det vert og kaffeslaberas og loddsal.