Vi fann 2202 artiklar i dette arkivet.
Vêrgudane hadde bestemt seg for at det skulle vere mykje regnvêr i går, så Fjellgruppa i Surnadal Pensjonistlag sin planlagde tur til Norskå i Tingvoll kommune vart avlyst. Men da bestemte dei 14 fjellvandrarane seg for å ta ein alternativ tur til Søyådalen, for dei er ikkje «vêrpyser», og tur ville dei ha uansett!
Surnadal Pensjonistlag og Surnadal Eldreråd markerer den internasjonale Eldredagen 2023 i Surnadal kommune med foredrag og middag på Hammerstuene torsdag 5. oktober klokka 13:00.
Stavganggruppa i Surnadal Pensjonistlag inviterer torsdag 21. september klokka 11:00 til stavgangtur frå Skei, over Røssmoen og vidare til Svartvassområdet. Oppmøte ved Coop Extra på Skei klokka 11:00.
Fredag 22. september, mellom klokka 12:00 – 17:00, inviterer Lia gard til ope bakeriutsal. Så da blir det mogleg å sikre seg både grovbakst og noko til kaffekosen til helga. Har du problem med å rekke innom i opningstida, er det berre å ta kontakt med Lia gard for å avtale henting av varer.
I går ettermiddag hadde barne- og ungdomsgruppa i Todalen invitert til lagseriestemne på Bordholmen. Oppmøtet var ikkje det heilt store, men dei som var der fekk ein fin kveld. For etter at sjølve lagseriestemnet var ferdig, kom Sigve og Per Holten på besøk, for å lære bort litt om kulestøyt og diskoskast, to øvingar, få eller ingen av dei frammøtte hadde prøvd før!
Søndag 17. september klokka 17:00 inviterer Barne- og ungdomsgruppa i Todalen Idrettslag til lagseriestemne på Bordholmen stadion. Klokka 18:00 kjem surndalingen Sigve Holten frå, for å lære bort kulestøyt.
I dag hadde Nordmøre Forsvarsforening invitert til open dag ved krigsminnesamlinga på Åsen. Krigsminnesamlinga på Åsen inneheld våpen, militærutstyr og uniformer frå andre verdskrig (1940 – 45), med lokal tilknyting til krigshistoria frå Surnadal kommune.
Tysdag 19. september inviterer Fjellgruppa i Surnadal Pensjonistlag til ny fjelltur, og denne gongen går turen til Tingvoll og Norskå.
Stavganggruppa i Surnadal Pensjonistlag hadde i går stavgangtur til Roparen. – Det var ingen lang tur, men i fint haustver og fin utsikt over nedre Surnadal var dei 24 stvgangarane nøyde med turen, kan Svein Tjelle i Stavganggruppa fortelje.
På ein pressekonferanse no i kveld, kunngjorde Surnadal Senterparti og Surnadal Arbeiderparti at dei er samde om ein intensjonsavtale, som gjer at Hugo Pedersen frå Senterpartiet blir ordførar og Annett Ranes frå Arbeiderpartiet blir varaordførar den komande kommunestyreperioden (2023 – 27).
Sist helg, på tur ned frå Kjerringa og til Todalen Idrettslag si skihytte på Sørfjellet, har Kristoffer mista ein mørkeblå ARC´TERYX hettejakke. Så om nokon dei siste dagane, eller dei komande dagane finn ein slik jakke, så er dette Kristoffer sin.
Kulturavdelinga informerer om at Surnadal kommune gir prosjektstøtte til kulturtiltak. Dette er altså ikkje støtte til det ein reknar som vanleg driftskostnadar, som idrettslaga og andre lag får støtte til gjennom «kulturmidlane», men til enkeltprosjekt som er avgrensa i tid. Dei minner også om fristen for å foreslå kandidatar til fylkeskulturprisen.