Forfattararkiv for

I oktober i fjor vart den nedlagte Todalen skule lagt ut for sal for 1 krone. Todalen Meieri var einaste interessent som ville kjøpe skulen. Etter forhandlingar mellom meieriet og kommunen, har også barnehagebygget blitt ein del av salet. Todalen barnehage vart nedlagt av kommunestyret tidlegare i år, og bygninga blir i dag nytta til bustad for flyktningar. I kommunedirektøren si innstilling til formannskapsmøtet tysdag 7. mai, rår han formannskapet til å gjere vedtak om også å selje barnehagebygget. Prisen for barnehagebygget er etter takst sett til 650.000 kroner. 

Laurdag 18. mai er det sesongopning i Svinviks arboret, og for å gjere arboretet klart til ein ny sesong inviterer arboretet til vårdugnad tysdag 7. mai klokka 18:00. Så vil du vere med å gjere arboretet klart til ein ny sesong med hageglede og opplevingar? Da er det berre å ta turen tysdag! Ta med hanskar og høveleg reiskap, der rive og hagesaks vil vere mest aktuelt under vårdugnaden. 

Det spørsmålet stiller Todalen Idrettslag i ei melding til oss. Bakgrunnen er at 71 fakturaer for medlemskontingent for 2024, som vart utsendt i starten av februar, framleis står som ubetalte. Medlemskontingenten er ei viktig inntekt for Todalen Idrettslag, både direkte og indirekte. Medlemstalet er nemleg grunnlaget for utrekningar og tildelingar av ulike offentlege tilskot, Idrettslaget vil i dagane som kjem sende ut faktura for ubetalt medlemskontingent i posten. 

Frå 1. august i år blir den nye Opplæringslova, som gjeld for grunnskulen og videregåande opplæring gjort gjeldande. I samband med dette skal Surnadal kommune vedta fleire forskrifter før skulestarten i august. Her kan du lese meir om dei ulike utkasta, og om korleis du kan gje innspel på forskriftene. Høyringsfristen er 2. juni. 

Har du, eller nokon du kjenner, lyst til å lære å spele golf? Eller få ein liten «smak» av golfsporten? Da har du sjansen helga 10. – 12. mai, for da inviterer Surnadal Golfklubb til VTG-kurs («Veien Til Golf») på golfbanen på Mo.  

I går kom våren for fullt til Todalen med skikkeleg god temperatur. Dette visste måndagstrimmarane å utnytte, så ti spreke syklistar møtte opp for å vere med på sykkeltrimmen. Det heile starta frå Hallset bru og utover til Ansneset, oppover att på sørsida til hengebrua, over den og via Hallaneset ned att til Matkroken Todalen 

Vårsøghelga opplyser i ei pressemelding no i føremiddag om ei programendring på konserten på Surnadal Billag fredag 24. mai kl 21.00. Eit av medlemmane i bandet «The Young Suffering Ensembla», har fått ei rolle i ein større internasjonal film, så difor må dei informere om at The Young Suffering Ensembla ikkje kjem til årets Vårsøghelg. Årets Vårsøghelg blir arrangert frå torsdag 23. – søndag 26. mai. 

I mai er det mange heilag- og høgtidsdagar. Dette fører til ein del endra opningstider hos Matkroken Todalen, samstundes som butikken er heilt stengt fredag 17. mai.

AR Sjømat AS frå Kristiansund vil måndag 29. april, i tidsrommet 11:00 – 16:30, ha ny salsstand utanfor Matkroken Todalen, der dei vil selje forskjellege fiskeprodukt, reker og fisk. 

I kveld var det årsmøte i Todalen bøgdalag, og knappe 10 medlemmer møtte opp. Årsmeldinga viste at aktiviteten i året som har gått har vore på det jamne, med ryddedugnad, pynting av julegate, litt el-sykkelutleige og behandling av aktuelle saker isom er viktige for Todalen. 

Surnadal Jeger og Fiskerforening (SJFF) arrangerte for første gong jakt- og fiskeskule i 2023. Dei gjentek suksessen frå i fjor, og har i år i tillegg teke med noko, samstundes som innhaldet er betra. Jakt- og fiskeskule (JOFS) er eit fritidstilbod for barn- og ungdom. Tilbodet består av fleire forskjellege aktivitetar som skal bidra til å skape eit levande lokalt miljø.

Styret i Todalen.no kallar inn til årsmøte fredag 10. mai klokka 18:00 i Skulstuå i Todalen. Vanlege årsmøtesaker og utdeling av «Årets bilete». Det blir enkel servering.