Forfattararkiv for

Det er arrangementskomiteen si klare oppfordring, når Surnadal IL og samarbeidsparnaren SpareBank 1  laurdag 22. juni inviterer til den fjerde utgåva av Bankmila. Som tidlegare år er Bankmila delt inn i Minibankmila, som er for barna, trimklasse og tidtakingsklasse. Arrangørane oppfordrar absolutt alle i mils omkrins til å delta på «Stor-roinjt»! Løypa, som har start på Skei og går via Røtet og opp att til målgang på Skei, er rundt 10 kilometer. – Dette er eit heilt gratis lågterskelarrangement og passar for absutt alle, understrekar arrangørane. – Løypa er rask og lett å springe, seier Arne Berset. – Og det er i tillegg verkeleg god folkehelse!, legg Epen Kalkvik til. 

Måndag 13.mai klokka 18:00 inviterer Nordmørsmusea til vårdugnad på Åsen bygdemuseum på Eidet. Museumsområdet skal fliast opp til vår- og sommarsesongen.

Fjellgruppa i Surnadal Pensjonistlag sesongopna med tur til Høgberget i går. Heile 25 spreke turgåarar møtte opp for å vere med på årets første tur. – Av desse var det fleire nye, fortel ein nøgd Kristian Ranes i Fjellgruppa. 

I dag vedtok formannskapet i Surnadal kommune samrøystes at Todalen Meieri AS får kjøpe Todalen skule. Prisen dei må betale er 1 krone. Kommunedirektøren hadde i si innstilling til formannskapet innstilt på at Todalen Meieri AS skulle få kjøpe heile oppvekstsenteret, både skulen og barnehagen for 650.001 kroner, men dette sa altså formannskapet samrøystes nei til. 

Da har vi lagt inn Remidt sin tømmekalender for glass- og metallavfall, restavfall, papir og papp, plast- og matavfall, for mai og juni 2024 inn i aktivitetskalenderen vår her på Todalen.no. Merk at henting av glass- og metallemballasje og plastemballasje blir henta torsdag 16. mai denne gongen! Elles beklagar vi at vi var litt seint ute med å legge inn tømmekalenderen denne gongen! 

AR Sjømat AS frå Averøy vil onsdag 8. mai, i tidsrommet 11:00 – 16:30, ha ny salsstand utanfor Matkroken Todalen, der dei vil selje forskjellege fiskeprodukt, reker og fisk. 

Stavganggtuppa i Surnadal Pensjonistlag starter stavgangsesongen med tur opp til toppen på Glærum onsdag 8. mai klokka 11:00. Parkering ved Kalkstranda, så går turen oppover derifrå.  Denne første gongen blir det altså stavgang på tysdag, men frå og med neste tur, blir turane på torsdagar som tidlegare. Turmål som så langt er bestemt er Haltbakken […]

Fredag 10. mai, mellom klokka 12:00 – 17:00,  inviterer Lia gard til ope bakeriutsal i Lia. Her blir det mogleg å få kjøpt både grovbakst og noko godt til helgakaffen!  

Todalen bøgdalag og Todalen Idrettslag har i år ansvaret for 17. maifeiringa i Todalen. Programmet for Nasjonaldagsfeiringa i Todalen er no klart. Det meste er kjent og kjært, men i år blir det ikkje tog etter kyrkja og ikkje ettermiddagsarrangement. Det heile startar med biltog frå Matkroken Todalen klokka 10:00. Etter biltoget blir det frokost i Todalen ungdomshus klokka 11:00. 

Onsdag 8. mai kan Surnadal kino skilte med to Norgespremierar, når vi får eit gjensyn med den ganske bortskjemte katten Pusur i filmen Pusur-filmen og Kingdom og The Planet of the Apes. Pusur-filmen blir vist klokka 18:00, medan Kingdom of the Planet of the Apes blir vist klokka 20:00  

Styret i Todalen.no kallar inn til årsmøte fredag 10. mai klokka 18:00 i Skulstuå i Todalen. No er saklista til årsmøtet klar, og den kan du sjå nedanfor. Etter at årsmøtesakene er unngagjort, vil vinnar av «Årets bilete» bli offentleggjort. Det blir enkel servering. 

Da skriv vi mai, og endeleg kan Fjellgruppa i Surnadal Pensjonistlag invitere til ein ny fjelltursesong. Sesongens første turmål er Høgberget tysdag 7. mai klokka 10:00. Oppmøte på parkeringsplassen nedanfor Øye kyrkje.