Vi fann 2202 artiklar i dette arkivet.
I ei pressemelding frå Innovasjon Norge, får vi opplyst at Svinvik gard er tildelt «Bedriftsutviklingsprisen i landbruket». På garden i Svinvika har det vore tradisjon for å tenke nytt. Tore og Kristina Svinvik stod ved eit vegskilje då dei tok over garden i 2015.
Surnadal bibliotek inviterer til forfattartreff med Sverre Årnes måndag 13. november klokka 18:00, der han i samtale med Svein Sæter legg ut mest om det du ikkje visste om Sverres skriftlege sideprosjekt. Som alltid på biblioteket, er det fri inngang, og denne gongen takka vera arrangementstøtte frå «Den kulturelle spaserstokken» i Møre og Romsdal fylke.
Trimgruppa i Surnadal Pensjonistlag inviterer torsdag 9. november klokka 10:00 til ny innetrimøkt på Frivilligsentralen på Skei. Denne trimsesongen har pensjonistlaget fått med seg fysioterapeut Emil til å leie trimmen.
Ein gjeng, som driv med strikking, dekorasjonar, matproduksjon og varesal, har gått saman om å arrangere julemarknad i Myrvang forsamlingshus laurdag 11. november klokka 12:00 – 17:00.
For å skape litt lys i novembemørkret, inviterer Surnadal Pensjonistlag til
«Trivselskveld» på hotellet 15. november klokka 19:00! – Dette byrjar bli ein tradisjon, fortel Kristian Ranes i Surnadal Pensjonistlag.
Søndag 5. november er det klart for årets idrettslagsbasar i Todalen ungdomshus frå klokka 15:00 og utover ettermiddagen til rundt klokka 18:00. Førehandssal av lodd på felleslista via Vipps 527926. Kvart lodd kostar kroner 50,-, og hugs å skrive namn på den lodda skal stå på når du vippsar, og siste frist er laurdag 4. november klokka 24:00. Folk frå idrettslaget vil også vere på Matkroken Todalen fredag 3. november frå klokka 10:00, for å selje førehandslodd.
Søndag er det allehelgenssøndag, og Todalen Sokneråd inviterer til allehelgensgudsteneste klokka 11:00 i Todalen kyrkje. Prest er Torbjørn Brøske, og ved orgelet sit Oddveig Helset Halle. Gudmund Husby og neste års konfirmantar deltek i prosesjon med lystenning.
Prosjektet «Kunst og kulturformidling langs Den Trondhjemske postvei» inviterer til «Gullkveld» i Bondehuset torsdag 9. november klokka 19:00. Her vil Lars Ramsøy-Halle og Svein Sæter vil her presentere boka Amerikabrev med brev frå «Gullkongen» Fredrik Bruseth og søskena.
Tysdag 7. november klokka 12:00 – 13:00 inviterer Nordmørsmusea og Surnadal bibliotea til «Litterært pusterom» på Åsen bygdemuseum. Det blir også kaffestund og ope museum etter det litterære pusterommet.
Da har vi lagt inn ReMidt sin tømmekalender for glass- og metallavfall, restavfall, papir og papp, plast- og matavfall, for resten av 2023 inn i aktivitetskalenderen vår her på Todalen.no.
I dag starta tre karar frå Todalen historielag arbeidet med å pusse opp loftet i ungdomshuset, slik at Halse-samlinga som i dag er lokalisert i skulen, kan flyttast til ungdomshuset. Dette fordi skulen no er lagt ut for sal, og at Halse-salinga da blir «huslaus». Halse-samlinga har tidlegare vore lokalisert på Haugabu, på Todalshytta, i gammelskulen og i skulen, men blir altså no flytta til ungdomshuset.
Fredag 3. november, mellom klokka 12:00 – 17:00, inviterer Lia gard til ope bakeriutsal. Da er trauet mellom anna fylt opp med ferske skulebollar, og sjølvsagt mykje anna godt!